Það getur alveg skipt sköpum fyrir börn að vera óhemjur ef þau lenda í einhverju svona. Meðan þæga barnið lætur barnaníðinginn leiða sig í burtu án þess að æmta eða skræmta þó því standi ekki á sama myndi óhemjan æpa, klóra og bíta og gera honum mun erfiðara fyrir. Hann vill væntanlega ekki vekja athygli og er því líklegri til að sleppa barni sem lætur mjög illa.

Ég veit til þess að krakkar hafa rekist á svona dóna og vita bara ekki alveg hvað þau eiga að gera, maðurinn kannski hótar þeim einhverju eða tekur í handlegginn og þau vilja ekki að hann verði reiður en það er mikilvægt að brýna fyrir þeim að ef þau vilja fara heim og einhver heldur þeim að láta þá eins og það sé verið að drepa þau vegna þess að þá verður hann að sleppa.