Ég var áfram með börnin mín á brjósti eftir að ég fór að vinna úti. Með fyrsta barn var ég bara í dagvinnu og til að byrja með skrapp ég alltaf heim í hádeginu til að gefa. Síðan minnkaði þetta yfir í morgun, síðdegis og kvöldgjafir, og svo bara minnkaði þetta smátt og smátt. Hún fékk líka inn á milli brjóstamjólk eða þurrmjólk úr pela.

Með barn númer tvö var ég í vaktavinnu á öllum vöktum. Ég ýmist skrapp heim í hádeginu eða kvöldmat til að gefa eða þá að maðurinn minn kom með stelpuna til mín í vinnuna. það var sama með það barn, þetta minnkaði svo bara smátt og smátt af sjálfu sér. Stundum fékk hún brjóstamjólk eða þurrmjólk úr stútkönnu. Hún vildi aldrei pela.

Yngsti pjakkurinn er að verða eins árs og er enn smá á brjósti. Ég reyndar hafði ekki tök á að skreppa heim eða fá einhvern til að koma með hann í vinnuna, en hann fékk bara brjóstið þegar ég var heima og þess á milli fékk hann brjóstamjólk eða þá þurrmjólk úr stútkönnu. Hann vildi nefninlega ekki heldur pela.<br><br>Kveðja,
GlingGlo