Eftir 12 ára samstarf hafa Paul Daley og Neil Barnes ákveðið að leggja niður dúettinn Leftfield. Þeir ætla þó báðir að halda áfram að búa til tónlist og eru að sögn báðir að vinna að nokkrum sólóverkefnum.

Dúettinn Leftfield var stofnaður árið 1990 og fimm árum seinna sendu þeir frá sér tímamótaverkið ‘Leftism’. Sú skífa er af mörgum talin vera ein sú allra besta sem gerð hefur verið í raftónlist. Árið 2000 sendu Leftfield svo frá sér ‘Rhythm And Stealth’, ágætisskífu, sem þó náði ekki að standa undir væntingum þeirra sem áttu von á öðru viðlíka meistarastykki og ‘Leftism’ er.

Heimildir:

http://www.nme.com
http://www.leftfield-online.com