Það er ágætt að búa í Danmörku, ódýrt að lifa og ekki þessi flottræfisháttur sem einkennir oft Íslendinga.

Foreldrar mínir þekkja einmitt hjón sem eiga 4 börn og öll flutt eitthvað út, 2 held ég í Danmörku, þannig að þau eltu bara eins og þið eruð að spá í.

Hins vegar eru alls konar hlutir sem þarf að spá í. Ég held að þið fáið pottþétt ellilífeyrinn út og lífeyrissjóð ef þið eigið eitthvað svoleiðis inni en ég held að þið fáið ekki tekjutryggingu nema kannski ef þið haldið lögheimili á Íslandi. Kannski eigið þið rétt á einhverjum ellilífeyri úti og ættuð að athuga það. Hins vegar komist þið ekki inní sjúkrasamlagið í Danmörku nema þið flytjið lögheimilið þangað og ef þið búið þar í meira en 6 mánuði dettið þið út úr sjúkrasamlaginu á Íslandi og ef þið flytjið aftur heim tekur 6 mánuði að komast aftur inn. Ég nefni þetta bara vegna þess að ég frétti af eldri hjónum sem fluttu til Kanarí en maðurinn varð veikur og ætluðu þau að koma heim en föttuðu þá að þau þurftu að borga fullt fyrir allt.

Mér finnst þetta alls ekki vitlaus hugmynd ef börnin ykkar ætla sér að búa þarna til langs tíma eða jafnvel frambúðar. Það er líka miklu einfaldara að skreppa til Noregs og jafnvel Rússlands frá Danmörku en Íslandi, og öfugt. Ég bý í Noregi og það sem ég sakna allra mest eru einmitt foreldrar mínir og tengdaforeldrar, sérstaklega fyrir börnin.

Það bara borgar sig að athuga öll mál áður en þið flytjið. Þið ættuð að geta fengið upplýsingar í danska sendiráðinu t.d.<br><br>Kveðja,
GlingGlo

Ég bý í Danmörk og mér líkar bara vel hérna.
Ég er öryrki og ég fæ örorkuna borgaða hingað líka tekjutrygginguna.
Svo er nottlega líka spurning hvort þið séuð fædd fyrir 1944 ?
Ef svo er þá eruð þið fædd sem danskir ríkisborgarar og það ætti að gefa ykkur aukaréttindi fram yfir þá íslendinga sem eru fæddir eftir.
Talið við tryggingarstofnun og hafið allt á hreinu með lífeyririnn áður en þið takið ákvörðun um að flytja.
Einnig var á íslandi einhver skrifstofa sem svaraði öllu í sambandi við samnorrænan flutning. Prófið að spurjast fyrir um það hjá norræna félaginu (man ekki hvaða skrifstofa þetta var).