Ég er orðinn frekar spenntur fyrir leiknum, en mér er orðið löngu ljóst að hann verður ekki með isometric view eins og Fallout 1, 2 og Tactics voru. Ég get þó ekki sagt að trailerinn hafi gefið mér PoS fílíng… þar sem PoS var pjúra hakk n slash leikur. Þvert á móti er ég sáttur með það sem ég hef séð. Hjálmurinn á power armornum var mjög líkur því sem við sáum í Fallout, en armorinn sjálfur hefur fengið miklu lógískari hönnun (straumlínulagaða hönnunin í Fallout myndi líklega ekki gera sig í Fallout 3).

Það sem við vitum er að leikurinn mun nota SPECIAL kerfið og að þeir ætla ekki að reyna að fá T stimpilinn eins og þeir gerðu með Oblivion.

Ég er harður aðdáandi Fallout seríunnar og vildi helst fá Fallout 3 eins og hann átti að verða með Van Buren verkefninu, en það er ekki að fara að gerast, og það mun aldrei gerast á meðan Bethesda er við stjórnina.

Bethesda verða eiginlega að fara mainstream leiðina, þ.e. að gera leik sem að höfðar til mainstream fólksins en ekki bara leik fyrir aðdáendurna. Þeir eru búnir að eyða 10 milljónum dollara í Fallout merkið eitt og sér (5 mill fyrir réttindin á Fallout 3, 4 og 5 og svo 5 mill síðar fyrir hugverkið í heild sinni) og svo er framleiðslukostnaður nálægt 15 milljónum dollara. Ofan á það kemur svo margra milljón dollara reikningur fyrir auglýsingum o.s.frv. Að gera leiki er kostnaðarsamt - leikir sem höfða ekki til mainstream hóps eru dæmdir til þess að mistakast og deyja út (sjáðu Psychonauts og Torment sem dæmi!)