danna fyrir 22 árum, 3 mánuðum Fjöldi lestra: 495

Börn og keppnisíþróttir

Sælt verið fólkið!

Nú langar mig að fá smá umræður um málefni sem ég hef verið að velta fyrir mér og sjálf ekki alveg komin með niðurstöðu í en það er börn og keppnisíþróttir.
Eldri sonur minn æfir og keppir knattspyrnu með 6. flokki drengja. Fyrir hvert mót sem hann fer á fær hann viðurkenningapening (sem er alveg nóg fyrir suma) en síðan eru einnig veitt verðlaun eins og á hverju öðru fótboltamóti, fyrir fyrstu þrjú sætin og yfirleitt prúðasta liðið og þess háttar. Þessi verðlaun eru einnig veitt (í flestum tilvikum held ég) í 7. flokki.
Sumir eru mótfallnir því að börn keppi til verðlauna. Ég man að ÍSÍ gaf út bækling um árið um börn og íþróttir þar sem eitthvað var komið inn á þetta og hvatt til að fyrstu árin væri í raun ekki um keppni að ræða.
Annað í dæminu er hvernig krökkum er skipt í lið. Í 6 flokki eru tveir árgangar, börn á 9. og 10. ári. Eins og þetta er hjá syni mínum þá eru flestir af eldri árganginum í A og B liði (enginn úr yngri árgangi í þeim liðum) en nokkrir þeirra eldri lenda þó í C og jafnvel D með yngri krökkunum. Inn í þetta spilar einnig ástundun, þeir sem mæta oftast eiga meiri séns á að lenda í betra liðinu (lógískt jafnvel, því meir sem þú æfir því betri ertu).
Nú er sonur minn í C, hann er í yngri árgangi, mjög duglegur að mæta og er því í “betra” liði yngri árgangs. Þannig að ég heyri kannski ekki svo mjög umræðuna en ég get ímyndað mér að einhverjum 10 ára drengjum sárni að vera settir jafnvel í D lið með yngstu peyjunum. Af því að þeir eru ekki nógu góðir?
Mér skilst líka að KR ingar hafi þá stefnu að ef liðin þeirra lenda í jafntefli í úrslitum eða undanúrslitum (ég er þá að tala um á móti eins og t.d. Shellmóti) þá gefa þeir leikinn þar sem þeir vilja ekki að börnin þeirra taki þátt í vítaspyrnukeppni (sem er reyndar persónulega það skemmtilegasta sem sonur minn lendir í en hann er í marki!)
Hin hlið málsins er að einhvern tímann þurfum við að læra að tapa, (sonur minn hefur persónulega haft mjög gott af þessu) og að sumir eru betri en aðrir og að oft(ast) eru það einmitt þeir sem leggja mest á sig sem uppskera mest. Þessir krakkar eru byrjaðir í skóla og eru því strax farnir að sjá að það fá sumir hærri einkunn en aðrir. Og í sumum skólum er jafnvel farið að getuskipta.

Jæja hvað finnst ykkur?
Eiga börn að keppa í íþróttum (spurningin er líka, erum við ekki alltaf að keppa, við okkur sjálf ef ekki aðra)?
Eða á þetta bara að vera leikur ? - Fram að hvaða aldri?
Hversu lengi eigum við að hlífa börnunum við tapi/getuskiptingu osfrv.?
Eins og þið getið kannski séð þá er ég frekar inni á þeirri línu að þetta sé bara allt í lagi, kannski af því að sonur minn er heppinn/duglegur að mæta/góður í fótbolta.
En ég skil líka alveg litlu brostnu hjörtun (sem eru kannski ekki síður hjá foreldrunum!)

Kveð ykkur,

coupland fyrir 22 árum, 3 mánuðum

Því lengur sem börnum er hlíft fyrir lífinu því meira verður áfallið þegar þau sjá hvernig hlutirnir ganga fyrir sig.

Fyrra álit

IngaAusa fyrir 22 árum, 3 mánuðum

Það ætti kannski varla að getuskipta hjá krökkum á þessum aldri, en það má alveg keppa. Mér finnst alltaf hallærislegt að þegar að það á að hlífa börnunum, þ.e.a.s. ekki hafa vítaspyrnukeppni, heldur er þá kastað upp krónu. Það finnst krökkunum bara ömulegt, að hafa staðið sig vel alla keppnina, en tapa svo í hlutkesti.

Og svo yfir í enn eldri krakka. Bróðir minn er 14 og það var strákur í liinu hans sem hefur nokkrum sinnum farið í leik og ekkert fengið að fara inn á. Hann hefur meira að segja farið með þeim að keppa í rútu, frekar langar ferðir kannski hálfur dagur, og ekkert fengið að fara inn á. Þetta er nottla ótrúlega svekkjandi.

Fyrra álit

more64u fyrir 22 árum, 3 mánuðum

mér finnst eitt mjög sniðugt sem er notað í sumum yngri flokkum í körfubolta, það er í svona mótum fær liðin sem vinna hvern leik ákveðim mörg stig sem ég held að séu 3( ef liðið vinnur 2 leiki þá 6 stig). En það sem mér finnst mjög sniðugt er að ef allir leikmenn fá að spila með einhvern ákveðin tíma fær það aukastig, þá er engin útundan hversu lélegur viðkomandi er og hvetur líka þjálfarana til að skipta meira inná

Fyrra álit

lhg fyrir 22 árum, 3 mánuðum

Það er nú alveg sama hvort það er verið í keppnisíþróttum eða ekki. Krakkar eru alltaf að keppa samt. Það er valið í lið og það vita allir hver er góður og hver er lélegur og hver er alltaf valinn síðast. Það gerir þeim engan greiða sem eru lélegir að velja þá í lið jafnt og hina, þeir fá þá bara að heyra það frá félögunum að þeir hafi klúðrað.

Fyrra álit

GlingGlo fyrir 22 árum, 3 mánuðum

Mér sýnist þetta nú vera ágætlega gert í íþróttafélagi sonar þíns. Mér finnst sniðugt að allir fái viðurkenningarpening, en líka að það sé hægt að fá aukaverðlaun ef maður stendur sig vel. Mér finnst þesir krakkar vera alveg nógu gamlir til að taka þátt í keppni og læra að tapa líka. Mér fyndist annað ef um væri að ræða börn undir skólaaldri, er ekki viss um að þau hafi þroska í svona alvöru keppni á þeim aldri. Hins vegar má alveg byrja að kenna þeim á mildari hátt að maður vinnur ekki alltaf.

Varaðndi getuskiptinguna, ætli það sé eitthvað betra að vera 10 ára í liði með betri strákunum sem eru alltaf betri en maður sjálfur? Hvernig ætli það vari með sjálfstraustið? Er bara að velta fyrir mér hvort það sé betra að vera í betri kantinum hjá yngri strákunum, eða í lélegri kantinum hjá eldri strákunum.

Í sambandi við getuskiptingu í bekkjum þá er ég nú bara hlynnt því, svo lengi sem lagt er upp úr að þeir sem þurfi meiri aðstoð fái ekki tossastimpil á sig. Það er auðvitað aldrei hægt að koma alveg í veg fyrir slíkt, en það er hægt að vinna á móti því með því reyna að útskýra fyrir krökkunum að sumir þurfi einfaldlega meiri aðstoð en aðrir. Þessir sömu einstaklingar geta svo verið betri í einhverju öðru.

Með því að getuskipta þá fá krakkarnir frekar verkefni og örvun við sitt hæfi og þurfa ekki að lenda í einhverju meðaltali sem bara hentar sumum.

Annars næ ég ekki alveg þessu með vítaspyrnukeppnina. Hvað er svona slæmt við hana?

Kveðja,

Fyrra álit

telma2 fyrir 22 árum, 3 mánuðum

Mér finnst ekki eiga að vera samasem merki á milli íþrótta og keppni, hvað þá þegar það er verið að tala um börn. Því ættu þeir sem eru betri að vera á móti þeim sem eru lélegir? (einhver talar um að þeir verði fyrir aðkasti)Jú bara vegna þess að hann dregur úr líkum á að liðið sigri. Hann skemmir liðið og getur því haldið sig með þeim yngri! Á endanum er hann dæmdur til þess að hætta að æfa því það er mikill stimpill fyrir barn að fá ekki að taka þátt með jafnöldrum.
Sjálf æfði ég lengi einstaklingsíþrótt og þar fengu þeir lélegu að æfa með sínum jafnöldrum(skemma ekki neinum). Þetta breittist að vísu þegar var komið upp í eldri hópa (12 ára og eldri), en þá var fengu þeir allra bestu að æfa með þeim eldri.
Tel að samkeppni sé góð en það að láta íþróttir barna snúast um það sé ekki af hinu góða. Held að best sé að keppnin sé engin í yngstu flokkum en aukist síðan hægt og rólega eftir því sem börnin verða eldri.
Það er ekki óalgengt að unglingur sem hefur verið mjög framarlega í ákv íþrótt sem barn hætti að æfa þegar það er komið á unglings ár. Íþróttin gefur þeim ekki gleði og samkend. Pressan á þessi börn er stundum orðin of mikil og þau hætta strax og þau þora að standa á sínu.

Fyrra álit

Börnin okkar

Börnin okkar

Ofurhugar

Stjórnendur

Hverjir eru inni

Greinar

Börn og keppnisíþróttir

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi