Ég datt óvart inní föndurbúð um daginn ;) og sá þar þrælskemmtilegt föndur sem ég og dætur mínar erum búnar að vera húkkt á síðan, það er frá Marabu og heitir fun&fancy.
Maður kaupir útlínupenna og tekur svo upp myndir t.d úr litabókum á glærur og litar svo inní og þegar þetta þornar þá losnar það frá glærunum og er hægt að setja á hvað sem er t.d í glugga eða bara hreinlega á veggi, myndinn verður svona hálf glær þegar þetta þornar.
Lítil frænka mín 5.ára kom til okkar um helgina og fékk að prufa að lita eina mynd og það gekk svakalega vel hjá henni, ég þurfti að vísu að gera útlínurnar fyrir hana, þetta kostar að vísu eitthvað hver litur minnir mig 390 kr, en ég lét duga að kaupa bara útlínuna og svo hvítan, rauðan, brúnan og bláan.
Ég mæli óhikað með þessu fyrir alla og við ætlum næstu helgi að gera jólamyndir til að setja í gluggana hjá þeim og þá neyðist ég víst til að kaupa nokkra liti í viðbót, mér er nefnilega sagt að það sé ómögulegt að gera flottar jólamyndir án þess að hafa gylltan lit og ég bara trúi því :)