Það kom ýmislegt fram um Andre, hann er af götum Brooklyn í New York, átt bróður sam hafði einhvern tíma getað eitthvað og vann gullhanskana '96. Það kom ekki mikið um Walter, hann er frá Seattle í Washington og voðalega fátt annað.

Bardaginn: Walter er hár og ágætlega höggþungur, en Andre er aftur á móti minni og vill návígi.

Í fyrstu lotu virtust vera svona hreyfingar í gangi en svo fór þetta af stað, hvor átti sitt í þessari lotu, þó Walter hafi verið mun beittari og varðist betur. Í lok lotunnar sló Walter Andre niður með vinstri krók, Andre var í gólfinu í átta sekúndur, en hefði örugglega getað farið upp aðeins fyrr.
Í annari lotu fór Andre að vaða í návígi og vann þessa lotu líklega enda varðist Walter bara og kom með eitt og eitt högg, en þó að Andre hafi hitt oftar held ég að hann hafi aldrei meitt Walter af viti.
Í þriðju lotu var þetta bara upp á sama teningnum, Walter hélt lengd og notaði stungur, en Andre keyrði nokkrum sinnum í návígi með ágætis árangri, jöfn lota en Walter meiddi Andre meira.
Í fjórðu lotu fór Walter bara að spara sig, og vera ekkert að lenda í neinum vandræðum og þetta varð mjög svipað þriðju lotunni.
Í fimmtu og seinustu lotu fór Walter að “leika sér”, hann fór að snúa hendinni í hringi og kýla með hinni. Walter sigraði þessa lotu, Andre gaf allt sitt, barði frá sér en hafði ekki erindi sem erfiði.

Walter sem minnir óneitanlega á Tommy Hearns vann þetta 50-44 sem var fyrsti virkilega augljósi dómurinn í þessari seríu. Walter mun fara langt, engin spurning en eins og Tommy Hearns þarf bara að meiða hann í hringnum og þá held ég að hann sé í vandræðum því hann hefur held ég ekki þetta að halda áfram alla leið enis og Andre sýndi að hann getur í þessum bardaga. Andre var bara hjartað, hann er fínasti boxari en átti aldrei möguleika.

Ég þakka fyrir mig!