Strákar geta gert stelpur ófrískar, ekki stelpur, þeim ber að axla þá ábyrgð.

Það er nú mjög einföld ástæða fyrir að móðir þarf ekki að greiða faðernispróf. Ef henni bæri skylda til þess þá eru góðar líkur á að hún myndi einfaldlega ekki feðra barnið sitt og þ.a.l. situr ríkið uppi með allan kostnað. Kona getur alltaf sagst ekki vita hvað maðurinn sem hún svaf hjá heitir og þar með er ekkert hægt að gera meira í að finna meintan föður. Þess vegna þarf konan ekki að borga, hún vísar á mögulega feður og höfðar barnsfaðernismál gagnvart þeim. Þetta er vissulega ósanngjarnt þar sem manni finnst að kostnaðurinn ætti að skiptast, en svona er þetta nú samt.

Og ekki get ég verið sammála þér að þetta sé bara hennar ábyrgð, það hljóta nú strákar að gera sér grein fyrir að það að stunda kynlíf geti valdið því að barn komi undir. Sanngjarnast væri að allir aðilar deildu með sér kostnaði, en því miður er það illmögulegt í framkvæmd.

Það er smá vandamál að hafa meiri umgengni en aðra hverja helgi vegna þess að einhvers staðar verður barnið að búa og manni finnst það væri nokkuð hringl ef barnið ætti að vera viku hjá hverju foreldri til skiptis. Ef barnið ætti svo að vera hjá pabbanum um hverja helgi þá fær mamman engar helgar þannig að hún verður leiðinlega foreldrið sem segir barninu að læra heima, skipar því í rúmið og rífur það upp á morgnana en pabbinn verður skemmtilega frídaga foreldrið sem barnið fer í bíó með og fær nammi hjá. Það er erfitt að leysa þetta svo vel sé. Því miður virðast líka mæður komast upp með að taka það út á feðrunum ef þær eru ekki ánægðar með eitthvað. Virðast t.d. geta stoppað umgengnisréttinn eftir sinni hentisemi án þess að það virðist hafa neinar afleiðingar.

Hins vegar er meðlag ekki “afnotagjald” á börnum. Foreldrarnir sameinuðust um að koma því í heiminn og eiga því að skipta á milli sín kostnaðinum við að koma því til manns. Rétt væri því að pabbinn borgaði helming og einhvern veginn finnst mér ólíklegt að meðlagið með einu barni standi undir því að vera helmingur af því sem kostar að framfæra það. Varðandi þau sérréttindi sem einstæðar mæður hafa í þjóðfélaginu þá eru þau nú lítil. Það er helst forgangur á dagvist og þessar blessaðar barnabætur eru nú orðnar svo tekjutengdar að það fær þær eiginlega enginn lengur nema hann sé öreigi.

Oj þér!
Þú skalt bara gleðjast yfir því að geta ekki orðið óléttur …

Fyrir það fyrsta, og það sem fram hefur komið,
ef þú ert pabbinn er það nákvæmlega jafnmikið þér að kenna að stelpan sé ólétt. Þín 50%!

Og að þú sérst að væla yfir SKITNUM 110þúsundkalli. Ertu bilaður?! Hvað með stelpuna? Hún er ólétt, (og að mér skilst) ein á báti og veit ekki einu sinni hver pabbinn er. Já, hún svaf hjá tveimur gæjum með stuttu millibili, en helduru virkilega að hún hafi látið sér detta afleiðingarnar í hug? (greinilega ekki…) Og hvað eru margir strákar sem hafa gert slíkt hið sama og sloppið létt?

Það er bar a staðreynd að óábyrgt kynlíf er vandamál í dag. Auðvitað eiga stelpur að passa sig til að lenda ekki í svona rugli, en strákar verða líka að nota heilann. T.d. það að biðja strák um að nota smokk virðist stundum virka á viðkomandi eins og algjört turnoff eða einhvern greiða “æi plís gerðu það, ég veit ekki hvort ég höndla að verða ólétt”… Er það ekki bara sjálfsagt mál að bera ábyrgð á eigin kynlífi, hvort sem maður er stelpa eða strákur?

Hey - þú fékkst þetta allavega í hausinn aftur, ég tala nú ekki um það sem nú hvílir á hennar herðum..!

(Og aftur, þú ert að væla yfir peningamálum…)

Það er ALVEG RÉTT hjá þér, þú fékkst engu um það ráðið að þetta barn varð til, en heyrðu- ekki hún heldur, og EF (n.b.) þú ert að hugsa bitur til þess að hún fór ekki í fóstureyðingu þá er það ekki þitt að hugsa enda hefur ENGINN rétt á því að líta á fóstureyðingu sem einhverja patent “lausn” (enda ekki einu sinni valkostur í augum margra).

Þú fékkst ekki að vita um barnið fyrr en á 5. mánuði. Ég skil að þú sérst svekktur yfir því, það er MJÖG lélegt af stelpunni, en það er heldur ekki auðvelt að segja þessar fréttir, “og já by the way, það er ekki alveg víst að þetta sé þú, ég svaf nefnilega hjá öðrum…” (þó svo það réttlæti engan veginn mánuðina 5)

Þú berð kannski engar tilfinningar til barnsins núna, en það er ekki orðin “áþreifanleg staðreynd” ennþá - ef barnið reynist þitt og þú sérð það (manneskju sem þú átt helminginn í) þá er það alveg bókað mál að einhversstaðar (jafnvel þó það sé djúpt á því) berðu tilfinningar til þess. Það afneitar enginn nýfæddu barni sínu nema viðkomandi sé pure evil.

Reyndu nú aðeins að víkka sjóndeildarhringinn, hætta að gráta fyrir framan spegilinn, vertu maður og lærðu af mistökunum. Og umfram allt - hugsaðu til HENNAR, því ef þér finnst þú í voða vondum málum er hún enn verr stödd (og þú ert ekki að gera líf hennar bærilegra með þessum hugsunarhætti)

Ég get ekki hætt að undrast á vitleysunni í sumum strákum, að taka ekki ábyrgð á eigin kynlífi, hvað þá mistökum. Þetta er út í hött. (Ath. taki það til sín sem eiga, annað var það ekki.)

Þú talar um að vera “saklaus þar til sekt sannast” . Þú átt ekki að borga nema það sannist að þú sért faðirinn, þangað til þarftu ekkert að borga, ekki satt.

Þetta kallast að taka afleiðingum gerða sinna og þú ættir að horfa á að þetta próf sé gert fyrir þig líka. Ef hún hefði komið til þín og sagt þér að þú værir faðirinn, finnst mér að þú (og bara allir sem lenda í svona máli)hefðir átt að fara fram á DNA próf. Það er verið að tryggja öryggi þitt.

Auðvitað skil ég alveg að þú sért ekki glaður með þetta, en ég er bara að benda þér á kostina sem í þessu felast fyrir þig og líka að mér finnst móðirin hafa þegar nóg á sinni könnu.

Í sambandi við tíðahringinn, þá er egglos yfirleitt í honum miðjum eða ca 14 degi, ef tíðahringurinn er óreglulegur þá er náttúrulega erfiðara að vita hvenær egglos verður nema það er yfirleitt 16-14 dögum fyrir blæðingar. Þannig að ef kvenmaður sefur verjulaust hjá karlmanni X kannski á bilinu frá 12-16 degi venjulegs 28 daga tíðahrings en svo hjá karlmanni Y á 24 degi td. Þá er karlmaður X mjög líklega faðirinn. Verra mál ef kvenmaður sefur hjá bæði X og Y á hættulegasta tímabilinu. Svo eru líka fleiri líkamleg einkenni sem segja til um egglos. Það er á ábyrgð okkar kvennanna að vita hvað er að gerast í líkama okkar og ef við lærum á hann og lesum okkur til, þá eigum við að geta verið nokkuð vissar hvenær hættulegasta tímabilið er og að sjálfsögðu verðum við að passa okkur að upplýsa viðkomandi karlmann sem við erum að sofa hjá, að núna sé kannski alls ekki sniðugt að stunda kynlíf verjulaust. Það á náttúrulega aldrei að stunda svona einnar nætur kynlíf verjulaust og hvað þá blindfullur. Því fólk getur verið að kalla yfir sig ýmislegt verra en að lítil sæt börn komi í heiminn eftir 9 mánuði:)

Ég held ég skilji alveg hvað Dod er að meina. Hann er ekki að segja að hann ætli ekki að taka ábyrgð á þessu barni ef hann er faðirinn. Það sem hann er augljóslega svekktur yfir er að hann þarf að punga út þessum pening af því að daman svaf hjá öðrum en honum á svipuðum tíma verjulaust og veit því ekki hver faðirinn er. Ég get alveg sett mig í hans spor þó ég sé kvenmaður og ég held að ég yrði drullufúl.

En mér finnst óþarfi að kalla kvenfólk sem lentir í þessari aðstöðu druslur, þetta er bara hugsunarleysi og óheppni. Auðvita eiga karlmenn líka að bera ábyrgð á hvar þeir eru að ota sínum dela en þeir geta náttúrlega ekki vitað hvar kvenmaður er staddur í tíðahring eða hvenær hún svaf hjá síðast það veit bara kvenmaðurinn. Ég segi það bara enn og aftur fólk á bara ekki að vera stunda verjulaust kynlíf ef það er ekki í hjónabandi eða í sambandi. Það veit aldrei hvaða ófögnuð það gæti verið að kalla yfir sig í formi kynsjúkdóma t.d.

Ég reyndar veit um eitt dæmi þar sem stelpa svaf hjá tveimur mismunandi mönnum með viku millibili.
Þeir vissu strax að þeir kæmu báðir til greina en málið er að þegar barnið fæddist þá var ekkert vafamál lengur hver væri faðirinn. Því annar maðurinn var ljós yfirlitum en hinn dökkhærður og með dekkri húð. Barnið var augljóslega barn þess dökkhærða. Þannig að það þurfti ekkert DNA próf þar á bæ.

Kveðja PiCatChyou

Þótt tíðahringur sé 28 dagar, getur konan ekkert orðið ólétt hvenær sem er þessa 28 daga. Það er aðeins 1 dagur sem er egglos og maður verður að sofa hjá dagana í kringum þann dag. Þannig að þetta er í raun ekki spurning um að sofa hjá 2 á 28 dögum heldur ca. 6-7 dögum.
Mér finnst reyndar ekkert druslulegt að sofa hjá 2 gaurum á stuttum tíma. Hefði það verið karlmaður þá væri hann hetja. En ef maður stundar svoleiðis kynlíf ætti maður alveg örugglega að hugsa aðeins betur um getnaðarvarnir.

hér eru allar þær uppl sem ég hef grafið upp um þetta. einnig það sem þú segir ihq væri rosalega sniðugt en gekk ekki í mínu tilfelli, þar sem stelpan þarf ekki að borga krónu þá er henni alveg sama að þetta fari dýrari leiðina. en hér er allt sem ég er búinn að grafa upp um þetta og þetta er eins og þetta kerfi virkar. ég hafði rangt fyrir mér í einhverjum atriðum. þetta er bréf sem ég sendi alþingismanni þannig að þetta er ekki alveg eins og ég myndi orða þetta hér í rökræðum á huga, here goes:

ég er búinn að vera að kanna þetta betur.
Ef móðir bendir á karlmann sem meintan föður og hann neitar þá er hann skikkaður í DNA próf sem kostar hann 113.500 kr ef hann reynist faðirinn. ef hann reynist ekki faðirinn þá greiðir ríkið þetta fyrir hann.
Ef eins og í mínu tilfelli koma 2 til greina. þá eru þeir báðir skikkaðir í DNA próf og sá sem greinist faðirinn greiðir 113.500 fyrir prófið en ríkið greiðir niður fyrir hinn.

einnig tekur þetta um 6-12 vikur að fá niðurstöðu úr þessu og þá safnast upp meðlag á meðan. svo fær faðirinn reikning fyrir DNA prófinu og uppsöfnuðu meðlagi.

ég skil ekki afhverju þetta er svona dýrt hér á landi, ég talaði við Rannsóknastofu Réttarfræðinnar sem gerir DNA prófið hér á landi og þar var mér tjáð að þetta væri sama verð og í norðulöndum og Bretlandi.
ég get ekki verið sammála um þetta og sendi hér að neðan nokkrar heimasíður af DNA prófstöðum mest í Bandaríkjunum en einnig í Dannmörku og Bretlandi. þetta eru allt stofur sem eru samþykktar af AABB (American Association of Blood Banks) og eru próf sem standast í dómstólum. get ekki séð afhverju þau ætti ekki að vera nógu góð fyrir okkur?

þegar ég spurði konuna sem ég talaði við þarna í Rannsókarstofunni um hvaða stofur þetta væru í norðurlöndum og Bretlandi sem væru með þetta sama verð og við erum með og hærra eftir því sem hún sagði þá gat hún ekki nefnt mér eina einustu á nafn.

ég myndi vilja láta ath hvort að við séum svona rosalega dýr í DNA prófum eða hvað sé málið?

Ég talaði við embætti Sýslumanns í Reykjavík og var mér tjáð að ég gæti ekki notast við aðra stofu en Rannsóknastofu Réttarins, mér var tjáð að ástæðan væri að það þyrfti að taka blóðsýni til að DNA prófið. Það er ekki satt samkvæmt því sem ég hef lesið mér til um, munnvatn eða hár er alveg nóg til að fá jafngóðar niðurstöður. Það er nóg að taka dæmi að í sakamálum getur verið nóg að dæma þann ásakaða með DNA úr munnvatni, svita, hári, húðflögum og þess háttar, en er það ekki nóg í faðernismálum?

einnig það sem ég skil ekki er að ef kvennmaður sefur án þess að notast við verjur við 2 karlmenn og þeir eru skikkaðir í DNA próf sem getur kostað annanhvorn þeirra stórfé, afhverju er tekið á karlmanninum eins og hann hafi gert eitthvað af sér? það þarf 2 til að búa til barn eins og við öll vitum. afhverju er móðirin sem veit ekki hvor á barnið látin alveg sleppa frá þessu? ef hún vissi hver á barnið þá væri ekkert um DNA próf að ræða nema að karlmaðurinn neiti.. þá finnst mér af sjálfsögðu að hann greiði fyrir prófið ef hann er faðirinn.

ég er svo ósáttur við hvernig þetta er háttað, að vegna óvissu hennar gæti ég eða hinn aðilinn þurft að punga út 113.500 kr til að vita hvor okkar er faðirinn?

en hér er listi yfir þær stofur sem ég fann:

http://www.dnadiagnosticscenter.com/feesandservices.html faðernispróf AABB samþykkt 420 dollarar.

http://www.dnanow.com/store01/ faðernispróf AABB og CLIA samþykkt 445 Dollarar eða 315 pund.

http://www.ptclabs.com/fee_schedule.htm faðernispróf AABB samþykkt 495 dollarar.

http://www.dnacenter.dk/showpage.asp?ID=474 faðernispróf (íslensk síða) 2945 Danskar krónur.

http://www.dnatestingsolutions.com/html/pric e.html faðernispróf AABB samþykkt 395 dollarar.

http://www.dnaplus.com/hairdna_paternity_t esting_kit.htm faðernispróf AABB samþykkt 349 Dollarar.

http://www.dnatesting.com/new_page_51.htm Faðernispróf AABB samþykkt 420 Dollarar.