já, reyndar hef ég séð alla þá sem þú nefndir og reyndar sá eini sem ég hef ekki séð berjast einu sinni er Richel Hersisia, enda hefur hann aðallega barist í Hollandi og Karabíahafinu, og eitthvað í Danmörku, held að hann sé með danskan “manager”.

Samuel Peter hef ég séð nokkrum sinnum, og síðast á móti Lyle McDowell þegar Lennox Lewis vs Vitali Klitsckho fór fram. Peter er einungis 23 ára gamall, hann tapaði á Olympíuleikunum á móti Paolo Vidoz sem síðan tapaði fyrir Audley Harrison í úrslitum. Það sem ég hef á móti Peter, þó ég beri virðingu fyrir höggþyngdinni er hann hvorki “all out” figher, né rólegur og yfirvegaður. Maður veit ekki í hvaða ástandi hann er í hringnum, minnir þar dálítið á Ibeabuchi.

Faruq Saleem, hefur ekki barist við neinn, það er alveg rétt, einnig hefur hann verið slegin niður oftar en einu sinni, ef þið kannist við Tye Fields þá er Faruq að mínu mati svipaður boxari. Hann gæti hins vegar fengið tækifæri, ef hann væri með góðan “promotor” munið eftir Michael Grant???

Nicolay Valuey sá ég keppa á móti Taras Bidenko 3-0-0, (sem er reyndar boxari sem vert er að skoða), með góðan amature feril margfaldur rússneskur meistari og fór á móti Valuey sem er 2,17m á hæð og 150 kíló, og Bidenko stóð í Valuey allan tímann)um PAPA titilinn. Valuey er sagður 30 ára en margir eru á því að hann sé miklu mun eldri og hafi á sínum tíma starfað fyrir KGB. Hann er ósigraður í 34 bardögum en hins vegar með 26rothögg og andstæðingarnir hafa ekki verið upp á marga fiska, t.d. náði hann ekki að rota Bob Mirovic sem Audley Harrison og margir aðrir hafa rotað næsta örugglega. Valuey er “arm puncher” þ.e. slær ekki þyngd sinni og margir í boxpressunni finnst hann vera miklu nær sírkús fríki en boxara, þó eru nokkrir sem hafa álit á honum t.d. Roy Jones jr, sem sagði í viðtali að hann sæi í honum nokkuð velskólaðan boxara með nettar hreyfingar miðað við stærð. Valuey var vísað frá Bandaríkjunum í fyrra en hefur hins vegar verið að berjast í Þýskalandi upp á síðkastið og skrifaði undir samning við Wilfried Sauerland, þann sem er með Sven Ottke undir sínum hatti. Þannig að hann gæti fengið tækifæri ef hann heldur áfram að vinna, hver veit.

Roman Greenberg er 191 hæð þannig að hann er alveg nógu stór til þess að berjast við stóru strákanna. Tyson karlinn er nú einungis 180 og David Tua enn minni. En ég ætla nú ekki að bera Greenberg saman við þá. Málið með drenginn, er að hann er snöggur, jafnvel mjög höggþungur, hins vegar var hann slegin niður í sínum síðasta bardaga og það á móti engum sérstökum boxara. En viti menn karlinn stóð upp og það var samdóma álit boxpressunar að hann hafi sýnt mikinn þroska og boxað vel og sannfærandi eftir að hafa verið í striganum og rotað andstæðingin.

Málið er þetta; ósigraður feril er engin vísbending um getu, og í öðru lagi, box snýst um hver er bakvið boxarann. Þeir Chagaev og Dimetrenko eru hjá Universum og ef þeir standa sig eru allar líkur á því að þeir fái einhvern tíman að keppa um Evróputitilinn og síðar um WBO, enda virðist Universum eiga þá titla.

Harrison og A-Force promotion eiga í erfileikum að fá góða bardaga í Bandaríkjunum. Hann var með góðan deal í Bretlandi og margir eru á því að ástæða fyrir því að hann hafi ekki vilja halda áfram að berjast sem “aðalatriði” þar og er að berjast sem nánast óþekktur í Bandaríkjnum sé að BBC hafi viljað að hann berðist við þá bestu í Bretlandi Danny Williams, Herbi Hyde og jafnvel Frank Bruno (áður en hann fór á geðveikrahælið) En Audley, sem kallaður er fraudley af mörgum hafi ekki þekkst boðið.

Hins vegar er ljóst að Don King mun koma með að ráða miklu um hverjir berjast um titla WBA og IBF. Auk þess eru Klitsckho bræðurnir víst búnir að skera á öll tengsl við Universum og eru að leita sér að “promoter” í Bandaríkjnum?

Síðan að lokum vil ég benda ykkur, að fyrir þá sem ekki eru með gervihnattardisk, að á breiðbandinu er box auðvita oft sýnt á Eurosport, þótt þeir sýni einungis beint frá litlum keppnum í Evrópu og frá minni boxviðburðunum í Bandaríkjunum. Þá sýndu þeir t.d. flesta bardaganna á Olympíuleikunum og þar fékk maður tækifæri til þess að sjá þá bestu í áhugamannahnefaleikunu. Auk þess eru flestir stóru bardagarnir í Þýskalandi sýndir beint á annaðhvort ARD eða ZDF sem báðar eru breiðbandinu.

nóg í bili.