radical fyrir 24 árum Fjöldi lestra: 208

Málrembingur (er það íslenskt orð?)

Ég fæ það stundum á tilfinninguna að það sé fullt af fólki sem
heldur það að tala “rétt” íslenskt mál sé undirstaða
menningar á Íslandi.

Tungumál eru til þess að geta tjáð hugmyndir sínar,
tilfinningar og fleira. Og maður velur þau orð sem maður telur
lýsa best þessum pælingum sínum eða tilfinningum. Og ef
það sem er verið reyna að segja kemst til skila:Mission
accomplished, og það þarf ekkert að vera hugsa meira um
það.

Ég tala við vini mína öðruvísi en móður mína.. og vel þau orð
sem mér finnst best henta við hverjar aðstæður hverju sinni,
hvort sem það er “rétt” íslenska, enska, einhvað sambland af
einhverjum tungumálum eða bara einhver bullorð sem gæti
hugsanlega lýst því sem ég er að pæla.

Þótt tungumál okkar sé hluti af okkar menningu okkar þá er
það að mínu mati ekki aðalatriðið. Það er margt sem skapar
okkar menningu.. t.d. skata, drekka sjaldan en mikið í einu,
þorrablót, rakettur, harðfiskur, brennur, fara í buisness eins og
aðrar þjóðir spila Matador, eilífur samanburður við aðrar
þjóðir, eiga endalaust magn af bílum og svona mætti lengi
telja… tungumálið er einugis til þess að tjá sig um þessa hluti
og fleiri og þótt við töluðum öll ensku (eða einhvað) þá þarf
það ekki að þýða að þessir hlutir breytist einhvað..

Tungumál þróast og það hefur ekkert upp á sig að vera að
reyna að halda í einhverja hrein-tungu-stefnu ..eða hvað sem
þetta er kallað..

Hættum þessu málrembing!

peace
potent

[Notanda eytt] fyrir 24 árum

Ég er sammála þér að því leyti að það er allt í lagi að fá að láni orð úr öðrum tungumálum. Mér finnst það aftur á móti fáranlegt þegar sagt er mér langar, ekki mig, og þannig hlutir. Það er það eina sem þarf að hafa rétt.

E-220

Fyrra álit

Ingi fyrir 24 árum

Er á sama máli!
En það meikar kannski ekki senns að ég sé að pikka hér. Það væri betra að heyra í einhverjum sem fílar þetta ekki og vill betra málfar :-)

www.facebook.com/teikningi

Fyrra álit

Mangi fyrir 24 árum

Hér á Íslandi tölum við íslensku

Gleymum ekki smáfuglunum..

Fyrra álit

hun fyrir 24 árum

mér finnst stór munur á talmáli og ritmáli. mér finnst líka í lagi að hann sé stór. svo lengi sem fólk kann enn að skrifa íslensku en ekki notar kannski íslENSKU þegar það talar þá er mér nokk sama.
hér á huga skrifa ég meir eins og ég tala. þegar ég er kannski að skrifa ritgerð eða eitthvað álíka þá finnst mér nauðsynlegt að geta komið dæminu frá mér á skýrann íslenskan hátt.
ég er ekki viss um að menning okkar væri sú sama ef við töluðum ensku eða jafnvel dönsku. mér finnst doldið algengt að fólk ber enga virðingu fyrir ættfeðrum okkar sem stóðu vörð um tungumálið okkar og gerðu okkur að þeirri bókaþjóð sem við erum í dag. þó fólk sé kannski hætt að lesa nú til dags þá hefur fortíðin svo sannarlega mótað nútíðina og mun eiga sinn þátt í framtíðinni. gleymum ekki því. ( vá þvílíkt þjóðarstolt)
annars potent þá finnst mér málrembingur fínt orð hvort sem það er til eða ekki. það er kannski það besta við íslenskuna, mar getur búið til orð sem allir skilja en eru samt nýyrði. ég held að það sé kannski ekki eins auðvelt í öllum tungumálum.
baaaah þetta er orðið ágætt af þvættingi hjá mér.
taki hver mark á mér sem vill
st.hún

Fyrra álit

hun fyrir 24 árum

ayi… það er eitt auka ekki þarna í 2. línu!!!

Fyrra álit

Vargur fyrir 24 árum

Persónulega er ég svolítill stuðningsmaður þessa málrembings. Mér þykir í lagi að fólk tali á þann hátt sem það vill, en það ætti að skrifa texta af aðeins meiri umhugsun. Ástæðan er sú að það er auðveldara að misskilja ritað mál en talað. Talaða málinu fylgir ákveðin tilfinning sem berst með hljómnum ( t.d. heyrir áheyrandi oftast nær mun á gríni og alvöru ). Þetta er ekki til staðar í ritmáli og því er rétt að vanda sig aðeins betur. Mér þykja enskuslettur í lagi þegar um er að ræða tæknileg atriði en frekar pirrandi þegar rétt eins hefði verið hægt að notast við íslenskt orð. Að lokum fer mikið fyrir brjóstið á mér þessi netmállýska sem maður sér mikið af hér á huga ( bara eikkað mar ) því ég veit satt best að segja ekki hvaða tilgangi hún þjónar.

alvörugefinn,
v a r g u

(\_/)

Fyrra álit

hun fyrir 24 árum

ég er sammála vargi í flestum atriðum en þó get ég ekki sagts vera á móti netmállýskunni svo framarlega sem hún sé ekki yfirgengilega ofnotuð. ég nota netmállýskuna sem tæki til að færa talmálið inn í ritmál. enda finnst mér hugi og aðrir netvetvangar, vera staðir þar sem mar er bara að spjalla.
st.hún

Fyrra álit

Vargur fyrir 24 árum

Ég ber virðingu fyrir þínu sjónarmiði, en ástæðan fyrir því að mér mislíkar netmállýskan er líklegast sú að ég tala ekki svona í daglegu tali sjálfur. Þ.e. ég segi maður með ‘ð-i’ og ég segi eitthvað með “eitt” hljómi.

Kveðja,
v a r g u

(\_/)

Fyrra álit

yaf fyrir 24 árum

Mér finnst mjög skrítið að lesa það að rakettur séu mikilvægari þáttur í menningu okkar, heldur en málið. Er eitthvað að?

Fyrra álit

radical fyrir 24 árum

Ég sagði ekki að rakettur væru mikilvægari en einhvað annað, ég sagði bara að það væri hluti af menningu okkar eins og margt annað.

Ég skrifa yfirleitt öðruvísi en ég tala.. og ég skrifa líka mismunandi eftir því hver eigi eftir að lesa það sem ég skrifa… ég “sletti” í ritmáli þegar ég er að skrifa vinum mínum.. ég “sletti” ekki eins mikið og þegar ég var að gera ritgerðir í skóla… mér finnst ekkert erfiðara að skilja netmálýskuna en einhvað annað, og það er kannski auðveldara að koma til skila _hvernig_ maður segir hlutina og hvað maður er að meina. Mér finnst ég vera að “tala” á netinu… bara lítil merki eins og :-) og :-( geta sagt helling um hvernig fólki líður og þessháttar.. ég er ekki viss um að þessi tvö merki yrðu vinsæl í skálsögum og svoleiðis bókmennta verkum. En þegar fólk er að “tala” saman á netinu er þetta næstum ómissandi. Hins vegar finnst mér ekki gaman að lesa bréf sem er hvorki með punktum eða kommum og allt skrifað með litlum stöfum… það talar enginn í belg og biðu og þess vegna ættum við heldur ekki að skrifa þannig… og svo að lokum.. ekki notaði Laxnes alveg _rétt_ ritmál í bókum sínum og hann er einn mesti rithöfundur sem Íslendingar hafa átt.

potent

Fyrra álit

Vargur fyrir 24 árum

Ég er sammála meginmáls þíns potent, það skiptir auðvitað máli fyrir hvaða lesendahóp þú matreiðir efnið. Það er samt kannski ekki alveg rétt að blanda Laxness í málið, það er á svolítið öðrum grundvelli, en jæja skítt með það. Hvað netmállýskuna varðar þá var það sem ég var að reyna að koma til skila það að það er eitt að “spjalla” á ircinu, skrifa innskot á kork og þvíumlíkt, en annað að skrifa t.d. alvarlegar greinar um heit málefni með þessari svonefndu netmállýsku. Mér (og eflaust mörgum) þykir það á einhvern hátt rýra innihaldsgildi greinarinnar. Rétt einsog við málfræðiséníar eigum að bera virðingu fyrir rétti annarra netverja til að tjá sig á sinn hátt þá er rétt að netverjar viti að vilji þeir yfir höfuð ná eyrum og virðingu sem flestra með skrifum sínum, þá er stílhreint og fallegt mál sú leið sem líklegust er til árangurs.

Kær kveðja,
v a r g u

(\_/)

Fyrra álit

yaf fyrir 24 árum

Rakettur koma frá Kína.

Fyrra álit

JediMLD fyrir 24 árum

en stundum fer þetta út í öfgar hjá sumum að sletta.

Through me is the way to the sorrowful city.

Fyrra álit

radical fyrir 24 árum

Bílar koma frá útlöndum.. samt eru þeir stór hluti okkar menningar í dag, það snýst allt um bíla og vegi og jarðgöng og svoleiðis hérna.. og með raketturnar, það breytir engu hvort þær koma frá Kína eða einhverstaðar annars staðar frá, við skjótum þeim upp eins og vitleyisngar og þær eru stór hluti af okkar áramóta menningu.

potent

Fyrra álit

yaf fyrir 24 árum

En bílar og rakettur eru hluti af menningu flestra annara landa í heiminum. Það er ekkert íslenskt við þessi fyrirbæri.

Fyrra álit

elDoro fyrir 24 árum

Ég held að meistari Megas hafi sagt það: “ það skiptir ekki máli þó þú slettir, málið er bara að hugsa á íslensku.” Word up!

Fyrra álit

radical fyrir 24 árum

Ég er alveg sammála þér í þessu Vargur og bara svo að allir viti þá ég hef ekkert á móti því að tala rétta íslensku.. það er bara þannig að þegar ég tala eða skrifa þá nota ég oft önnur orð, sem mér finnst henta betur (það hefur komið fyrir að ég muni ekki íslenska orðið yfir suma hluti en ég veit hvað það er á ensku) en ef ég væri að skrifa einhverja rosa fína grein eða ritgerð eða einhvað svoleiðis þá myndi ég leggja mig fram við að skrifa góða og fallega íslensku, það er ekki það sem ég er að argast út af.. það er bara hvað það er búið að blása þetta rosalega mikið upp.. það VERÐA allir að tala og skrifa fullkomna íslenksu.. ég er einfaldlega á móti svona hugsunarhætti.

potent

Fyrra álit

Vargur fyrir 24 árum

gott mál, ég er sammála.

(\_/)

Fyrra álit

radical fyrir 24 árum

Raketturuppskot og mikil bíla eign er hluti af okkar menningu… og þótt að aðrar þjóðir noti bíla og skjóti upp rakettum þá er ekki þar með sagt að það sé ekki hluti af okkar menningu… Pointið í greininni er að tungumálið er ekki aðalatriðið, eins og sumir virðast halda. Menning okkar er samansett úr mörgum hlutum og ég taldi nokkra upp…

potent

Fyrra álit

Vargur fyrir 24 árum

Mikið er fólk að rembast við að reyna að misskilja þig maður!

(\_/)

Fyrra álit

krummi1 fyrir 24 árum

Nei þessi grein er bara svo fáránleg og illa framsett hálfvitinn þinn

Fyrra álit

Deiglan

Deiglan

Ofurhugar

Hverjir eru inni

Greinar

Málrembingur (er það íslenskt orð?)

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi