Kannski veistu það ekki en þeir sem fara í efnin eru að taka áskorun annarra. Það er að segja taka áhættu. Til að skýra betur út þá kem ég með dæmi. Mikið er um það að krakkar hafi lítið sjálfstraust. Sagt er kannski: ertu hræddur? Þá þverneitar krakkinn og tekur áhættuna.
Ef við lögleiðum efnin þá væri efnin ekki eins mikil áhææta og krakkar hætta að hafa áhuga á fíniefnum. Ég er ekki að segja það að best sé að lögleiða efnin og kannski það sé til betri leið en betra væri að hugsa út þetta.

Samfélagið gengur ekki ef allir eru útúrdópaðir, það er alveg rétt. Það gengur heldur ekki ef allir eru útúrdrukknir. Málið er bara það að þó einhverjir detti í flöskuna og verði aumingjar þá geta flestir notað áfengi í hófi og samt skilað sínu til samfélagsins. Sama með hass, það er fullt af fólki sem notar það í hófi án þess að verða einhverjir útúrdópaðir vitleysingar. Ég held að það væri bara skárra ef unglingarnir reyktu hass í staðinn fyrir að drekka, þá væri ábyggilega minna um slagsmál og nauðganir.

Ég veit ekki hvar ég á að byrja að svara svona löguðu. Í fyrsta lagi þá eru til fjölmörg dæmi um það að fólk sem reykir er alveg að gera jafnmikilvæga hluti hérna í þessu samfélagi eins og allir hinir. Ég veit persónulega um menn sem eru í valdastöðum og þeir reykja cannabis og gera jafnvel meira sumir eins og til dæmis að fá sér kókaín og engum dettur það í hug. Ég veit um fréttamenn sem eru í fjölmiðlunum annan hvern dag og þeir reykja cannabis. Ég veit um forritara og kerfisfræðinga sem eru með þeim bestu á landinu og þeir reykja cannabis þannig að það er fallið um sjálft sig allt þetta um að fólk geti ekki starfað og landið fari um koll ef cannabis er lögleitt. Þetta er tal hjá manni sem ekki veit um hvað hann er að tala. Ég vil taka fram áður en ég held áfram að ég fíla ekki lögleiðingu á öðru en cannabisefnum.
Svo er eitt en sem þú ert að gleyma, það er að gefa fólki smá séns á því að taka ákvörðun um hvernig það hagar lífi sínu. Menn sem ekki nota nein efni í dag byrja ekki á því þó þetta verði lögleitt. Það er ekkert mál að komast í hvaða efni sem er í dag þannig að þar yrði engin breyting á. Það geta allir alltaf reddað sér einhverjum eiturlyfjum þannig að það yrði ekkert nýtt. Að sjálfsögðu yrði eftirlit með þessu og þá er mun betur hægt að fylgjast með hverjir eru að nota þetta. Þetta ætti að vera bannað fyrir krakka yngri en 20 ára eins og með áfengið (sem reyndar er hættulegra en cannabis) og heimaræktun útrýmir “sölumönnum dauðans”. Það væri þvílíkt stórt og gott skref að útrýma þessum dílerum því þeir eru bara að hugsa um sjálfa sig og er alveg sama þó þeir selji 13 ára krökkum e- töflur. Svoleiðis menn hverfa með lögleiðingu því að fólk sem vill bara reykja myndi hætta að tala við þá. Með lögleiðingu færu miklir peningar í ríkiskassann þannig að samfélagið er ekki að tapa pening á þessu heldur græða. Þann pening væri svo hægt að nota í fræðslu þannig að hægt sé að koma í veg fyrir að fólk fari út í þetta. Þessa peninga væri hægt að nota í eitthvað uppbyggilegt fyrir krakka og unglinga. Jæja svona mætti lengi halda áfram en ég vil benda fólki á að kíkja á skýrslur sem hafa verið gefnar út af virtum rannsóknarstofum út um allan heim og það er ekkert bull sem stendur í þeim. Þetta er nú þegar leyfilegt í nokkrum ríkjum í USA og í mörgum nágrannalöndum okkar. Eru þetta allt hálfvitar í kringum okkur??
Ekki vera svona þröngsýnn. Hvernig væri að kynna sér málið öðruvísi en að verða brjálaður og reiður. Þetta á ekki að vera einhver tilfinningabarátta milli fólks heldur á að ræða þetta málefnalega, tilfinningar hafa ekkert með þetta að gera, aðeins staðreyndir.

Ég kæri mig ekki um að fara útí að ræða innihaldið sem slíkt, en greinin þín er stórskemmtileg aflesnar, svo mikið er víst! :-)

Auðvitað eru flestir ekki því fylgjandi að allt dóp sé lögleitt. Það er fáránleg rökfærsla að halda því fram að við það að lögleiða eiturlyf sé verið að fækka glæpum. Þannig er alveg eins hægt að halda því fram að með því að lögleiða morð, nauðganir, þjófnað og líkamsárásir sé hægt að fækka glæpum stórlega!!! Hins vegar er verið að ræða um að lögleiða lítin hluta þeirra sem er kannabis. Kannabis er hættuminna en sígarettur og víman er minni en af áfengi. Ég segi já við kannabis en nei við öllum öðrum fíkniefnum.

hver segir að þeir sem fái sér smá í pípu eftir langann vinnudag, geti ekki verið góður starfskraftur?

En með það ef að allt yrði löglegt eða bara kannabis efni:
Þú segir að þá verði “allir” útúrdópaðir “alltaf”…
tökum þig sem dæmi, þú virðist ekki hafa prófað vímuefni, og þú virðist alls ekki vilja prófa! Gott mál, segjum sem svo að nú yrði kannabis lögleitt…
Myndir þú þá RequiemD bara fara og kaupa fullt af dópi og reykja? nei…
Lögleiðing leiðir ekki til þess að fleiri dópi.
Þeir sem virkilega vilja redda sér að reykja, þeir gera það þó að það sé ólöglegt, þó svo að það hefði oft getað verið auðveldara… samkvæmt öruggum heimildum.

Lögleiðum allt heila shitið og leyfum einstaklingnum að velja.