Þetta er mjög lögmætur punktur í sambandi við Marciano hjá þér. Þótt Archie Moore hafi verið 42 ára þegar hann barðist við Marciano 1955, hélt hann áfram að berjast alveg fram til 1963 og var enn marktækur þegar Ali barðist við hann árið 1962 og stoppaði Moore í fjórðu lotu.
Ezzard Charles var 33 þegar hann barðist við Marciano og Roland La Starza var 26 þegar hann barðist við Marciano og báðir á besta aldri fyrir þungavigtarmann.

Auðvita verður að líta á dýptina á þungavigtinni þegar Rocky Marciano keppti. Flestir góðir þungavigtarboxarar voru gamlir léttþungavigtarmenn sem þyngdu sig upp, vegna þess að gæðinn í þungavigtinni var ekki mikil.

Hins vegar hafði Marciano eitt mesta bardagahjarta sem nokkurn tíman hefur sést. Hann hætti aldrei, gafst aldrei upp og sló rosalega fast.

Ali og Marciano voru eitt sinn fengnir til þess að boxa nokkrar lotur og var ímyndaði bardaginn tekin upp, þar sem báðir þóttust slá hvorn annan niður, síðan var notað mjög frumstætt reiknilíkan til þess að spá um útkomuna ef þeir hefðu einhvern tíman barist. Síðan var útkoman sýnd í kvikmyndahúsum í Bandaríkjunum.(samkvæmt reiknilíkaninu rotaði Marciano Ali seint í hinum ímyndaða bardaga.(skiptir ekki máli))

Ali var þarna ungur og upprennandi þungavigtari, nýbúin að sigra hinn ósigrandi Sonny Liston í tveimur bardögum og Marciano hafi tekið sig til og grennst um 20 kíló og fengið sér hártop til þess að líta nú vel út fyrir myndavélarnar.

Í hringnum tóku þeir nokkrar lotur og hinn ungi Ali var eins og alltaf með smá stæla og var ítrekað að slá létt högg á ennið á Marciano sem reiddist mjög þar sem hártoppurinn flaug alltaf af. Marciano bað Ali að hætta þessu, nokkrum sinnum, en Ali lét ekki segjast. Þegar Ali lét ekki segjast í þriðja eða fjórða skiptið, reiddist Marciano það mikið að þegar hann lappaði beint í gegnum stungurnar hjá Ali og sló bylmingshögg bein í magan á Ali sem fór niður og hnéin og síðan steinlá og var um 10-15 mínútur að jafna sig. Seinna sagði Ali að hann bæri gífurlega virðingu fyrir Marciano og af öllum þeim hnefaleikamönnum sem hann hafði kynnst bæri Marciano af.

Stór hluti af þeirri arfleið sem einkennir Marciano er í líkindum við það sem hér að ofan er lýst, allir þeir börðust við Marciano báru gífurlega virðingu fyrir honum.

Margir boxspekúlantar tala um að Marciano hafi ríkt á tímabili á milli Louis og Ali, þar sem þungavigtin var ekki beysin, hins vegar var þetta sá tíma sem guð hafði valið Marciano, hann tókst á við þau viðfangsefni sem fyrir framan hann voru og leysti þau öll, þótt hann hafi verið undir á stigum eða útboxaður langtímunum saman.

Larry Holmes sagði að Marciano væri ekki þess verður að bera fyrir sig pungbindið, Holmes gerði sig þarna sekan um að gera lítið úr sögunni og endaði sjálfur á því að mistakast að mæta metið hans Marciano. Og hefði betur hætt í staðin fyrir að halda áfram eftir að Tyson gekk frá honum.

Hvar Marciano á heima á listanum yfir þá bestu verður aldrei leyst, en hann er einn af þeim allra bestu og arfleið hans merkileg um margt.

góðar stundi