Ekki lesa eftirfarandi ef þú vilt ekki heyra það sem mér raunverulega finnst.

Að eiga þetta barn væri eitt það heimskulegasta sem þið gætuð gert í stöðunni. Miðað við hvernig þú kynnir ykkur eruð þið þó vön að gera það heimskulegasta í stöðunni, þannig að …

Vá hvað þetta er eitthvað erfitt allt saman!

Ég veit ekki hvort það er viðeigandi en ég ætla samt að segja það, til hamingju!

Ef ég skil þetta rétt eruð þið þegar búin að ganga í gegn um eitthvað svona áður, er það rétt hjá mér? En ef ég hef skilið það rétt þá var það ferli stoppað.

Ég ætla ekki að dæma þig eða ykkur fyrir það að hafa eytt fóstri því það er ekki mín staða að dæma um það. Mér finnst að fólk eigi að fá að ráða því sjálft hvað það gerir og hefur sú ákvörðun eflaust verið sú réttasta í stöðunni hjá ykkur á þeim tímapunkti.

Hins vegar skil ég það vel að ykkur langi til þess að eiga barnið enda er það svona venjan þegar fólk á von á barni, alveg sama hvernig tilvist barnanna bar að. Ég held að flestir sem fæðast séu í raun slysabörn þannig að slysin eru ekki alltaf slæm :)

Í sambandi við húsnæði og allt það þá getur það að sjálfsögðu verið strembið ef þið hafið í raun bara tekjur úr einni átt. Þú segist samt vera að vinna svo tekjurnar koma þá að einhverju leiti úr báðum áttum sem er þá alltaf góðs viti. En auðvitað ef þið ákveðið að eiga barnið þá er ef til vill best fyrir ykkur að fara að búa saman. Nú er ég ekki nógu góð í húsnæðismálunum þar sem þú býrð en ég gef mér það að þú búir á höfuðborgasvæðinu (því þar búa flestir). Segjum að það sé rétt hjá mér að þú búir þar þá eru til alls kyns húsnæði þar eins og þú veist vel. Það er alveg hægt að leigja litla íbúð sem er samt með auka herbergi fyrir litlu herramennina þegar þeir koma í heimsókn. En það er hugsanlegt að þær íbúðir séu þá aðeins dýrari í legiu en þær sem hafa bara eitt herbergi. Hins vegar hljómar þú eins og þú sjáir þetta allt fyrir þér þannig að þessir tveir tilheyri þér líka núna. Og þó ég hafi aldrei verið ólétt, þá stór efa ég að það sé heppilegt að deila alltaf aðra hvora helgi með tveimur fleiri þegar maður er óléttur. Því eins og þú væntanlega veist þá þurfa konur mikla kvíld á þessum tíma. Einnig er eflaust mjög mikilvægt fyrir strákana að eiga sitt herbergi þegar þeir koma til pabba.

Einnig í sambandi við fjöskylduna þína þá er það mjög leitt að heyra að ykkur kemur ekki nógu vel saman. Ég vona bara ykkar allra vegna að þið leisið bráðum úr því máli, því ef þú ert að fara að eignast barn þá held ég að þú þurfir að hafa alla tiltæka til þess að styrkja þig og hjálpa þér. Ég gæti ekki ímyndað mér að vera ólétt án þess að hafa mömmu hjá mér, ef ekki alveg þá alla vegana í símanum daglega! Ég veit að sjálfsögðu ekki hvernig sambandi þínu við móður þína er háttað en mér hefur sýnst það á þeim stelpum sem ég þekki að þegar þær verða óléttar þá vilja þær mömmu sína, alveg sama hversu glötuð eða ómöguleg hún hefur annars verið.

Ég óska svo að lokum þér og kærastanum alls hins besta og vona ykkar vegna að þið komist bráðum að niðurstöðu í þessu máli sem þið sættið ykkur við.

Kveðja
Silungu

Á hann tvö börn, er orðinn 26 ára, en býr samt heima hjá foreldrum sínum?

Byrjaðu allavega á að drífa þig til læknis og sjá hversu langt þú ert komin, og fáðu svo að tala við félagsráðgjafa eða einhvern svipaðan.

Þú vilt örugglega ekki heyra þetta, en það er alls ekkert sniðugt að vera að koma með barn í heiminn við þessar kringumstæður, þið getið hvergi verið, eigið engan pening, og þú færð ekki fæðingarorlof fyrst þú ert að vinna svart.