ADD ertu virkilega að mæla með því að fólk fari að berja börnin sín? Að beita ofbeldi í uppeldi skapar enga virðingu fyrir foreldrunum. Barnið hlýðir vegna þess að það er hrætt og ekki vegna neins annars og þetta leiðir bara til að það fer að að ljúga til að komast hjá refsingunum. Að löðrunga barn á miðri götu er alveg gífurleg niðurlæging fyrir barnið og það er svo sannarlega ekki skilaboð sem ég vil gefa mínum börnum.

Það er ekki samasemmerki á milli aga og ofbeldis. Það sem ég held að vanti oft hjá foreldrum í uppeldinu er að vera nógu staðfastur. Við látum allt of oft undan og stöndum ekki við það sem við segjum. Þannig læra börn auðvitað að það er hægt að komast upp með hluti stundum og þó að það komist kannski upp með það einu sinni en komist ekki upp með það í 10 skipti þá er þetta eina skipti oft nóg til að þau reyni samt. Það er alveg ofboðslega mikilvægt að vera fastur á reglum og vera sjálfum sér samkvæmur. Auðvitað má gera undanþágur af og til en þá er líka eiginlega nauðsynlegt að hafa smá útskýringu á því hversvegna undanþágan var veitt (ekki þannig að barnið upplifi að það fengi hlutinn vegna þess að það gargaði nógu lengi).

Fólk sem hefur verið beitt ofbeldi sem börn eru langflest sammála um að þetta sé ömurleg uppeldisaðferð og fékk þau einungis til að hræðast foreldrana og fjarlægjast þau og jafnvel hata þau seinna meir. Það má alveg beita aga öðruvísi en með ofbeldi. Auðvitað kemur það fyrir að foreldrar missa þolinmæðina og barnið fær kannski einn skell á bossann. Svo lengi sem þetta er ekki daglegt brauð og/eða aðalaðferðin við að “leysa vandann” eða aga barnið þá fyrirgefa börnin okkur þetta og hljóta ekki skaða af. Ofbeldi sem er beitt reglulega getur aftur á móti haft mjög mikil neikvæð áhrif á börn… svo erum við líka að gefa barninu skýr skilaboð með ofbeldi; að það sé í lagi að nota ofbeldi til að leysa vandann. Börn læra það sem fyrir þeim er haft, ekki hvað er sagt!!!