Þetta er nú ekki alveg rétt sem þú segir þarna Shamaroth, t.d. Dynamix hefur mun lengri (og betri) sögu en þetta, og fólkið sem vann þar er ekki að betla á götuhornum núna, svo eru barking dog studios (sem m.a. gerðu mun meira gott en þetta sem þú taldir upp) komnir í rockstar fjölskylduna (undir nafninu rockstar vancouver), sem framleiðir nú alls ekki neina bangsímon leiki.

Svo þetta með að EA/Lucasarts/Sierra sé að reka fólk trekk í trekk… vaknaðu aðeins, þetta þekkist í öllum “corporate level” starfssviðum undir nafninu hagræðing. Já það er leiðinlegt, en þú lætur þetta hljóma einum of svart og einum of fókuserað á leikjabransann.

Þú ert eiginlega búinn að lýsa hugbúnaðargeiranum eins og hann leggur sig. Þetta er geiri sem er enn að slíta barnsskónum og lenti í all illri reynslu með .com æðið.

Ef maður vill komast inn í bransann og lifa af þá þarf maður að fórna sjálfum sér í fyrstu. Fólk fer ekki i þriggja ára nám og kemst svo inn. Maður þarf að vinna dag og nótt við að gera sig að betri forritara/skinnara/módeler osfrv. Þeir sem fara inn í bransann með hálfum hug munu ekki lifa af mánuð.

Það eru vissar breytingar sem þarf að verða í bransanum svo að hann “fullorðnist”. Verð á leikjum þarf að lækka svo að auðveldara verður fyrir neytendur að kaupa leiki. Sem stendur vill fólk frekar halda í peninginn fyrir Triple A titla en eyða þeim í einhverja bílskúrs titla. Hví að eyða 5.000 krónum í EVE ef Star Wars Galaxies kemur í næsta mánuði(þetta er ekki staðreynd heldur bara dæmi). Í þessu dæmi erum við með nýtt franchise sem fáir þekkja en SW er eitthvað sem allir hafa kynnst.

Mér skilst samt svo að bransinn sé talsvert skárri í Evrópu en Bandaríkjunum og það segir sig í raun sjálft þar sem mörg Evrópu ríki eru flest með fínt velferðarkerfi sem vinna á móti of löngum vinnudegi og þvíumlíku. Það sem kemur á móti er að það eru í raun færri fyrirtæki þar en í BNA.

Svo er bransinn að flytjast talsvert mikið yfir í console markaðinn því þar er ólögleg eintök ekki eins algeng(en eru samt til í talsverðu magni). Aftur á móti er Console markaðurinn ennþá dýrari fyrir notendur og þar afleiðandi ennþá sjaldgæfara að fólk kaupi sér marga leiki. Það væri til dæmis gaman að vita hversu margir GC notendur í heiminum eiga bara Super Mario Sunshine, Metroid Prime og Zelda Windwaker.

En svo eins og einhver annar nefndi þá lenda allir bransar í því að þurfa að losa sig við fólk. Helsti gallinn við kapítalískt þjóðfélag er að fólk á til með að fara í það nám sem gefur hvað mestan pening(án þess að hugsa til þess hvort að þau langi til þess að vinna við þetta). Núna er til dæmis of mikið af hugbúnaðarfræðingum og viðskiptafræðingum og þess vegna erfitt að fá vinnu sem slíkur hér á landi.

Vona að þetta hafi verið fræðandi :) Einhvers staðar á polycount er góð FAQ skrá sem talar um hvað maður þarf til að komast inn í bransann og lifa hann af. Nennti ekki að leita að honum en ég pósta kannski linknum seinna ef ég finn hann.