Ok svörin voru nákvæmlega eins og ég bjóst við. Kærar þakkir. Þú hefur sannað fyrir mér þá kenningu mína að það sé enginn grundvallarmunur á boxi og slagsmálum.

Hanskar: Koma þeir í veg fyrir að menn fái opin sár í andlitið? Koma þeir í veg fyrir að menn eins og Múhamed Ali fái heilaskaða? Ég held að hanskarnir séu smámunir við hliðina á þeim höggþunga sem alvöru boxarar hafa komið sér upp til þess að geta meitt andstæðinginn nógu mikið að hann geti ekki lengur varist höggunum.

Báðir aðilar vita hvað þeir eru að gera: Jafn séns beggja aðila breytir ekki þeirri staðreynd að menn eru að reyna að meiða andstæðinginn. Box er ofbeldisíþrótt þar sem tilgangurinn, markmiðið og grundvallarhugsunin er að meiða þann sem þú slæst við. Þú getur þusað að vild um stig, tækni og hvað sem er, það eru barsmíðarnar sem gera boxið að bjálfasporti. Þar liggur til dæmis munurinn á boxi og sjálfsvarnarírþróttum þar sem keppt er í fangbrögðum. Tilgangurinn þar er ýmist að verja sig eða gera andstæðinginn óvirkan með bellum og brögðum, snerpu og líkamsstyrk. Ekki með ofsafengnu ofbeldi sem er hannað til þess að valda sársauka.


Þannig að ég tek þessi rök þín og blæs á þau og stend stykrari í sannfæringu minni um að box er afleit iðja og ætti ekki að kallast íþrótt.

<BR