NEI, það á ekki að afnema hann.
EN, það þarf að setja stopp á eitthvað af honum, t.d. þetta með að ríkisstarfsmenn eru að sníkja sér skattalækkun með því að skrá sig á t.d. LÓÐSBÁTA og fleiri ríkisskip og míga ALDREI í saltan sjó, heldur vinna á skrifstofu.
Það á heldur ekki að vera skattaafsláttur á sjómælingabátum, varðskipum o.fl.

Það þarf að setja það skilyrði að þeir bátar (sjómenn) sem ætla að nýta sér þennan afslátt þurfa að LANDA fiski.

Sem sagt:
BURT MEÐ SNÍKJUDÝRIN, sem eru að eyðileggja þetta mál fyrir sjómönnum, og bændur og búalið að hætta að skipta sér af þessu máli (Pétur Blöndal o.fl.)
sem aldrei hafa sjóinn augum litið.

Þið hafið nóg af ríkisstyrkjum sjálf og þurfið alls ekki að grenja þó svo sjómenn fái pínulítinn bita til sín.

Já ég hjartanlega sammála “demco” og líka það að sjómenn hætta lífi sínu á hverjum degi svo að landinn fái fiskinn sinn.
það er bara rugl að afnema sjámannaafsláttinn !!

kv. Dulli…

ég er ekki sammála víst er þetta erfið vinna en það réttlætir þetta ekki samt því þetta er hálauna starf sjómenn eru að fá útborgað mörg hundruð þúsund á mánuði sumir hverjir.

svo er þetta ekkert meiri harka en að vera upp á hálendi þar sem er oftar en ekki arfavitlaust veður og menn vinna út 12 15 tíma á dag og eru frá fjöskyldu og vinum vikum saman og það er óréttlátt gagnhvart þeim .

svo eru ekki allir sjómenn togara sjómenn og margir fara bara í dagtúra og það er sambærilegt við að vinna í landi .
þetta er mismunun og á ekki rétt á sér!

Sjómannaafsláttur er að mörgu leyti mjög þarft mál og kom örugglega til út af því að erfitt var að fá fólk í þessa vinnu.
Spurningin er hins vegar, á það að vera hlutverk ríkisins? Er ekki verið að niðurgreiða fyrir útvegsmenn þarna?
Ef aðrir menn (og konur) þurfa að dvelja langdvölum frá heimili vegna vinnu fá þau það venjulega bætt upp með einhverjum hætti, dagpeningum, staðaruppbót ofl. þess háttar. Það er launagreiðandans að koma með þær greiðslur.
Nei ég vil ekki afnema sjómannaafslátt en ég vil að útvegsmennirnir sjái um þá hlið. Og ég vil að sjómannaafsláttur sé afnuminn af lóðsum, ferjum og þess háttar. Ég sé enga sanngirni í því að fólkið á Herjólfi t.d. sem er yfirleitt komið heim til sín milli kl. 3 og 4 á daginn (miðað við siglingaáætlun), þ.e. löngu á undan mér, fái skattaafslátt. Hins vegar er það mér að meinalausu að vinnuveitendur þeirra bæti þeim það upp að þeir hafi ekki fast land undir fótum.

Það eiga allir að vera jafnir fyrir lögum og hafa sömu réttarstöðu gagnvart ríki. enginn á að hafa aðra réttarstöðu gagnvart sköttum eða skildum samfélagsins þó að sjálfsögðu séu undantekningar frá öllum reglum.
Niðurgreiðsla á launakostnaði útgerðarinnar er hrópandi óréttlæti, þeir fengu þjóðarauðin gefin þegar honum hafði verið rænt og að niðurgreiða líka launakostnað þeirra er yfirgengilegt, mína skatta á ekki að nota til niðurgreiðslu fyrir kvótakónga á sama tíma og fólk býr við fátækt og getur ekki keypt sér nauðsynleg meðul.

Eg se nu ekki af hverju nokkur starfsstett eigi ad fa serstaka medferd i skattkerfinu. Ekki matti forsetinn thad og ekki geta skuringarkonur sott um afslatt af sinum skøttum thott launin seu lag og thær neyddar til ad vera fra fjolskyldum sinum a kvoldin til ad thrifa eftir adra.. svo eg taki dæmi til ad syna fram a hve faranlegur malflutningur theirr sem vilja sermedhøndlun hljomar.

En til ad vera i stil vid fyrsta rædumann:

AF HVERJU EIGA SJOMENN RETT A SERSTAKRI MEDHØNDLUN I SKATTKERFINU EINS OG UNGABØRN?

Er sjomennska erfidasta starf i heimi? Eda a Islandi? Eru thad røkin?

Ef sjómannaafsláttur er til kominn vegna langra fjarvista frá fjölskyldu eða vegna erfiðrar vinnu, þá er alveg til helling af fólki sem ekki er á sjó sem vinnur erfiða vinnu og er lengi fjarri fjölskyldum sínum, t.d. þeir menn sem eru að vinna útí rassgati við að byggja virkjanir okkar. Aðrir sem eru á sjó, t.d. á lóðsbátum og ferjum fá afsláttinn og eru þó ekkert fjarverandi frá fjölskyldum sínum meira en aðrir sem vinna 9-5. Er þetta eitthvað réttlátt?

Mér finnst að það eigi að afnema afsláttinn og láta útgerðirnar um að greiða þá launauppbót sem þarf. Ríkið á ekki að mismuna með því að veita einni stétt skattaafslátt umfram aðrar.

Svona í framhjáhlaupi þá hef ég það fyrir satt að sjómannaafslátturinn hafi komið til í eitt skiptið þegar ekki náðist saman í vinnudeilum og ríkið ákvað að “hjálpa” útgerðunum eins og oft áður og síðan. Er annars einhver þörf á því að hjálpa útgerðum í dag?

Ein starfsstétt á ekki að njóta meiri réttinda en önnur á Íslandi, þannig á það bara að vera. Pétur Blöndal þarf ekki önnur rök en það fyrir sínum málflutningi, það eru hinir sem vilja gera undantekningar sem þurfa að rökstyðja sig og rökin sem ég hef heyrt núna eru ekki góð.

Þeir einu sem hagnast eitthvað af flóknu skattakerfi eru þeir sem hafa efni á því að kaupa sér ráðgjöf bókhaldsfyrirtækja sem geta þefað uppi glufurnar í kerfinu.

NEI!

ég er svo hjartanlega sammála þér Pétur Blöndal er bara helvítis aumingi!

Já það á að afnema hann, og ég skal segja þér af hverju:
Af hverju á ríkið að niðurgreiða laun fyrir útgerðina? Sjómannaafslátturinn er ekkert annað en ríkisstyrkur. Fyrir þá sem ekki muna, þá komst sjómannaafslátturinn á fyirr löngu, þegar sjómenn og útgerðarmenn voru í hörðum kjaradeilum og verkföllum, og ríkið kom inn í og reddaði hlutunum. Útgerðarmenn hafa alltaf spilað upp á þetta, að ríkið komi inn í verkföll og annaðhvort setji lög eða noti aðrar aðferðir til að koma sjómönnum aftur að vinnu. Sjómenn mjög góð laun miðað við flesta aðra. Þeir eru eina stéttin sem fær hlut beint úr sölu fyrirtækisins, geri aðrir betur! Hvað heldurðu að t.d. starfsmaður Símanns væri með í kaup ef þeir fengu hlut af sölutekjum?
Yfirhöfuð hafa sjómenn gott kaup, sérstaklega á frystitogurum, þú getur ekki mótmælt því, eða hvað?
Ég get ekki vorkennt sjómönnum á stórum togurum mikið lengur, þetta er ekki eins og það var fyrir 30 árum. Enda er slegist um pláss á þessum skipum.
Kveðjur,
J.

Smá forvitni…Kemur þessu reyndar ekker við.
Er gaman að vera sjómaður, fyrir þá sem eru fyrir sjó, eða fær maður leið á sjónum svona eins og fólk sem finnur á pizzastað fær stundum leið á pizzum? Einhvern veginn held ég að það geti ekki verið.

Mér finnst ekki að það eigi að afnema sjómannaafsláttinn.

Fólk sem vinnur á pizzastað ætlaði ég að segja. Fingurnir eru ekki alveg að rata á rétta stað, í raun þyrfti ég að lesa yfir það sem ég vélrita.
Alla vega, fá sjómenn leið á sjónum eða ekki? Mér finnst það forvitnilegt. Verða sumir háðir því að vera úti á sjó?

SJOR

Ég er að vinna 12 tíma á dag í matvælaiðnaði hérna á höfuðborgarsvæðinu sex daga vikunnar, og ekki er ég að fá neinn skattaafslátt fyrir það! Samt eru mín laun örugglega nema brot af þínum launum. Það eina sem mér finnst Pétur Blöndal vera að fara fram á er að minnka bilið milli ríkra og fátækra sem mér og vonandi þér finnst vera sjálfsagt mál.

Það á að afnema allt sem heitir skattaafslátur og setja 19% skatt á alla og bara eittn V.S.K það er 17% og ekki neit annað

Það á EKKI að afnema sjómannaafsláttinn. Það er stórfurðulegt hvað sumir mikla laun sjómanna fyrir sér án þess að hafa hugmynd um hvað það er að tala, það yrðu margir hissa ef þeir gæfu sér tíma til að skoða tölurnar og sjá launin sem þeir raunverulega eru með.

SJOR.

Sjómannafsláttur á ekki lengur rétt á sér til handa þeim er starfa í núverandi markaðskerfi sjávarútvegs á Íslandi, þar sem um er að ræða fyrirtæki á hlutabréfmarkaði.

Hvers vegna í ósköpunum ættu skattgreiðendur að vera að taka þátt í því auka hagnað starfandi fyrirtækja á hlutabréfamarkaði . Fyrirtækin sjálf eiga að greiða þennan mismun.


Hér er um að ræða ívilnun sem stenst ekki lengur hvort sem mönnum líkar betur eða ver.

Afskipti hins opinbera af samningum við sjómenn eru hins vegar óafsakanleg í þessu samhengi.

kv.
gmaria.

Rökin sem sett hafa veri fram til stuðnings sjómannaafslætti:

Starf sjómanns er erfitt
Sjómenn eru lengi frá fjölskyldunni
Pétur Blöndal er „skaðræðisskepna og samviskulaus rotta“
Pétur Blöndal hefur aldrei migið í saltan sjó
Sjómenn eru illa launaðir
Sjómennska er svo mikilvægt starf
Sjómennska er svo hættuleg
Ríkið borgar öðrum stéttum laun (t.d. kennurum)
Sjómenn þurfa að taka þátt í ólíukostnaði útgerða
Ráðherrar og þingmenn fá ferðastyrki
Ríkisstarfsmenn fá dagpeninga
Einstæðar mæður fá ríkisstyrki


Öll þessi rök eiga það sameiginlegt að þau koma málinu barasta ekkert við. Skoðum þetta nánar:

Starf sjómanns er erfitt

Ég ætla mér ekki að neita því að starf sjómanna sé erfit. Ég neita því hinsvegar að það sé eina erifiða starfið sem unnið er. Því eiga aðrir sem vinna erfið störf jafnmikla kröfu á skattaafslætti og sjómenn.

Sjómenn eru lengi frá fjölskyldunni.

Hér á það sama við. Sjómenn eru fráleitt þeir einu sem dveljast fjarri fjölskyldunni.

Pétur Blöndal er „skaðræðisskepna og samviskulaus rotta“

Persónulegir eiginleikar Péturs koma málinu ekkert við. Hér eru til umfjöllunar rökin sem hann kemur með máli sínu til stuðnings, ekki Pétur sjálfur.

Pétur Blöndal hefur aldrie migið í saltan sjó.

Kemur málinu bara ekkert við. Ef Pétur má ekki tjá sig um skattamál sjómanna á þeirri forsendu að hann hafi aldrei verið á sjó, þá má alvegins beita þessum sömu rökum á sjómenn og segja að þeir eigi ekkert með það að tjá sig um skattlagningu vegna þess að þeir hafi aldrei setið á Alþingi og skattlagt menn.

Sjómenn eru illa launaðir.

Laun sjómanna koma þessu máli ekkert við. Jafnvel þó að sjómenn væru svo illa launaðir að þeir ættu ekki ofaní sig að éta, þá væri það málinu óviðkomandi. Það er hellingur af fólki sem er illa launað án þess að fá sérstakan skattaafslátt.

Sjómennska er svo mikilvægt starf

Sjómennska er vissulega mikilvægt starf, en hið sama á við um fjölmörg önnur störf. Það er mikill misskilningur að sjómenn skapi einhvern auð einir og óstuddir. Auðurinn verður til við samvinnu hagkerfisins, ekki vegna starfa sjómanna. Það má alveg eins segja að verslunin skapi auðinn, því án verslunar væri engin útgerð.

Sjómennska er svo hættuleg

Vissulega getur sjómennska verið hættulegt starf. Það er hinsvegar ekki eina hættulega starfið. Hversvegna ættu þá sjómenn að fá sérstaka áhættuþóknun frá ríkinu en aðrir ekki?

Ríkið borgar öðrum stéttum laun (t.d. kennurum)

Ríkið er vinnuveitandi margra stétta. Kennarar fá ekki sérstakan afslátt, néheldur læknar, lögreglumenn eða aðrar stéttir. Sem vinnuveitandi þarf ríkið að standa straum af öllum launakostnaði til sinna starfsmanna. Hversvegna ættu útgerðir ekki að sitja við sama borð?

Sjómenn þurfa að taka þátt í ólíukostnaði útgerða

Hér er um að ræða útfærsluatrið á launakjörum sjómanna. Eðlilegast er að sjómenn og útgerðarmenn semji um það sín á milli hvernig þau launakjör eiga að vera. Ef ég sem um það við vinnuveitanda minn að ég greiði hluta af rafmagnsreikinig fyrirtækisins, þá er ekki þarmeð sagt að ég eigi rétt á sérstökum skattaafslætti.

Ráðherrar og þingmenn fá ferðastyrki

Þessum styrkjum er ætlað að mæta kostnaði sem fellur til vegna starfa þingmanna og ráðherra. Þeir eru ætlaðir sem mótvægi við tiltekinn kostnað sem hlýst af því að starfa sem þingmaður eða ráðherra. Þeir eru ekki ætlaðir sem sérstök launauppbót eða niðurgreiðsla ríkisins á störfum fyrir aðra vinnuveitendur.


Ríkisstarfsmenn fá dagpeninga

Sjá svar að ofan. Þá eru ríkisstarfsmenn fráleitt þeir einu sem fá dagpeninga. Ég held að það séu flestir sem þurfa að ferðast á vegum vinnuveitenda sinna sem fá greidda dagpeninga til að standa straum af þeim kostnaði sem af ferðalögunum hlýst.

Einstæðar mæður fá ríkisstyrki

Ríkið aðstoðar þá sem þurfa á aðstoð að halda vegna félagslegra aðstæðna. Einstæðar mæður eru fráleitt eini hópurinn sem fær fyrigreiðslu frá ríki eða sveitarfélagi. Almenna reglan er sú að bætur og styrkir miðist við fjárhagslegar aðstæður styrkþegans. Ég hef ekki orðið var við að einstæðar mæður, öryrkjar eða aldraðir fá sérstakan skattaafslátt.



Hver eru þá rök þeirra sem vilja afnema sjómannaafsláttinn? Þau eru einföld. Allir eiga að vera jafnir fyrir lögunum, þar með talið skattalögum. Það er ekki réttlátt að sjómenn njóti fríðinda umfram aðra þjóðfélagsþegna.

Bumburumbi.

eftir að hafa lesið þetta þá virðist mér að flestir sé á því að einfalda skattakerfið og borga eftir framboði og eftirspurn.. að hluta til þá er hlutakerfið sem er í útgerð sniðugt.. þetta eru í rauninni árangurstengtlaun.. það eru fleirri starfsstéttir með árangurstengt laun eins og sölumenn.. fyrir minn snúð þá er mér alveg sama hvernig skipin eru mönnuð hvort það sé íslendingar eða færeyingar.. en ég held að allar skattaívilnanir sama hvað nöfnum sem þeir eru sé tímaskekkja.. sjómenn eiga ekki að njóta skattalegs hagræðis frekar en bændur.. mikilvægi starfstétt og áhætta sem stafar að aðilum sem starfa að þeim er afstætt.. það er hægt að rökræða það út frá mismunandi forsendum.. Pointið hjá mér er að mikilvægt sé að einfalda skattkerfið.. og draga úr ríkisútgjöldum.. hættum að eyða í einhverja vitleysu..

Ég var að lesa morgunblaðið og þar var frétt um einhverja (minnir að það hafi verið tveir frystitogarar) sem fengu að koma inn á þingeyri til að fá sér ölara. neðst í greininni stóð “Allt fór friðsamleg framm”! Ef þetta hefður verið Teppagerða menn þá hefði þetta ekki staðið. Mér finnst alltaf eins og allir líti á sjómenn sem einhverja fyllirafta sem gera ekkert annað en að berjast og drekka…sú tíð er liðin. Ég veit allavega sjálfur að sjómenn eru óttarlega skræfur þegar kemur að þeirra kjörum, það er eins og enginn þori að segja neitt! Látiði Heyra Í ykkur!!

Það á ekki að afnema sjómannaafslátt og fyrir því eru ýmsar ástæður. Það má vel vera að þetta hafi komið fram áður en ég sá allavega ekki neinn nefna fjölskylduaðstæður sjómanna. Gerir enginn sér grein fyrir því hversu sjaldgæft það er að sjómenn eigi fjölskyldu, konu og börn, sem lifa saman en ekki bara einhverja krakka útí bæ. Ég ólst upp við þær aðstæður að faðir minn var á sjó 40-50 daga í einu, fyrir takmörkun. Hann ´hefur verið á sjó í tæp 30 ár og ég þekki hann í raun ekkert mikið og alveg sagt að ég hafi alist upp nánast föðurlaus. Foreldrar mínir eru enn gift og það er ekki algengt að sjómenn séu í hjónabandi til lengdar. Ég ætla ekki að segja að konur séu eitthvað sérstaklega lauslátar en þær eru jú einar í rúminu mestallt árið. Svo ég nefni launin, þá er ekkert óalgengt að menn komi heim með trygginguna eina, sem er viðbjóðslega lág. Og slys, þau eru tíð. Maður þarf ekki nema að renna til að detta og þá er ekkert sem segir að þú getir unnið neitt meira!

Allt í lagi væri að afnema sjómannaafslátt og taka bara upp tímakaup í staðinn, sjómaður sem er 30 daga út á sjó gæti haft það fínt svoleiðis. Sem dæmi gera 30 Dagar sinnum 24 tímar 720 tíma á mánuði, ég segi 24 tímar þar sem sjómaðurinn er jú alltaf á vinnustaðnum og telst þar með í vinnuni.
bara sem dæmi ef allir þessir tímar væru í dagvinnu á kaupi “540Kr tíman” sem meðal skúringarkona hefur gerðu þetta 388,800 kr á mánuði en auðvitað eru meirihluti tímans í næturvinnu samkvamt taxta fyrir verkafólk í landi. Reikni nú hver sem getur allt dæmið til enda………………..