Mér finnst að við ættum að setja upp svona stjörnu system, þannig að maður getur unnið sér inn svona glimmer stjörnur fyrir góða hegðun. Þeim svo útdeilt á lönum

Já - löngum hef ég vitað og þekkt til þeirra glettnu samskipta sem fylgja þessum heimi - og er það súrsæt minning. Því vildi ég einmitt ekki fara að kafa of djúpt niður í það sem hér á stað nema upp kæmi ill nauðsyn.

Já - kaldhæðnin er einstaklega slæm á netinu. Sem sálfræðingur hef ég kynnt mér virkni líkamlegrar tjáningar á móti mæltri tjáningu og er hlutfallið einhversstaðar á bilin 50-75% líkamlegri tjáningu í hag (það voru þó nokkuð gamlar rannsóknir, en gildar þó). Því hvet ég ávallt notendur til að nota broskallana sem mest þegar einhver vafi gæti legið í merkingu orða þeirra.

Varðandi stjórnendur áhugamálsins og/eða þær erjur sem virðast eiga hér stað, þá sækist ég í upplýsingar er það varðar frá öllum hliðum áður en ég fer að taka einhver skref í áttina að róttækum breytingum.

Ég þakka spjallið - og ráðleggingarnar :)

Kv,
Ritstjóri

Ég var að hampa henni á leið minni heim áðan en svo þegar ég kom heim þá þurfti ég að vaska upp og missti alla trú á lífinu :(

Ég ignore-aði ekki neitt. Rökræður fela í sér að taka fyrir þá punkta sem varpað er fram, leysa þá og halda svo áfram. Þú átt ekki í samskiptum við fólk án þess að farið sé á eðlilegan máta í gegnum þær samræður áður en næsti punktur er tekinn fyrir. Það væri svipað og eiga í svona samskiptum:

1: Sæll
2: Sæll
1: Hvað segiru þú gott?
2: Leiðinlegt veður núna ..
1: Ehh, já, satt er það. En er annars eitthvað að frétta?
2: Ég þyrfti eiginlega að fara í Bónus á eftir …
1: Já er það? … En hvað er að frétta af þér, konu og börnum?
2: Mikið nenni ég ekki að fara á vinna á eftir.

Ég er ekki að fara að svara fólki sem hunsa allt það sem ég hef til málanna og þær spurningar sem ég legg til - og svara svo því sem þeim dettur í hug að leggja fram. Ég skal hinsvegar svara þér er þetta varðar.

Í fyrsta lagi var þessi stúlka, ekki hann, ekki einu sinni CoD spilari en og hún segir í fyrra svari sínu. Ég veit því ekki hvað hún var að gera hér inni. Mér dettur helst í hug að hún hafi verið að elta uppi “annað efni notanda” á mér, bara til að finna eitthvað til að agnúast yfir.

Og varðandi þetta blessaða “sanna málfrelsi” sem margir vilja halda að sé til einhversstaðar. Nefndu mér einn stað í heiminum þar sem fólk er siðmenntað, býr saman í samfélagi með lögum og reglum, þar sem þú getur sagt það sem þú vilt við þann sem þú vilt, óháð því hvað það er, án þess að það fylgi því einhverskonar afleiðingar. Allsstaðar á umræddum stöðum er einhversskonar ritskoðun til staðar (þú getur prufað þetta með því að fara núna inn á lögreglustöðina, sagt þeim að þeir séu ljótir faggar og fífl og séð hvort þeir brosi framan í þig. Ég mæli þó ekki með því :).

Ritskoðun kemur einnig oftast í formi náttúrulegra afleiðinga, s.s. þú segir einhverjum að hann sé faggi og fífl og hann bókstaflega lemur til þín eða veiti þér einhvers konar refsingu fyrir orðum þínum.

Hugsaðu svo og spáðu í Huga, vefsíða sem er hönnuð til þess að veita fólki ánægju með því að halda til haga áhugamálum þess og gefa þeim vettvang til að ræða áhugamál sín af kappi. Hvað hefur þú á Huga sem er ekki að finna í samfélaginu? Tvo hluti: (1) nafnleynd, (2) algjöra fjarlægð og persónuvernd í gegnum skjáinn. Þessir tveir hlutir gera oft ljúfasta fólk að hrokagikkum og hálvitum í garð annarra. Ef einhver ákveður að byrja að rífa þig í sig getur þú ekkert gert, hvorki í formi náttúrulegra afleiðinga eða á öðru formi. Það eina sem þú getur gert til að forðast áreitið er að fara burtu af áhugamáli sem þú elska vegna þess að sífellt er verið að leggja þig í einelti og verið með áreiti í garð þín. Þetta væri svipað eins og leikskóla þar sem þægu krakkarnir þyrftu að fara heim á meðan ruddarnir stjórnuðu með ofurhendi.

Þess vegna er á Huga ritskoðun, til að vernda fólk gegn því sem það getur, enn sem komið er, ekki verndað sig sjálft gegn (þó má það vel breytast að vissu leyti, eitt af því sem blessuð stúlkan hérna fyrir ofan hafði ekki hundsvit á, enda veit um ekkert um stefnu og/eða framtíð Huga - en flestir hafa nú þegar heyrt af “nýja Huga” sem má skjóta upp kolli sínum fyrr eða síðar). Ritskoðun er afar viðkvæmur grundvöllur þar sem þarf að beita mikilli skynsemi til þess að dansa á línunni milli fasisma í ritskoðun og of lítillar ritskoðunar. Þrátt fyrir mjálmið í henni hér fyrir ofan um að ég sé fasisti í ritskoðun, bendi ég þér og öðrum á þessa skoðanakönnun sem Tyggigummi setti á forsíðuna:

http://www.hugi.is/forsida/skodanir.php?page=view&pollId=137757

Þar kemur fram að 49% notenda Huga vilja svipaða ritstjórn og nú er til staðar, 18% meiri ritskoðun, 12 prósent annað og einungis 21% vilja minni ritskoðun. Ég býst við að það séu naglar eins og hún sem vilja helst hafa þetta vettvang skítkasts og almennra ærumeiðinga. Hún vitnar líka í að svona hafi samfélagið aldrei verið, s.s. með heildstæðum og hugulsömum svörum, líkt og það sé eitthvað sem skuli halda til haga? Þýðir það að það eigi ekki að stefna að því að breita því til batnaðar í þá átt? Ég heyri frá fullt af einu sinni öflugum og skemmtilegum hugurum, nú “retired” hugurum sem segja að eina ástæðan fyrir því að þeir fóru frá þessari vefsíðu var vegna þess að skítkastið og leiðindin voru orðin óstjórnarleg - enda algengt í netsamfélagi með eins milla persónuvernd og eins litla ritskoðun og Hugi hefur haft hingað til.

Þetta er ég og stjórnendur síðunnar nú að reyna að bæta og munum halda áfram að reyna að bæta þangað til að fólk getur tjáð skoðanir sínar um áhugamál sín án þess að verða fyrir endalausu skítkasti og leiðindum af hálfu annarra.

Þetta, “allt þetta er afleiðing af Jerico” er bara bull. Þetta er að mestu afleiðing af því að ég varð Ritstjóri, því ég er búinn að vera á þessari síðu nánast síðan hún kom út og hef ég alla tíð vilja sjá hana lifa áfram. Skítkast og ærumeiðingar voru komnar út fyrir allar hellur fyrir mörgum árum og hefur notendabase Huga einnig dregist saman vegna þessa. Já - Hugi gleymdist líka hjá eigendum þess, en margt er nú í alvöru skoðun til tæknilegra breytinga, og eru þær breytingar að mestu komnar frá Vefstjóra - og er ég honum hægri hönd í þeim efnum. Hann skoðar slíkt á meðan ég reyni að taka á vanvirkum samskiptaháttum notenda í garð hvors annars til að draga úr þeim leiðindum sem hafa fælt burt mikið af þeim öflugu notendum sem hér hafa verið, því eftir að þeir verða eldri og þola minna áreiti í formi skítkasts og annarra leiðinda frá óþroskaðri einstaklingum síðunnar, þá verður síðan mun minna aðlaðandi í þeirra augum og láta þeir sig því hverfa.

Málefnið með /cod admins, hvort þeir geri þetta eða hitt er í skoðun og hefur ekkert með samskipti mín við umrædda stúlku að gera. Ég mun taka það mál sérstaklega fyrir og skoða á því alla enda, bæði er varðar hegðun stjórnenda sem og CoD samfélagsins í garð þessara stjórnenda. Þetta mun ég gera “óháð”, s.s. ég mun dæma einungis út frá rökum í málinu, ekki út frá klíkuskap. Þessu getið þið treyst með öllu, enda held ég að ég sé búinn að sýna CoD samfélaginu sanngirni mína og löngun til að vernda annars þetta öfluga áhugamál.

Kv,
Ritstjóri

Jæja, ég er búinn að verðlauna þér nóg fyrir að kvarta og kveina með að reyna að rökræða við þig um það sem út úr þér kemur, með þig svo kvartandi og kveinandi ennþá meira yfir lengd svara minna sem þú nennir ekki einu sinni að lesa.

Þú hefur að mínu mati það sem kallað er í sálfræðinni “lokað hugmyndakerfi”. Það skiptr engu máli hvað fólk segir við þig, hversu mörg rök og hversu margar staðreyndir liggja á þinni leið, þú finnur leið til þess að loka á þær sem mögulega snerta þig og hunsa restina.

Líkt og ég sagði áður, eins og að tala við vegginn.

Kv,
Ritstjóri

Heh, þeir hafa allavega jafn mikla hugmynd um hvað þeir eru að tala og þú sem hefur að mínu mati ekki hundsvit um hvað ritstjórn snýst um og af hverju hún er nauðsynleg fyrir notendur. Í raun tel ég að fáir geti vitað minna en þú miðað við hvað tilfinningarök þín hafa enga stefnu heldur flögra í allar áttir.

Ritskoðun er fyrir nasista og kommúnista, ekki “frjálst” samfélag eins og huga.

Samt fórstu í kerfi þegar ég sagði fólki að ég myndi ekki ritskoða skítkast í þínar áttir og nú fengir þú nákvæmlega það sem þú varst að biðja um: “meira svona”? Úff, af hverju held ég samskiptum við þig áfram? Ég býst við að það sé mín innri dramadrottning að verki :)

Kv,
Ritstjóri

Afsakaðu, en ég verð að reyna einu sinni enn þrátt fyrir öll mín stóru orð um að hætta að eiga samskipti við þig, því aldrei hef ég á ævinni mætt manneskju með augun eins lokuð fyrir raunveruleikanum og þér.

Hvernig geturu mögulega ekki séð að þeirra skoðanir eru allavega jafn merkilegar og þínar? Heldur þú virkilega að þú skiljir hugtakið ritstjórn betur heldur en allir þeir 336 einstaklingar sem nú hafa kosið í þessari könnun? Farðu virkilega varlega hvernig þú svarar, því ef þú svarar játandi þá ertu hrokafyllsta, mest sjálfblekkjandi manneskja sem ég og eflaust flestir aðrir sem eiga eftir að lesa samskipti okkar hafa á ævinni orðið vitni að.

Þú verður virkilega að fara að líta í eigin barm og mögulega gera þér grein fyrir því að öfgaskoðanir þínar gegn ritskoðun eigi mögulega ekki við rök að styðjast, enda hafa komið fram skammarlega lítið af þeim frá þinni hendi í þessari umræðu hingað til.

Kv,
Ritstjóri

Ok, lög og reglur eru fyrir nasista og kommúnista, ekki frjálst lýðræðissamfélag eins og við búum í, svipað gáfulegt. Það er allstaðar í heiminum einhver ritskoðun, í Bandaríkjunum er ritskoðun, gjörsamlega allstaðar. Hér á huga er það ritskoðað sem er ekki talið sæmandi svona spjallsíðu þar sem einmitt, öllum er boðið að taka þátt. Á svona stað þarf ákveðna ritskoðun.

Please ekki svara, mig langar ekki að lesa eitthvað bull. Þú ert classic troll þannig don´t waste ur time.