Ég fékk svona heimaþjónustu og fannst það alveg frábært. Ég gat alltaf hringt í hana ef eitthvað var. Og hún kom með stuttum fyrirvara ef það var eitthvað alvarlegt. Þegar ég átti stelpuna mína (hún verður 9. ára í sumar) þá var ég á spítalanum í 5 daga. Svo fyrir þremur árum þegar ég átti strákinn fór ég heim innan 36 tíma og fékk ljósmóðurina heim. Mér leið mikið betur og var fljótari að ná mér eftir fæðinguna heldur en þegar ég var svona lengi á spítalanum. Það var líka gott að fá leiðbeiningar heima hjá sér. Eins og með fyrsta baðið og svoleiðis. Maður verður mikið öruggari á heimavelli.
kv. jewel

Ég mæli hiklaust með þessu sérstaklega með fyrsta barn en svo er annað mál ef fleiri börn eru á heimilinu því auðvitað þarf móðirin hvíld.
En ég notfærði mér þennan kost þar sem að mér líður mjög illa á spítölum.
En þannig er að yfirleitt hefjast einhver vandræði á fjórða degi eins og stálmi og annað og þá er móðirin bara farin heim og lendir því í því að redda sér sjálf.
En ef kona velur hinn kostinn að fara heim innan 36 stunda fær hún ljósmóður heim í ellefu daga og tvisvar á dag fyrstu allavega 4 dagana sem er mjög gott og svo einu sinni á dag næstu 7 dagana.( Hjá mér var þetta bara eftir samkomulagi við ljósmóðurina )
Mín reynsla af þessu er mjög góð og myndi ég ekki vilja skipta og ef ég ætti að fara að eiga annað barn myndi ég velja sama kostinn, að fara heim því ég fann fyrir svo miklu öryggi að vera heima og geta alltaf hringt í ljósmóðurina ef eitthvað bjátaði á.
Svo er það bara þitt að meta.
Þetta fer að styttast hjá þér. Vonandi leyfirðu okkur að fylgjast með.
Gangi þér vel.
Krusindull

Ég fór heim 18 tímum eftir fæðinguna því mér leið ömurlega á spítalanum. Það var ágúst og allir í sumarfríum, önnur deildin var lokuð og allt á fullu. Það talaði enginn við mig þarna niðurfrá nema ef ég hringdi bjöllunni og spurði. Þegar ég kom niður eftir fæðinguna, um miðja nótt, var stelpan mín bara tekin af mér og mér sagt að fara að sofa. Ég vildi hafa hana hjá mér. Allt í einu var ég alein. Maðurinn minn farinn heim, stelpan mín frammi hjá einhverju ókunnugu fólki og ekki einusinni nein bumba á ferð og flugi. Mér fannst það hræðilegt. Og svo svaf ég ekkert í þokkabót því konan í næsta rúmi hraut svo rosalega (við vorum samt bara tvæt á stofu svo mér skilst ég hafi verið heppin). Ég fékk svo að sjá hana í 10 mínútur morguninn eftir og svo var hún tekin aftur því það var að koma barnalæknir. Ég fékk ekki að vera viðstödd þegar hún var skoðuð. Læknirinn var svo ekki búinn að skoða hana fyrr en um hádegi svo ég fékk hana ekki fyrr en eftir hádegismat. Mér fannst þetta hræðilegt. Maðurinn minn mátti svo ekki koma fyrr en klukkan tvö. Þá sagði ég honum að fara heim, gera allt tilbúið og koma svo eins fljótt og hann gæti til að sækja mig.

Þegar ég kom svo heim gat ég loksins haft hlutina eins og ég vildi hafa þá. Maðurinn minn var heima hjá mér og mamma var dugleg að koma í heimsókn og hjálpa honum við heimilsverkin. Ljósmóðirin kom svo einusinni til tvisvar á dag, svona eftir þörfum og ég gat alltaf hringt í hana þegar ég vildi. Hún var frábær og ég hafði hana alveg útaf fyrir mig. Hún sagðist koma þar til hún væri farin að sjá ákveðinn svip á mömmunum, þegar hann væri komin vissi hún að allt væri í lagi og mamman væri tilbúin. Þá lét hún mig kvitta fyrir komuna, þessi 11 skipti sem hún átti að koma, þótt hún hefði bara komið níu sinnum. Hún sagði að hún kvittaði alltaf bara fyrir 11 skipti sama hvort hún kæmi 6 sinnum eða 20 sinnum. Hún var alveg frábær.

Hún sagði mér svo frá nýju kerfi sem ætti að byrja um síðustu áramót þar sem sama ljósmóðir fylgir konunni í gegn um meðgönguna, fæðinguna og er svo hjá henni í sængurlegunni líka. Foreldrarnir fá þá að vera með barnið á fæðingarstofunni í heilan sólarhring frá því að barnið fæðist og fara þá öll saman heim. Þá þarf ekki að henda pabbanum einum út í kuldann. Svo kemur ljósan heim næstu daga. Svipað og MFS-kerfið. Þegar næsta barn kemur ætla ég í svoleiðis kerfi. Ég ætla í öllu falli aldrei aftur að liggja sjálfviljug á sængurkvennadeild Landsspítala Íslands.

Kærar þakkir, ég ætla að sjá til hvernig fæðingin gengur og vonandi get ég nýtt mér þessa þjónustu. Held að það sé leiðinlegt að hanga lengi inni á spítala þó að maður hafi auðvitað nóg að hugsa um og gera, þá er sennilega alveg eins hægt að gera það heima í faðmi fjölskyldunnar :)

Ég læt vita hvernig fer og hvenar, á að eiga núna 20. mars :) *bíð*