Það eru nú ekki nærri allir sem gera þetta og ég held að þetta sé ekki athyglissýki heldur finnst foreldrunum þetta voða sætt.

Annað mál er að það er ekki gott að tala og hugsa alltaf um tvíbura sem eina heild því þetta eru jú sitt hvor manneskjan. Það getur haft þau áhrif að tvíburunum eigi erfitt með að aðgreina sig frá hvorum öðrum (á aðallega við þegar þeir eru litlir) og finnst eins og þeir séu ekki metnir að verðleikum sem einstakar persónur. Mér finnst einmitt foreldrar farnir að vera miklu meira meðvitaðir um þetta og það eru margir sem passa sig á að hafa tvíburana sína svolítið ólíka í klæðaburði, hafa nöfnin ólík og passa að þeir séu kallaðir sínum nöfnum.

Svo þurfa vinirnir og aðrir sem ungangast tvíburana líka að passa sig. T.d. er oft hringt heim til tvíburanna og spurt: hæ eru tvíburarnir heima? í stað þess að biðja um annan hvorn í símann. Þannig að það eru ekki bara foreldrarnir sem þurfa að passa sig.

ég efast um að eitthver skíri tvíburana sína sama nafninu<br><br>******************************************
<a href="http://www.3some.8m.com/"> The Offical Huldu og Stínu homepage</a

Ég á 8.ára tvíbura og á meðan að þær voru litlar voru þær mikið til eins klæddar, sjaldan í sama litnum en samt venjulega alltaf eins og það var bæði afþví mér fannst það sætt og svo fengu þær svo mikið af eins fötum í sængurgjöf. Um 3.ára aldurin fóru þær að hafa skoðanir á í hvað þær vildu fara í á hverjum morgni og þá sjaldan það sama, og þær fengu að ráða því að mestu sjálfar.
Svo aftur um 6.ára aldurinn (þegar þær byrjuðu í skóla) fóru þær að vilja vera eins aftur, ég hef alveg leyft þeim að ráða þessu sjálfar þetta kemur í bylgum og þær eru svo ólíkir persónuleikar að ég hef engar áhyggjur af þessu.
Í dag ráða þær sjálfar að mestu leiti hvernig föt eru keypt á þær og oftast velja þær það sama en aldrei í sama lit, nema þá helst buxur og svoleiðis.
Það er alls ekki önnur sem ræður því í hvað er farið á hverjum morgni eða neitt í líkingu við það, það er bara eins og þegjandi samkomulag og auðvitað eru þær alls ekkert eins alla daga.
Nöfnin þeirra eru ekkert lík, persónurnar er gjörólíkar og þær eiga sitthvorn vinahópinn, þó auðvitað þær séu bestu vinkonur sjálfar og leikfélagar.
Kv. EstHer