chloe fyrir 22 árum, 3 mánuðum Fjöldi lestra: 1476

Barnapíur og eftirlit með þeim

Ég lenti í aðstöðu í gær sem að varð til þess að ég fór að hugsa svolítið um þessi barnapíumál.

Mín vandræði voru þau að ég bað barnapíu um að líta eftir börnunum mínum (1 og 3 ára) í svolitla stund á meðan að ég færi á fund sem var í sama húsi. Þau voru heima hjá mér og ég var að koma heim með eldra barnið þegar að ég fór á fundinn. Einum og hálfum tíma seinna þá fór ég upp og hringdi dyrasímanum. Enginn svaraði. Ég vissi að hann hafði verið hálf sambandslaus þannig að ég komst inná ganginn með því að hringja hjá öðrum. Ég fór og bankaði, enginn svaraði nema að ég heyrði í börnunum mínum fyrir innan. Ég hringdi dyrasímanum, heimasímanum, bankaði meira og barði í hurðina. Enginn kom. Ég var orðin virkilega hrædd um að eitthvað hefði komið fyrir, börnin grátandi fyrir innan hurðina og ég komst ekki til þeirra. Ég var orðin vitlaus af hræðslu um hvað hefði komið fyrir og hvað myndi mæta mér þegar að ég kæmist inn. Með góðra manna hjálp komst ég inn. Og hvað haldiði að hafi mætt mér? Barnapían SOFANDI í sófanum. Börnin búin að fá að leika lausum hala í greinilega þónokkurn tíma. Búin að kveikja á eldavélinni og allt út um allt. Barnapían varð nú hálf rugluð þegar að ég vakti hana, ég sagði henni bara að fara heim. Ég var svo reið að ég treysti mér ekki til að tala við hana.

En þegar að ég var búin að jafna mig, amk svona að mestu leyti þá fór ég að hugsa. Hvað gerði ég rangt í þessu? Átti ég að skilja hana eftir með börnin? Treystir maður barnapíum of mikið?

Ég tek það fram að ég hef verið með ágætis barnapíur og alltaf gengið vel. Meðan að leikskólinn var í fríi voru barnapíur með börnin heima meðan að ég var í vinnu. Flestir dagar ganga bara vel. Þó svo að ég hafi ekki alltaf verið sátt við aðkomuna þegar að ég kom heim þá gerði ég ekki athugasemdir, því að fyrir mig skiptir meira máli að börnin séu í fyrirrúmi. Ekki tiltekt eða svoleiðis. Ég vil frekar að barnapían eyði tímanum með börnunum, leiki við þau og svoleiðis.

En hvernig er þetta hjá ykkur? Setjiði sérstakar reglur, t.d. varðandi hvort einhver má koma í heimsókn? Hafið þið eitthvað sérstakt eftirlit með barnapíunum ykkar? Er þeim “refsað” með launalækkun ef að þær standa sig ekki nógu vel að ykkar mati?
Og síðast en ekki síst, hvað hefðuð þið gert í mínum sporum í gær?

bkv.
chloe

það besta sem Guð hefur gefið mér……… eru börnin mín

EstHerP fyrir 22 árum, 3 mánuðum

Úff.. ekki öfunda ég þig af þessari barnapíu, hvað er hún eiginlega gömul ?
Ég er í fyrsta skipti núna að nota barnapíu, enda hef ég getað stólað á fjölskylduna hingað til. Ég er með 10.mánaða barn og 13.ára barnapíu sem er með hann 5 tíma á dag og ég hef greinilega verið heppin með stelpu, það eru engar sérstakar reglur, vinkonur eru velkomnar ef þær passa sig bara á að rústa ekki húsinu… eina reglan er sú að ég vil ekki að þær séu í tölvunni og ég held ég geti treyst því að það er ekki.
Ég að sjálfsögðu geri ekki sömu kröfur á barnapíuna og sjálfan mig og meðan að hún hugsar um barnið er ég sátt, nokkur atriði mætti laga en það er enginn fullkomin og hún er bara 13.ára.

Ég mundi hiklaust í þínum sporum setjast niður með þessari stelpu og segja henni að þú sért ósátt við svona hegðun og jafnframt tilkynna henni að þú getir ekki treyst henni aftur og fara að leita af annari stelpu….

Kv. EstHe

Kv. EstHer

Fyrra álit

chloe fyrir 22 árum, 3 mánuðum

Þetta er nú ekki sú sem að passar venjulega. Þessi er vinkonan sem kemur oft með að passa. Þannig að hún þekkir börnin og allt það. Hún hefur tvisvar passað fyrir mig ein. Ég held að ég haldi mig við hinar í framtíðinni, þær eru systur 13 og 14 ára og standa sig ágætlega.

chloe

það besta sem Guð hefur gefið mér……… eru börnin mín

Fyrra álit

Dangergirl fyrir 22 árum, 3 mánuðum

úff ég hefði frikkað út !!

ég hef ekki haft svona barnapiu siðan min stóra 11 ára núna var litil og sú stelpa var alveg áreiðanleg ekkert vesin eða neitt svoleiðis sú stelpa var 14 ára þá …
min litla 3ja ára sættir sig bara ekki við neitt nema mömmu sina …. fjölskyldan passar stundum en engar svona stelpur ….
skritið finnst mér að hún hafi ekki heyrt þig banka svona og börnin gráta ….. er eitthvað að heyrninni hjá henni ???????? ótrúlegt ….
ef ég væri þú þá myndi ég ekki borga henni krónu …. þar sem hún vann ekki vinnuna sina

crap !! … tilhugsunin um að eitthvað hefði getað komið fyrir þarna …. óhugnalegt

Fyrra álit

GlingGlo fyrir 22 árum, 3 mánuðum

Þú hefur bara lent í einskærri óheppni með barnapíu þarna. Held að það sé lítið sem þú hefðir getað gert til að koma í veg fyrir þetta. Stelpan þekkti börnin og hafði passað áður með vinkonu sinni, svo það er eiginlega ekki séns að þú hafir getað vitað fyrirfram að svona eitthvað myndi gerast. Flestar barnapíur standa sig vel held ég. Þú hefur bara lent á einni af þeim örfáu sem gerir það ekki.

En í þínum sporum myndi ég tala alvarlega við stelpuna eins og EstHerP benti á og gera henni grein fyrir hversu afdrifaríkar afleiðingar þetta hefði getað haft. Þetta er háalvarlegt mál og þú átt allan rétt á að vera öskureið. Samt finnst mér gott hjá þér að hemja þig þarna um kvöldið því skilaboð komast oftast miklu betur til skila ef fólk er ekki í einhverjum brjáluðum ham. Talaðu við hana rólega, en alvarlega. Þá vonandi áttar hún sig á því hvað hún gerði mikil mistök.

Annars þá hef ég haft það fyrir reglu að þegar barnapíur passa fyrir mig að það sé allt í lagi að fá eina eða tvær vinkonur. Ég set bara alveg fyrir hvað má og hvað ekki. T.d. hvað í ísskápnum þau mega fá sér, að þau megi horfa á sjónvarpið en láta tölvuna vera, ekki hringja úr símanum nema það sé nauðsynlegt o.s.fr. Svo fer þetta svolítið eftir barnapíunum og hvað maður þekkir þær vel og hvað þær hafa passað oft fyrir mann.

Ég var t.d. einu sinni með eina 15 ára sem var svolítið villt, en alveg virkilega yndisleg við stelpuna mína og einhvernvegin treysti ég henni alveg. Hún líka spurði alltaf fyrirfram hvort þessi og þessi mætti vera með og passa. Einhverntíman sátu þau fjögur, hún, vinkona hennar og tveir vinir þeirra, og pössuðu fyrir mig um kvöld á meðan ég fór út á lífið. Þau voru bara að horfa á popp tíví drekka kók og éta snakk. Þegar ég kom heim hafði stelpan vaknað en var sko hæstánægð því að unglingarnir voru allir búnir að taka hana upp á sína arma og gjörsamlega dekruðu við hana ;) Fyrir mér var ekki aðalmálið að stelpan var á fótum um miðja nótt, heldur að hún var ekki grátandi og hrædd, henni leið vel og var ægilega glöð með þessar barnapíur sínar.

Kveðja,

Fyrra álit

hilll fyrir 22 árum, 3 mánuðum

Ég er að passa tvíbura og ein bróður þeirra og það verð ég að segja að þú ætir EKKI að kvarta undan lítili tiltekt heldur ef eitt hvað sé frekar að börnunum!!! og ég er nú bara 14 og hef passað þessa sömu krakka í 2 ár hugsa sér 12 ára treyst fyrir 3 börnum!!! nú í dag trúi ég því varla að mér hafi verið veitt þetta TRAUST!!! En bara að benda það er mjög gott að geta leift vinkonum að koma annars geta barnapíurnar fengið bara leið á þessu!!!

Einu sinni þakka ég bestu vinkonu minni mikið fyrir að hafa verið hjámér þegar ég vaar að passa alla 3 krakkana!!! Því stelpan datt á hausin og fékk gat á hausin!!! ég fer og sæki blautan kaldan þvotta poka og skelli á hausin á henni og hringi svo í mömmuna og hún var sem betur fer nálægt og kemur bara á 5 mín og fer með hana en eftirá fór ég að hugsa hefði vinkona mín ekki verið þarna hefði ég ekki vitað hvað ég átti að gera!!!! ég er henni afar þakklát!!!!

En síðasta sumar fóru tvíburarnir í frí og ég var að passa 2 mánaða stelpu frá 1-5!! svo með tímanum kintist ég stelpuni sem var að passa krakka á efri hæðini og henni fanst allt leiðin legt og allt það!!!!! svo var ég inni hjá þeim bara með stelpuna!!! svo hringir símin og hún fer og ansar og þá er þetta mamma krakkana sem hún er að passa og ég bara inni í stofu að leika við stelpun og svo heirir mamma krakkana að það sé einhver inni og hún þarf að reka mig út því mamman vill ekki fá neinn inn!!!!!!! og stelpan altaf jafn leið!!! en svo vorum við skiluru að skipulegja hvenar við ætum að hittast!!! (leiðilegt fyrir hana!!) En ég mátti koma með vinkonur ef að ég vildi!!!!

En bara kveðja
hill88me

Fyrra álit

musica fyrir 22 árum, 3 mánuðum

Ég er sammála Dangergirl… mér þykir skrítið að hún hafi ekki rumskað við það að þú hringdir í heimasímann og dyrabjöllunni og eflaust bankaðir í hurðina, börnin grátandi og svo þurftirðu að hálfpartinn brjótast inn og hún svaf í gegnum þetta allt?!?!?!

Hvað er þessi stúlka gömul? Getur verið að hún sé í einhverju rugli því þetta hljómar eins og óeðlilega þungur svefn. Á hvaða tíma dags var þetta. Ef eitthvað gefur til kynna að hún hafi ekki verið í eðlilegu ástandi þá hefði ég hugleitt að tala við foreldra stúlkunnar. En það fer náttúrulega eftir því hvað hún er gömul og hvernig þetta var allt saman.

Ég held að reglur skipti ekki öllu máli. Ég held þetta sé frekar happa glappa. Annað hvort eru stelpur góðar og ábyrgar og þá “þarf” ekki að setja þeim reglur til að þær standi sig. Svo er hægt að lenda í svonalöguðu eins og þú.

Eina sem mér dettur í hug við val á barnapíum er að fá þær heim nokkrum sinnum á meðan þú ert heima bæði fyrir þig og börnin til að kynnast þeim. Þá er hægt að fylgjast soldið með og sjá hvernig hún umgengst börnin ÁÐUR en hún er skilin eftir ein með þeim.

Annars óska ég þér góðs gengis í barnapíu málum héðan af.

Fyrra álit

Emilie fyrir 22 árum, 3 mánuðum

Ég er að verða 14 ára og er að passa frænku mína, en hún fær stundum slæma krammpa og blánar stundum, þannig að frænka mín og frændi vildu aldrei biðja mig um að passa því þau voru hrædd um að ég myndi verða svo hrædd. En þau ákvuðu að reyna á það og nú gengur mér mjög vel með hana ég þekki hana og hvernig á að bregðast við ef hún fer í krammpa.
Þeim sem vantar barnapíu verða að kinnast henni og leyfa henni að kynnast barninu hvort hún sé með ofnæmi eða annað slíkt.
Ég sjálf er búinn að fara á Rauða Kross námskeið og kann lífgunaraðgerðina og allt það, og það er best að barnapían sé búinn að fara á þetta námskeið.
En ef þið viljið að hún taki til eða einhvað verðið þið að semja við barnapíuna sjálfar, þið eigið ekki að taka það sem sjálfsagt að við tökum til, auðvitað eigum við að taka til eftir okkur sjálfar en annað verðið þið að biðja um sérstaklega.

Fyrra álit

chloe fyrir 22 árum, 3 mánuðum

Hill88me og Emilie

Ég hef aldrei ætlast til þess að barnapían lagi til eða þrífi heima hjá mér. Eina sem ég bið um er að gengið sé þokkalega um. Ef að þær þurfa að gefa börnunum að borða þá þurfa þær ekki að vaska upp eða svoleiðis, bara að setja allt leirtau í vaskinn svo að börnin fari ekki að leika sér með það. En aldrei nein tiltekt eða svoleiðis. Það er mitt verk, ekki þeirra. Einu sinni var ég með eina sem að var stundum dugleg og vaskaði upp ef þess þurfti og þá borgaði ég henni eitthvað aukalega.

En finnst ykkur nokkuð skrýtið að ég vilji hafa barnapíuna vakandi þegar að hún er að passa?

chloe

það besta sem Guð hefur gefið mér……… eru börnin mín

Fyrra álit

Emilie fyrir 22 árum, 3 mánuðum

Auðvitað skil ég að þú sért reið útí hana, hún má ekki sofna svona og láta börnin leika lausum hala um allt, þau hefði getað kveikt í húsinu með því að kveikja á eldavélinni.
Þegar vinkona mín var lítil setti hún plastdót inní eldavél og kveikti á eldavélinni og það kviknaði í, svo það hefði alveg eins getað gerst.

Fyrra álit

hilll fyrir 22 árum, 3 mánuðum

nei ég veit að þegar ég kæmi þreitt heim úr vinnuni mindi ég ekki nenna að þurfa að taka til bara eins og eftir loftárás!!! Ég set í upp þvottavélina eða bara í vaskin og svo reini ég nú að hala húsinu hreinu að mestulagi fer út og allt það!!! og svo hugsa ég mest um börnin og hvað þau eru að gera og svo leikur maður við þau!!!! OG vill taka það framm að ég er búin að fara á barnfóstrunámskeið hjá rauðakrossinum!!!!!
NEI mér fynst það bara skilda að barnapían sé vakandi!!!!! Neima það sé verið að passa að kvöldi til þá er kanski í lagi að legja sig!! Tek að framm að börnin verða þá íka að vera ofandi og þá að maður geti vaknað við væl!!!

Þegar ég var að passa stelpu (sömu og í fyrra) (Tvíburarnir fara alltaf í frí á sumrin!!) Þetta er sko frænka mín og þá var ég oft að sofa bara alla nóttin!!

Fyrra álit

[Notanda eytt] fyrir 22 árum, 3 mánuðum

ég veit um eina stelpu 10 ára gömul og hún er að passa 3 börn. 2 ára,4 ára og 8 mán. Hún er ekkert skyld þeim eða neitt svoleiðis en ég spyr hvað er að mömmunni. Ég myndi aldrei leifa neinni 10 ára stelpu að passa fyrir mig. ég held að ég hafi verið að leika í dúkkuleik á þessum aldri. en þessi stelpa er látin passa frá 10-5. ég veit ekki hvort hún sé þroskuð miða við aldur en hún varð 10 á þessu ári.

Fyrra álit

chloe fyrir 22 árum, 3 mánuðum

Svona unga stelpu myndi ég aldrei ráða sem barnapíu. Hvað þá fyrir 3 börn og allan daginn. Mér hefur hingað til fundist 13-14 ára gamlar algjör lágmark. RKÍ námskeið er alltaf mikill kostur, margar fara á svoleiðis. Svo er stundum hægt að horfa svolítið öðruvísi á málin ef að viðkomandi á yngri systkini. Það er líka kostur.

bkv.
chloe

það besta sem Guð hefur gefið mér……… eru börnin mín

Fyrra álit

[Notanda eytt] fyrir 22 árum, 3 mánuðum

Já það er allt annað og ég teysti elstu stelpunni minni 11 alveg fyrir stráknum mínum 3 en ég vil ekki að hún sé að passa önnur börn ef eitthvað skildi koma fyrir. En hún þekkir bróðir sinn alveg og svo er ég alltaf með síma, en hún situr stundum hjá frænku sinni 3 mán í klukkutíma mesta lagi en ég er búin að segja henni að passa sig og vera ekki að taka hana upp að engu.Kanski er ég ekki alveg besta að dæma um svona mál því ég er ekki mikið fyrir að fá stelpur heim en annars er ég með ágætis stelpu sem kemur alltaf ef ég þarf.

Fyrra álit

danna fyrir 22 árum, 3 mánuðum

Sammála þessu, þetta hljómar svolítið eins og eitthvað mikið sé að stúlkunni. Þó maður sé unglingur og geti sofið fast er þetta nú einum um of.
Ég myndi reyna að komast til botns í þessu og það er líka mikilvægt að klára málið gagnvart barnapíunni, taka hana á teppið, þannig að hún geri sér fyllilega grein fyrir alvarleika þess sem hún gerði. Líka spurning um að ræða þetta við foreldra hennar.
Því hvað ef hún fer að passa önnur börn og eitthvað er að……

Kveð ykkur,

Fyrra álit

chloe fyrir 22 árum, 3 mánuðum

Ég ætla að tala við hana í kvöld og reyna að gera henni grein fyrir alvarleika málsins. Ég held nú reyndar að hún geri sér alveg grein fyrir því að hún gerði mistök. Þetta er alveg ágætis stelpa og ég hef enga trú á því að hún sé í einhverju rugli. Eflaust hefur hún bara verið þreytt.

chloe

það besta sem Guð hefur gefið mér……… eru börnin mín

Fyrra álit

Garsil fyrir 22 árum, 3 mánuðum

Ok, ekki að ég viti mikið um krakka nema ég passa frænda minn sem er 2 ára. Þá veit ég að systir mín á vinkona hennar fóru á einskonar pössunar námskeið(ekki að þær kunnu ekki að passa). Systir mín hafði farið út af því að á námskeiði var kennt skyndihjálp og ummönnun barnsins. Eftir þetta hafa þær tvær og nokkrar aðrar verið eitt af vinsælustu pössunarpíum í reykjavík.

Ef að ég ætti barn (sem ég á ekki ég er 13) þá mundi ég hafa það skilirði að hún myndi hafa einhverja “menntun” eða eithvað þanning.

En þetta er bara mín tillaga þú gerir eins og þú finnst. :)

- garsil

Fyrra álit

Sros fyrir 22 árum, 3 mánuðum

Ég bara treysti ekki neinum nema úr fjölskyldunni til að passa engilinn minn,ég veit það ekki,en ég hef bara því miður heyrt svo marga slæma hluti um barnapíur,(auðvitað eru góðar þarna innan um).Systir mín sem er 15 ára passar fyrir mig stundum og þá líður mér mun betur með að fara út,en ef ég hefði einhverja sem ég þekki ekkert.

Fyrra álit

kusa fyrir 22 árum, 3 mánuðum

ég byrjaði að passa þegar ég var 9 ára en það var bara að fara út á róló og mamman var bara inn í garðinum. en ég er búin að vera að passa í 3 ár núna og búinn að fara á barnapíu-námskeið og ef ég ætti barn myndi ég reyna að fá barnapíu sem er með mikla reynslu og búin að fara á þetta námskeið. maður lærir hvernig á að bregðast við , munn við munn aðferðina, hjartahnoð, skipta um bleiu og fleira. chloe þegar ég var 10 ára fór ég að passa um kvöld og var orðinn alveg ótrúlega þreytt þá sofnaði ég en sem betur fer vorum við að horfa á sjónvarpið og hann er alltaf þokkalega rólegur og ég fékk geðveikt sjokk þegar ég vaknaði og gerði mér grein fyrir því sem ég hafði gert. henni hefur örugglega liðið eins en ég myndi samt tala viðð hana og segja henni að þú verðir að treysta henni alveg fyrir litlu gersemunum. og ef eitthvað kemur fyrir aftur þá myndi ég bara segja henni að hún þyrfti ekki að passa fyrir þig aftur og reyna fá aðra. eða það er það sem ég myndi gera.

uhh ha?

Fyrra álit

Hegga fyrir 22 árum, 3 mánuðum

Ég er nú sjálf barnapía og hef farið ánámskeið Rauakrossins. Ég myndi halda mig við annahvort námskeiðstelpur eða stelpur með reynslu.
Þú áttir alveg að geta treyst henni en hún var bara léleg barnapía!

Fyrra álit

IngaAusa fyrir 22 árum, 3 mánuðum

Hafiði aldrei pælt í hvað þetta er nú asnalegt. Þetta er lang yngsta starfstéttin, oftast eru barna píurnar 12 - 14 ára. Samt er þetta með ábyrgðarfylgstu störfum sem þú getur verið fengin í. Ég meina, að vera einn í húsi, með pínu litlu barni, jafnvel börum, er ekkert létt verk.

Þegar ég var yngri þá passaði ég stundum börn, en hætti því af því að mér fannst það óendanlega leiðinlegt.

Launin hjá þessum greyjum eru líka svo lágkúsuleg og aum. Hver vill axla þessa ábyrgð fyrir 200 kall á tímann?

Ég sá meira að segja auglýsingu (þarf varla að taka fram hvar…. Hafnarfirði) sem á stóð:

“Erum tvær 11 ára stelpur sem viljum passa börn. Laun um 50 krónur á tímann.”

Þetta var líka fullt af stafsetingavillum og svoleiðis, ekki stelpur sem ég myndi treysta fyrir börnum ef ég ætti þau.

Fyrra álit

Hegga fyrir 22 árum, 3 mánuðum

Verst er að lenda með frekum börnum og fólki sem á ekki sjónvarp :Þ Allaveganna er ekki mikið annað sem við getum unnið við, því miður. Ef ég ætti barn myndi ég örugglega frekar skilja það eftir með tveimur píum, sem eru þá að passa saman því að ef önnur sofnar er hin þá allaveganna til staðar! Ég er oft hrædd um að eitthvað gerist sem ég ræð ekki við, barnið slasast alvarlega undir minni umsjá, foreldrarnir myndu aldrei fyrirgefa mér og þetta hvíldi á mér til dauðadags! Mæður, muniði bara, við reynum okkar besta! Nema náttúrulega þessi þarna sofandi en hún hlítur að hafa verið verulega þreytt! Svo er það þetta líka þegar skólinn byrjar að þurfa að passa dag fyrir próf. Ef maður er búin að að ráða sig í starf og foreldrarnir eru í neyð er erfitt að neita. Og það er eitt, takið námið hjá okkur fram fyrir pössun! Það er bara mjög erfitt að læra með börn allt í kring því þau þurf 100% athyggli því maður veit aldrei hvað þau gera ef maður lítur af þeim þó það sé ekki í nema nokkrar sek. Ég er sammála inguausu um að þetta er mjög ábyrgðarmikið starf en að vissu leii sannar það hvað táningsstelpur eru þroskaðar!

Fyrra álit

Hollis fyrir 22 árum, 3 mánuðum

Ég á nú sjálfur ekki börn en hef verið notaður sem barnapía af eldri systkinum og hefur það verið ágætis afsökun til þess að leggjast í gólfið og leika sér með liðinu. Svo ég tala nú ekki um ef maður kemst í skemmtilegar barnabækur! Nei nei það var nú annað sem ég ætlaði að segja. Allir geta gert mistök. Allir geta verið illa fyrir kallaðir. En þetta er auðvitað mjög alvarlegt mál. Þarna eru börnin þín í húfi. En allir eiga skilið annan séns. En sem betur fer kom ekkert alvarlegt uppá. En það var skynsemi að hella sér ekki yfir hana um kvöldið heldur senda hana bara heim. Það verður að tala við hana einsog maður við mann. En það er útí hött sem einhver var að segja að sleppa að borga henni. Auðvitað á hún að fá launin sín. Ef þú eða þið gerið einhver mistök í ykkar vinnu viljið þið samt fá launin ykkar. Þetta er nú heldur ekki það mikið sem þessir krakkar eru að fá borgað fyrir þetta ábyrgða fulla starf. En að eru auðvitað ekkert allir sem eru þessu starfi vaxnir.

It’s not only the car your driving, It’s also the size of the arm hanging out of the window

Fyrra álit

[Notanda eytt] fyrir 22 árum, 3 mánuðum

Afhverju fá strákar ekki að passa? Sjálfur hef ég mjög gaman af börnum og kann á þau en ef ég myndi biðja um að passa eitthvað barn þá væri mér ekki bara sparkað útúr húsinu heldur látin í þrælkunarbúðir til halim als fyrst. Stelpur geta unnið við þetta en ekki strákar þetta kalla ég kynjamismunun.

Fyrra álit

Hollis fyrir 22 árum, 3 mánuðum

“Af hverju fá strákar ekki að passa?” Þetta er góð spurning. Ég held reyndar að svarið sé það að almennt hafa strákar ekki sýnt því áhuga. Auðvitað eru einn og einn. Ég á einn frænda sem vann við þetta þegar hann var 14ára. En það er bara staðreynd – stelpur eru yfirleitt þroskaðri á þessum aldri. Það hefur eflaust líka sitt að segja.

It’s not only the car your driving, It’s also the size of the arm hanging out of the window

Fyrra álit

[Notanda eytt] fyrir 22 árum, 3 mánuðum

Samt er þroski unglings telpna oft alltof ofmetinn, er einhver þroski að halda að maður sé 20 þegar maður er 13 ára og mörg svona dæmi.

En ég er ekki hér til að tala um þroska stelpna. Svo ver sú gúð

Fyrra álit

lhg fyrir 22 árum, 3 mánuðum

Ég hefði alla vega ekki borgað henni. Hún er ráðin til að passa börn, ekki til að sofa. Ég held að flestir aðrir fengju að heyra það ef þeir legðu sig í vinnutímanum og því fyrr sem hún lærir það, því minni vandamál fyrir hana þegar hún verður eldri og fer að vinna í “alvöru”.

Mér finnst hins vegar ekkert skrítið að það sé hægt að sofa svona fast. Ég svaf svona þegar ég var barn og unglingur og þurfti enga eðlilega vekjaraklukku til að koma mér úr rúminu. Þetta eltist hins vegar af mér.

Síðan er náttúrulega spurning hvað er hægt að treysta börnum til að gera. Unglingur ætti alveg að geta ráðið við að passa 2 krakka í 1 og hálfan tíma. Ég held að þú hafir bara verið óheppin með þessa stelpu. Sumu fólki er líka bara ekki treystandi, ekki 14 ára og ekki þrítugu. Ég myndi bara ráðleggja þér að láta hana ekki passa aftur.

Annars er það ráð fyrir fólk sem treystir ekki barnapíunni fullkomlega að skilja videovélina eftir í gangi ef það á. Það hefur verið komið upp um barnapíur erlendis sem lömdu börnin. Ég sá svoleiðis band í imbanum þar sem barnapían þrusaði í höfuðið á barninu með trésleif. Alltaf gott að hafa vaðið fyrir neðan sig.

Fyrra álit

Apache fyrir 22 árum, 3 mánuðum

Ég verð nú að segja að mér finnst hálf skrítið að þú komist ekki inn heima hjá sjálfri þér? Áttu ekki lykla? Auk þess áttu náttúrulega alls ekki að treysta ókunnugum fyrir börnunum þínum, alla vega myndi ég aldrei gera það. Mín börn fara með mér hvert sem ég fer og aðeins fólk úr fjölskyldunni sem ég nauðaþekki passar þau. Barnapían er bara týpískur unglingur sem hefur ekki þroska til að takast á við það verkefni að gæta barns.

Fyrra álit

chloe fyrir 22 árum, 3 mánuðum

Í þessu tilfelli var nú málið þannig að ég fór nú bara niður í kjallara og þau áttu ekki að fara neitt. Ég sá ekki ástæðu til að taka lykla með mér. Yfirleitt er hurðin ekki læst nema á nóttunni.

En hvernig er með þig, eru börnin virkilega ALLTAF hjá þér og engum öðrum? Ég sé ekkert athugavert við það að börnin kynnist öðru fólki en bara þeim allra nánustu. Fyrir mitt leyti segi ég að t.d. strákurinn minn var ómögulegur þegar að hann var tekinn af leikskóla í nokkra mánuði. Það vantaði bara stóran hluta af því lífi sem hann þekkti. Hann varð greinilega mjög ánægður þegar að hann komst á leikskóla aftur.

Svo finnst mér nú ekki réttlátt að fullyrða að barnapíur séu bara týpiskur unglingur með ónægan þroska. Margar eru vel færar um að hugsa um ung börn í einhvern tíma (ég mæli þó ekki með því að þær eignist þau sjálf). Margar hafa jafnvel farið á námskeið til að búa sig betur undir þetta hlutverk. Gerðir þú það áður en þú eignaðist börnin þín?

kv.
chloe

það besta sem Guð hefur gefið mér……… eru börnin mín

Fyrra álit

Apache fyrir 22 árum, 3 mánuðum

chloe
Nei, leikskóla reyndar já auðvitað. Það er sjálfsagt. Já, ég reyndar fór á nokkuð mörg námskeið um barnauppeldi - hef gráðu í því. Sorry, ætlaði ekki að vera með skot.

Fyrra álit

EstHerP fyrir 22 árum, 3 mánuðum

Apache.
Hvaða skot eru þetta, stór hluti foreldra þarf að notfæra sér barnapíu öðru hverju og hverskonar líf er það að komast aldrei neitt út á kvöldin eða neitt án barnana?
Það eru ekkert allir svo heppnir að hafa nákomna fjölskyldumeðlimi sem geta passað og foreldrar þurfa líka að eiga líf án barnana sinna, annars yrðu margir fljótt andlega þreyttir.
Það er gott mál að þú hafið þetta svona en algjör óþarfi að vera með hálfgert skítkast út í þá sem þurfa að nota barnapíu.

Kv. EstHe

Kv. EstHer

Fyrra álit

hogg fyrir 22 árum, 3 mánuðum

Vá… að sofna með börnin vakandi í kringum sig! Jú jú ég sofna nú oft þegar ég er að passa en það er nú af því að oft er ég að passa fram á nótt og krakkarnir löngu farnir að sofa. Ég er barnapía á Selfossi og er mjög vinsæl þar. Passa fyrir helling af fólki og vinir fólksins fá mig líka oft svona “lánaða” :) Ég hef ekki farið á neitt námskeið, bara lært þetta, enda passað frá því ég var svona 9 ára eða eitthvað, þó að það hafi byrjað sem bara með að fara út á róló :) Þegar ég flutti á Selfoss og byrjaði að passa þar þá byrjaði ég bara svona hægt og hægt með krakkanna. En núna þá þó að ég sé ekki fjölskyldumeðlimur þá er ég alls ekkert ókunnug enda hef ég passað hjá sumu fólkinu í nokkur ár. Þegar ég byrja núna að passa hjá alveg nýju fólki þá læt ég þau hafa meðmæli og leyfi þeim að hringja í fólk sem að ég passa líka hjá. Barnapíur eru voðalega misjafnar, ég held að það sé sniðugt að vera með fyrst og athuga hve mikinn áhuga pían hefur á börnunum. Það segir mjög mikið að hún vilji leika við þau og kunna svona að haga sér með börn :) En chloe, ef þetta hefði verið mín börn þá hefði ég gjörsamlega klikkast sko! Flott hjá þér að fara ekki að rífast :) ÉG mundi bara tala rækilega við hana og ekki leyfa henni að passa aftur, hún er bara greinilega ekki nógu mikil barnapía í sér. Gangi þér vel :) (Heyrðu já ég er 16 ára bara svo þið vitið það… að verða 17) :)

Fyrra álit

EstHerP fyrir 22 árum, 3 mánuðum

Misscute.
Gott að vita af reyndri barnapíu á Selfossi ;) Svona ef manni skyldi vanta….

Kv. EstHe

Kv. EstHer

Fyrra álit

Tzipporah fyrir 22 árum, 3 mánuðum

Ég hef verið mjög heppin með barnapíu, er með stelpu sem ég hef þekkt síðan hún var 10 ára, hún er 15 í dag og hún hefur staðið sig mjög vel. Ég þekki hana vel og treysti henni.

Ég passaði sjálf mikið þegar ég var yngri svo að ég veit nokkuð hvað mér finnst sanngjarnt að bjóða barnapíunni minni uppá. Mér finnst allt í lagi að hún hafi með sér einn eða tvo gesti en ekki fleiri en það, nema sérstakar aðstæður séu fyrir hendi. Ég er ekkert að leggja áherslu á að hún taki til eftir sig og barnið, en hún gerir það ef hún hefur tækifæri til, óbeðin. Ég borga henni 1000 krónur til 2000 krónur á kvöldi sama hversu lengi ég er. Ef ég er stutt þá 1000 krónur en ef ég er mjög lengi þá 2000. Við erum ekki með neitt ákveðið á tímann. Bara metum það í hvert skipti.

Ég hef verið mjög heppin með barnapíu. Ég veit ekki hvað ég myndi gera ef ég kæmi að svona ástandi eins og þú Chloe, en eitt er víst sú stúlka fengi aldrei aftur að passa fyrir mig.

Tzip

Fyrra álit

Börnin okkar

Börnin okkar

Ofurhugar

Stjórnendur

Hverjir eru inni

Greinar

Barnapíur og eftirlit með þeim

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi