Þú veist að þú þarft ekki að láta ferma þig frekar en þú vilt.
En ef þú vilt láta ferma þig, þá þarf það ekki að vera svona mikið mál. Það er ekki nauðsynlegt að halda veislu fyrir alla sem maður þekkir, gera foreldrana gjaldþrota og fá rándýrar gjafir. Það sem fermingin snýst um er að unglingurinn stendur frammi fyrir Guði og mönnum og játar trú sína. Það er engum skylt að standa í öllu þessu veseni.

Ef þú vilt ekki stóra veislu með miklu veseni og stressi, segðu þá foreldrum þínum bara frá því. Biddu þau frekar um að eyða peningnum í eitthvað annað. Kannski gætu þau boðið þér til útlanda í staðinn eða leyft þér að fá eitthvað sem þig langar mikið í. Jah.. eða bara sparað peningana.

Þetta er allt saman ákvarðanir sem þú og foreldrar þínir þurfið að taka í sameiningu. En það er alls ekki nauðsynlegt að fermast eða að halda stóra veislu þótt að maður vilji fermast.

Kveðja
Tzipporah