Er hún þá að meina að af því að þú getur ekki hitt strákinn nema 1x - 2x í mánuði, þá getir þú ekki farið fram á 50% forræði? Held að það sé bara bull, enda er þetta örugglega bara tímabundin vinna hjá þér (ekki framtíðarstarfið geri ég ráð fyrir).

Nema hinsvegar að það séu einhverjar reglur til um það að ef þú ætlir að fá 50% forræði þá verðuru að geta sinnt ákveðnum heimsóknum x oft í mánuði?

Ég kann ekki vel inn á þessi mál, ég myndi bara tala við féló eða lögfræðing eða bara einhvern sem getur hjálpað í svona málum. (Lögfræðinemar eru með fría þjónustu á fimmtudögum þar sem þú getur hringt og fengið lögfræðiálit/útskýringar á því sem þú þarft), finnur það örugglega á hr.is eða hi eða eitthvað. Eða bara ja.is :)

Bætt við 1. október 2009 - 22:17
Gangi þér vel!

þú veist að það eru dómstólar sem ákveða svona, eða sýslumaður.. man ekki annaðhvort

http://www.althingi.is/lagas/136b/2003076.html


getur pottþétt fundið eitthvað þarna

31. gr. Forsjá við skilnað eða samvistarslit foreldra.
[Foreldrar fara sameiginlega með forsjá barns síns eftir skilnað og slit sambúðar sem skráð hefur verið í þjóðskrá nema annað sé ákveðið. Foreldrar skulu ákveða hjá hvoru þeirra barn skuli eiga lögheimili og þar með að jafnaði fasta búsetu. Sýslumaður skal tilkynna þjóðskrá hjá hvoru foreldra barnið eigi lögheimili. Sýslumaður skal leiðbeina foreldrum um inntak sameiginlegrar forsjár og um þau réttaráhrif sem skráning lögheimilis barns hefur í för með sér.]1)
Foreldrar geta samið svo um að forsjá barns þeirra verði …1) í höndum annars hvors.
Nú slíta giftir foreldrar samvistum án þess að hjúskap ljúki og geta þeir þá ákveðið að annað þeirra fari með forsjá barns.
Ef ágreiningur rís um forsjá barns við skilnað foreldra eða við slit sambúðar foreldra, sem skráð hefur verið í þjóðskrá, fer um það mál eftir því sem kveðið er á um í 34. gr.
1)L. 69/2006, 1. gr.
32. gr. Samningar foreldra um forsjá.
Foreldrar geta samið um að forsjá barns verði sameiginleg. Í samningi um sameiginlega forsjá skal greina hjá hvoru foreldra barn skuli eiga lögheimili og þar með að jafnaði hafa fasta búsetu.
Foreldrar geta samið um breytingu á forsjá barns þannig að forsjá flytjist frá öðru foreldri til hins eða að samningur um sameiginlega forsjá falli niður og forsjá verði í höndum annars foreldris.
Foreldrar geta falið öðrum forsjá barns síns með samningi, enda mæli barnaverndarnefnd með þeirri skipan. Ef forsjá barns er í höndum annars foreldrisins skal leitað umsagnar hins foreldrisins.
Samning foreldra um forsjá barns má tímabinda, þó ekki skemur en til sex mánaða.
Samningur um forsjá barns öðlast gildi við staðfestingu sýslumanns. Sýslumaður skal senda Þjóðskrá ljósrit af staðfestum samningi foreldra um forsjá. Sýslumaður skal leiðbeina aðilum um réttaráhrif samnings. Hann getur synjað um staðfestingu samnings ef hann er andstæður hag og þörfum barns og ber að gera það ef hann er andstæður lögum.
33. gr. Sáttaumleitan.
Sýslumaður skal bjóða aðilum forsjár-, umgengnis- og dagsektarmála sérfræðiráðgjöf til að aðstoða þá við að finna lausn máls með tilliti til þess sem er barni fyrir bestu. Sá sem veitir ráðgjöf getur rætt við barn, sem mál varðar, telji hann það þjóna hagsmunum þess, enda séu forsjárforeldrar því samþykkir.
Sýslumaður getur látið hjá líða að bjóða sérfræðiráðgjöf skv. 1. mgr. ef hann telur hana ónauðsynlega eða tilgangslausa.
Þeim sem veitir ráðgjöf skv. 1. mgr. er skylt að gæta þagmælsku um atriði er hann fær vitneskju um í starfi sínu eða vegna starfs síns og leynt skulu fara skv. 18. gr. laga um réttindi og skyldur starfsmanna ríkisins. Brot á þagnarskyldu varðar refsingu skv. XIV. kafla almennra hegningarlaga.
Dómsmálaráðherra getur sett nánari reglur um ráðgjöf skv. 1. mgr., svo og um tilhögun þjónustusamninga við þá sem annast slíka ráðgjöf.
34. gr. Dómur um forsjá barns o.fl.
Þegar foreldra greinir á um forsjá barns sker dómari úr málinu með dómi hafi sátt ekki tekist um forsjá þess. Ef foreldrar leita skilnaðar fyrir dómi leysir dómari um leið úr ágreiningi um forsjá. Sýslumaður getur veitt leyfi til skilnaðar hjóna þótt ágreiningsmál um forsjá barns þeirra sé rekið fyrir dómi.
Dómari kveður á um hjá hvoru foreldra forsjá barns verði, eftir því sem barni er fyrir bestu. Eigi verður mælt fyrir um sameiginlega forsjá barns með dómi, en foreldrar geta með dómsátt ákveðið að forsjáin verði sameiginleg.
Við úrlausn máls um forsjá skal m.a. líta til þess hvort foreldri, sem krefst forsjár barns síns, hefur verið tálmuð umgengni við barnið.
Í ágreiningsmáli um forsjá barns ber dómara að kröfu annars foreldris eða beggja að kveða á um meðlag í dómi, sem og um inntak umgengnisréttar barns og foreldris, eftir því sem barni er fyrir bestu, hafi sátt ekki tekist um þessi efni, enda hafi krafa um það verið gerð í stefnu eða greinargerð stefnda. Dómari getur hafnað því að ákveða inntak umgengnisréttar ef slík úrlausn er barni fyrir bestu.
Um meðferð þessara mála fer að öðru leyti samkvæmt ákvæðum VI. kafla.
[Dómari skal senda Þjóðskrá upplýsingar um niðurstöðu máls um forsjá barns á eyðublaði sem hún leggur til.]1)

Sko.. sameiginlegt forræði hefur ekkert að gera með skipulag hvenær þú hittir strákinn, það er algjörlega samkomulag á milli ykkar. Hún gæti þessvegna verið með fullt forræði og þú verið með strákinn aðra hverja viku eða þið verið með 50/50 forræði og þú verið með strákinn aðra hvora helgi. Þetta er bara samningsatriði og kemur forræði sem slíku ekkert við.

Hafiði verið skráð saman í sambúð? Ef þið hafið ekki verið skráð saman hefur þú ekkert tilkall til forræðis, bara svo þú vitir það.

Það að samband ykkar sé ekki gott finnst mér persónulega gefa góða ástæðu fyrir því að þið ættuð ekki að hafa sameiginlegt forræði - hvernig á fólk sem ekki getur talað saman eða hist að geta tekið sameiginlegar ákvarðanir varðandi hagsmuni barnsins? Því miður endar þetta oft með því að mamma segir “ég vil að hann fari í fótbolta” og pabbi segir “nei hann fer sko ekkert í fótbolta, hann fer í handbolta”…
Þó hún hafi fullt forræði getur hún ekki bannað þér að hitta drenginn, það er alltaf þinn réttur sem faðir að hitta hann.

Ég ráðlegg þér að þið reynið að sættast aðeins svo þið getið rætt málin. Enginn að tala um að þið þurfið að verða bestu vinir, en þið þurfið að geta hist og rætt saman eins og fullorðið fólk. Þið berið bæði ábyrgð á því að gera það besta fyrir barnið ykkar, og það besta fyrir barnið er ekki það að þið hatið hvort annað - og alls ekki ef þið farið í eitthvað stríð. Hringdu í Orator, félag lögfræðinema í HÍ og spurðu nákvæmlega hvað felst í því að vera með sameiginlegt forræði eða að hún sé með fullt forræði.
http://www.orator.is/logfraediadstod/

Gangi þér vel