Quality Minings & Co. lýsir DNRC stríði á hendur. Þetta er úrslitakostir og mér þykir miður að ég þurfi að gera þetta, en ég neyðist til þess. Ástæðurnar eru ákveðnir atburðir í samskiptum mínum við hann, þar sem hann sýnir mér algjöra óvirðingu. Í eftirfarandi texta lýsi ég þessum atburðum.

Ég var niðrí GroundZero og ég sá hann Arachv0id. Ég veit ekki hvernig ég þekkti hann, en ég gruna að mig hafi dreymt um hann. Ég bara einfaldlega vissi nick þessa gaurs sem ég sá fyrir framan afgreiðsluborðið. Bláu augun, aflitaða hárið og diesel buxurnar, damn þetta var maður drauma minna. Ég var að hugsa um að labba að honum og tala við hann, bara spjalla þar sem ég gæti sleppt beisli tilfinninga minna um Eve og samfélag þess, en ég hafði aldrei fundið neinn nógu traustverðann til þess. Arachv0id virtist rétti gaurinn. Ég labbaði að honum og spurði: “Átt þú gulu Honduna hérna fyrir utan?” Hvað var að mér, ég einfaldlega þorði ekki að stofna til samræðna, bara eitthver orð komu upp!
“Þvílíkur blábjáni er ég!” hugsaði ég með mér.

Arachv0id virtist gáttaður, hikaði í fyrstu en jánkaði svo, enda bjóst ég við því, þar sem hann leit út sem FM Hnakki í alla staði, rétt eins og mig hafði dreymt um. Hann beið eftir frekari spurningum frá mér, ég vissi ekkert hvað ég átti að segja, en ég loksins lét ég eitthvað útúr mér, “Spilaru EVE?”. Ég byrjaði strax að svitna, mér fannst þetta einhvað svo skammarlegt, en af hverju, ég meina ég var inná Netcafé þar sem tölvuleikir voru málið. Ég held bara að fólki líki almennt ekkert við að ræða um álíka hluti, sem sumir telja “nördalega”.

Enn og aftur, hikaði hann, horfði svona frekar asnalega á mig, eins og þetta væri slæmur tími, hann sýndi svona frekar leiðinlegt attitude með svipnum sem hann sýndi mér. Það kom ekkert útúr munni hans, hann bara einhvern veginn hunsaði mig, andvarpið og leit aftur að afgreiðsluborðinu, þar sem hann beið eftir einhverjum. Ég vissi ekki hvort ég ætti að spyrja hann aftur eða labba burt og láta eins og ekkert hefði í skorist. Ég gat það ekki, þessi persóna var of áhugaverð og það er alls EKKI oft sem ég fæ tækifæri til að spjalla um iðjuna Eve sem ég sjálfur stunda svo mikið.

Ég hafði nú safnað kjarki til að spyrja þann sem ég horfi upp til enn og aftur: “Halló, gaur, spilaru EVE, ha? Er nickið þitt Arachv0id?”. Ég beið eftir svari, hann virtist ekkert ætla að ansa mér. Er ég virkilega svona ómerkilegur!? Ég sagði aftur nú með mikilli óþolinmæði: “Heyriru ekki í mér eða?!” Hann leit mjög snöggt á mig, ég sá að hann var mjöög pirraður, og eflaust eitthvað reiður, og sagði með háum reiðum rómi: “Ok hvernig væri að steinþegja meðan ég bíð eftir vini mínum hérna, ég veit EKKERT hvað þú ert að tala um litla ógeð, og ég nenni ekki tala við einhver 13 ára smábörn sem hanga í tölvunni allan daginn, gerðu eitthvað betra við tíma þinn en að ónáða gaura eins og mig.” Hann strunsaði útaf staðnum inní Honduna sína, og á brott.

Ég var gjörsamlega móðgaður vegna þessa. Hann Arachv0id þorði greinilega ekki að viðurkenna að hann spilaði Eve fyrir framan nokkra tölvunörda niðrá Gzero, heldur þykist vera svaka svalur, og ekki þekkja Eve. Þess vegna lýsi ég yfir stríði gegn DNRC og það verður enginn miskunn hjá okkur Quality Minings mönnum.

Kveðja
Dr.Evil
Forstjóri Quality Minings & Co.

PS. Svo er ég 14 að verða 15, fífl!