Díses ég hef nú ekki séð neitt barn sem er sex ára og ennþá með snuddu. En elsta dóttir mín sem er ný orðin 4 ára er ný hætt með snuddu og það var bara ekkert mál, það er alveg óþarfi að láta börn vera með snuddu og pela langt fram eftir aldri :)

Ég man eftir því að ég henti minni snuddu út um gluggann þegar ég var lítill, notaði svoleiðis aldrei aftur.

Eins og ég var einhversstaðar áður búin að segja þá notaði dóttur mín aldrei snuð. Hún vildi ekki sjá svoleiðis drasl. Svo það var aldrei neitt vandamál hjá okkur mæðgum.

Það getur verið mjög erfitt fyrir börn að hætta að nota snuð. Ég veit um eina sem er rúmlega 3 ára og átti nú að fara að hætta að nota sitt. Mamma hennar sagði að hún hefði verið eins og fíkill, hún grét sig í svefn á hverju kvöldi, ekki af frekju samt, það var bara svo sárt að fá ekki að vera með snuðið. Henni leið virkilega illa. En þetta tók u.þ.b. viku og núna er þetta allt í lagi. En það er meira en að segja það að láta þau hætta þessu, mér finnst samt út í hött að börn eldri en 5 ára noti snuð. Foreldrar þurfa bara að bíta á jaxlinn og hjálpa börnunum sínum að komast yfir það að sofna með þetta.

Ég er nú samt að reyna að venja dóttur mína sem er 3 mánaða á snuðið frekar en að hún sjúgi hendurnar á sér. Því þegar það er kominn tími til að hætta þessu þá er auðveldara að taka snuðið en hendurnar.

börn eiga ekki að vera með snuddu of lengi.. þau eiga annars eftir að enda með tennur eins og Andrea Gylfadóttir!
ég var aldrei með snuddu en bróðir minn henti sinni snuddu bara í ruslið þegar hann var 2 ára..

Æi, come on snuð? Það er eitthvað sem að fólk notar til að þagga niður í börnunum, ekki notaði ég snuð og ætla ekki að láta börnin mín nota svoleiðis! En ef maður neyðist til þess þá verður þeim hent fyrri 2 ára aldur!

Það gengur náttúrulega ekki að börn fari með snuðið upp í barnaskóla. Þá verður þeim bara strítt. Annars var ég aldrei með snuð, vildi það ekki. Ég saug bara vísifingurna en man reyndar ekkert eftir að hafa sogið þá. Man bara að ég var alltaf með exem á þessum puttum. Ég fékk ekki skakkar tennur af þessu.

Ég veit um foreldra sem hafa notað það ráð til að venja börnin sín af snuddunni, að klippa alltaf agnar lítið brot af túttunni þangað til að snuddan er einfaldlega búinn. Þá finna börnin að hún minnkar og að lokum er hún bara horfinn, búinn! Ég veit að þetta hefur reynst vel hjá mörgum og sparað mikin grát og gnístur tanna hjá litlu greyjunum.

…ég saug á mér þumalinn fram í rauðan dauðann og lifi ánægður í dag :-)

Ég fékk nú vægt sjokk þegar ég kom til Hollands fyrir nokkrum árum því hér sjúga krakkar snuð upp til 6ára aldurs og eftir það tekur sá “fyrsti” við!
Ég tel þó að þetta sé nú ekki svo mikið mál. Þegar að þér finnst vera komið nóg…þá er komið nóg og þitt hlutverk sem foreldri fer að virka :-)