Ég veit að þetta er kannski þreytt setning, en þú skilur þetta þegar þú verður eldri.
Ég er sjálfur 19 ára, og mér finnst að foreldrar mínir hefðu mátt gera meira til að draga mig útúr ‘rugli’ þegar ég var aðeins eldri en þú.
Auðvitað er þetta svosem alltaf á manns eigin ábyrgð, þegar allt kemur til alls, en foreldrar manns eru gjarnan dregnir til ábyrgðar.

Lífið er ekki jafn einfalt og saklaust og það lítur út fyrir að vera. Þú verður bara að treysta því að foreldrar þínir viti betur en þú, þeir gera það örugglega.
Ekki halda að ég sé ‘einn af þeim’, ég er ekki foreldri og ég er ekki að reyna að hafa vit fyrir þér. Helst vildi ég henda þér þarna út og leyfa þér bara að læra af reynslunni sjálf, en suman skaða er ekki hægt að laga, og foreldrar þínir eru bara að reyna að vernda þig. :)

Ég er sammála Tryptophan um þetta mál, ég er heldur ekki foreldri en hann Tryptophan segir þetta allt sem segja þarf. Þú skilur þetta allt þegar þú eldist (veit þetta er eflaust leiðinlegasta setning í heimi í þínum eyrum en þú skilur þetta allt þá).

Það er alveg sama þó þú sért ekki í rugli og ég efast um að foreldrar þínir haldi það. En ég held að það sem foreldrar þínir hugsa sé í raun bara þetta: “Við treystum henni enda er hún góð stúlka en við vitum ekkert um það fólk sem hún kann að hitta.” Svo í raun treysta foreldrar þínir þér eflaust þau treysta því bara ekki að þú hittir ekki einhverja brjálæðinga þegar þú ferð út seint á kvöldin. Það þarf ekkert að tengjast þessum vinum þínum, enda eru þeir eflaust besta fólk. Þetta er bara eins og Tryptophan sagði foreldrar þínir vilja vernda þig enda er það þeirra vinna og það að banna þér að vera lengur úti á kvöldin er hluti af “starfslýsingunni” og þar af leiðandi innan þeirra verkahrings :) Veit að fyrir manneskju sem er á aldrinum 13-14 er þetta eflaust bara hallærislegt og kerlingavæl en svona er þetta bara. Ég veit að þér finnst þú rosalega fullorðin (mér fannst ég líka vera rosa stór og fullorðin þegar ég var á þessum aldri) en svo eins og þú átt eftir að komast að með meiri þroska og lífsreynslu þá er maður ekkert svo fullorðinn þegar maður er 13-14 ára. Ég vona að ég særi þig ekki með þessu því það er ekki meiningin.

Eitt skaltu samt muna og það er að þú átt góða foreldra sem vilja þér allt hið besta og með því að banna þér að fara út á kvöldin eru þeir ekki að sekta þig eða brjóta á rétti þínum heldur að gera það sem þeim finnst réttast í sinni stöðu. Þú ert það mikilvægasta sem þau eiga og þess vegna verða þau að hugsa vel um þig.

Gangi þér vel :)

Aaahh… ég skil alveg hvað þú meinar, I really do!
En þú hefur nú samt gott af þessu ég ætti að vita það. Meina ég lenti í heljarinnar veseni útaf einmitt því að foreldrar mínir voru ekki nógu strangir við mig (og öðru að vísu líka).