harpajul fyrir 22 árum, 7 mánuðum Fjöldi lestra: 809

sumarið 2002 hjá skólabörnum

jæja þá er farið að styttast í skólalok hjá grunnskólabörnum(er samt ekki fyrr en 10.júní hjá mínum börnum sem að mér finnst persónulega fullseint) en er þetta FRÍ hjá börnunum?

allavega þá er búið að plana sumarið fram til 19. júlí hjá mínum krökkum!!! og þá er eftir “frí” með fjölskyldunni og svo amk.2 vikur í frí með pabba þeirra og fjölskyldu.

Fyrst fara þau í sumarbúðir og svo tekur við sundnámskeið,fótboltaskóli,smíðavöllur og skólagarðar,svo förum við í viku í sumarbústað og veiði(kanski má kalla það “frí” en samt…)

ég man eftir því þegar skólinn var búinn þegar ég var í grunnskóla(um miðjan mai)þá var FRÍ í 3 mánuði!!!!
eitt sumarið fór ég í skólagarða og annað á smíðavöll og svo fór ég 2-3 sumur í viku í sumarbúðir.

ég veit vel að það eru margir sem hreinlega hafa ekki önnur úrræði en að nota námskeið og aðra gæslu allt sumarið og er ekki að gagnrýna það,málið er bara að það er svo margt í boði að maður verður hálfruglaður :s

það er í umræðunni hjá mínum börnum að fara líka í fimleikabúðir og boltaskóla og jafnvel free style námskeið í byrjun ágúst en ég er nú ekkert tilbúin til að taka ákvörðun um það strax……

frá mínu sjónarhorni er freistandi:jóganámskeið fyrir börn,myndlistarskóli og enskuskóli,vá það er sko mikið í boði….

Svo er annað og það eru kröfurnar sem börn á þessum aldri gera VÁ!!! ég meina það “verða” allir að eiga : reiðhjól(helst 21 gíra fjallahjól),hlaupahjól,línuskauta og hjólabretti……(að ég tali nú ekki um allt hitt sem flokkast ekki undir “faratæki”)
og helst nýtt hjól á hverju sumri(þarna er ég ekki að tala um mín börn þau eru enn á hjólunum sem þau fengu í fyrra og hitteðfyrra)
þetta er bara svona það sem maður sér í kringum sig og þar sem maður þekkir til.

æi þetta eru bara svona pælingar kanski er einhver annar í sömu/svipuðum pælingum

mbk
harpajul

Kveðja

Gexus fyrir 22 árum, 7 mánuðum

Ég fer í sumar frí 39 Maí til 26 Ágúst:)
og fyrst fer ég 6 Júní til Spánar og kem aftur heim 29 júní.
Og svo fer ég í Smíði námskeið, og kannski vefsíðugerð, og svo bara eitthvað heima og svo skóli.

Fyrra álit

lhg fyrir 22 árum, 7 mánuðum

Ha, nýtt hjól á hverju ári? Er eitthvað að þessum börnum? Fara þau ekki vel með hjólin sín?

Þegar við brói vorum litlir þá áttum við 2 hjól saman. Eitt var stórt og annað lítið. Þau voru bæði endurnýtt af haugunum. Þegar ég lærði á litla hjólið þá áttum við það saman þangað til hann fékk stóra. Þegar ég óx upp úr því litla áttum við svo stóra saman. Við fórum alltaf vel með hjólin okkar og settum þau undir svalirnar eða inn í bílskúr svo það rigndi ekki á þau.

Hins vegar voru krakkar sem við þekktum sem fengu ný hjól á hverju ári af því þeir hentu þeim bara frá sér hvar sem var og þau voru öll orðin ryðguð eftir sumarið. Sérstaklega með gírahjól þá þarf að smyrja vírana svo þetta festist ekki allt saman. Ég held að ef krökkum er kennt að fara vel með hjólin sín þá er alveg hægt að láta þau endast í nokkur ár og erfast milli systkina.

Fyrra álit

xark fyrir 22 árum, 7 mánuðum

ég er búinn að eiga sama hjólið í 7 ár, reyndar er það orðið of lítið núna. Að þurfa nýtt á hverju ári er algjör vitleysa.

Fyrra álit

[Notanda eytt] fyrir 22 árum, 7 mánuðum

ha?!?! ég á ennþá hjólið mitt sem ég fékk 98" og það er í fínasta lagi með það, þarf reyndar að fara að skipta um dekk. ég nota hjólið eins og vitleysingur. Síðan á ég línuskauta sem ég keypti sjálfur. og enginn af mínum vinum fær nýtt hjól árlega!
kv. ^Scahfer^

Fyrra álit

silungur fyrir 22 árum, 7 mánuðum

Já þetta er svolítið erfið ákvörðun ég skil þig alveg. Ég var að skoða ÍR bæklinginn eða hvað sem það var hérna um daginn þar sem öll námskeið fyrir börn og unglinga eru kynnt og vá hvað það var margt þarna spennandi fyrir þessi börn. Ég reyni að gera upp á milli bara svona upp á gamanið til þess að sjá hvað ég sjálf hefði valið og hvað ég myndi velja ef ég ætti barn sem ætti að fara á svona námskeið. Og vitið þið ég var öruglega komin með fimm eða sex atriði ef ekki fleiri sem ég féll fyrir. Svo voru náttúrulega einhver sem maður setti í kannski dálkinn. Ég övunda ekki foreldra sem þurfa að gera þetta í alvörunni því að þetta var bara erfit svona í þikjustunni, hvernig er þetta þá í alvörunni? Svo koma sumarbúðirnar inn í. Á að vera í viku eða tvær, á að fara á ættamót, fara í viku í sumarbústað, hálfan mánuð til útlanda og svo framveigis. Ég held samt að það sé gott fyrir börnin að fara í skólagarða eða á námskeið því að þá fara þau út og eru með öðrum krökkum. Það er nefnilega stundum sem börnin hanga bara ein heima og það er ekkert gaman né holt. En svo kemur líka annað inn í þetta mál og það er kostnaðurinn á þessu öllu saman. En þetta kostar allt sitt svo að ef það eru fleiri en eitt barn þá verður þetta orðið alveg rosalegt fyrirtæki. En einhvers staðar verða þessi börn að vera og því miður þá geta allir foreldrar ekki fengið sumarfrí með börnum sínum.

Fyrra álit

lhg fyrir 22 árum, 7 mánuðum

Já, þetta er rosalega dýrt ef fólk ætlar að senda börnin sín í allt. Þetta þarf náttúrulega líka að fara eftir áhugasviði barnanna hvort þau t.d. fara í íþróttaskóla eða skólagarða eða hvað en oft er þetta líka bara pössun meðan foreldrarnir eru að vinna.

Fyrra álit

silungur fyrir 22 árum, 7 mánuðum

Já ég veit bara að frændur mínir (tveir bræður) fóru í Vatnaskó fyrir tveimur árum og núna ætlar annar (sá yngri) að fara aftur og ég man ekki hvað það hefur hækkað mikið verðið síðan þá og þá var það ekki gefins að fara í Vatnaskó. Er ekki fræðilegur möguleiki að þessi barna- og unglingastörf yfir sumarið kosti minna?

Fyrra álit

lhg fyrir 22 árum, 7 mánuðum

Ég held að þetta sé samt sem áður styrkt af sveitarfélögunum, alla vega það sem er á þeirra vegum og t.d. fótboltaskóli sem er á vegum íþróttafélags er það óbeint líka þar sem ÍTR styrkir félagið og borgin styrkir ÍTR. Þetta er bara dýrt og þá eru líka komin skil á milli barna sem geta farið í svona og hinna sem geta ekki. Samt eru t.d. skólagarðarnir ódýrir og líklega smíðavellirnar líka þó ég viti það ekki. Hin námskeiðin kannski 10 þús kall stykkið eða eitthvað fyrir hverjar 2 vikur. Kostar ansi mikið ef það á að fylla allt sumarið.

Sumarbúðir eru síðan rándýrar, t.d. skáta kosta 15-20 þús í 3-4 daga. Vatnaskógur/Vindáshlíð er heil vika og kostar 20-22 þús kall. Greinilega fullt af fólki sem hefur ekki efni á þessu.

Fyrra álit

silungur fyrir 22 árum, 7 mánuðum

Já ég held að smíðavellirnir séu ekki eins dýrir og hitt. Ég veit ekki hvernig skólagörðunum er háttað hér í Reykjavík en þegar að litli bróðir minn var í svona skólagörðum úti á landi þá var það ókeypis fyrir börnin. Þetta er náttúrulega fyrir einhverjum árum síðan en samt þetta var ókeypis. Það hefur mjög líklega hækkað eitthvað hér fyrir sunnan eins og allt hefur gert.

Svo eru þessar sumarbúðir allt of dýrar finnst mér að minsta kosti. Að borga 22-23 túsund með hverju barni þá er bara verið að tala um eina viku í Vatnaskó eða Vindárshlíð. Hvernig á fólk að geta sent börnin sín þangað? Ég er bara að tala um venjulegt fólk núna. Ég meina þetta er sumarfríið og þá fara fjölskyldur oft að gera eitthvað saman eins og að fara í útilegur og sumarbústaði. Svo ef barnið hefur verið á fótboltanámskeiði hjá TBR, síðan skroppið í sumarbúðir í eina viku, farið svo á leikjanámskeið hvað kostar þetta þá? Núna er sumarfríið ekki búið það er kannski rétt svo búinn einn mánuður eða eitthvað.

Fyrra álit

lhg fyrir 22 árum, 7 mánuðum

Ég fann eitthvað á netinu um að skólagarðarnir væru 2000 kall núna. Ætti varla að stoppa neinn + krakkarnir koma heim með fullt af mat í búið.

Hvað meinarðu að sumarfríið er ekki búið? Er það nokkuð einu sinni byrjað? Kannski hjá framhaldsskólunum en ekki litlu krökkunum. Sumarfríið hjá þeim er svona 11 vikur. Foreldrarnir fá 5 vikna sumarfrí þannig að þá eru 6 eftir, þ.e. ef fólk þarf að nota þetta sem gæslu.

Ef fólk sendir krakkana sína á 3 námskeið sem eru öll 2 vikur, þá erum við að tala um 25-40 þús. kall í allt. Ef krakkarnir eru aðeins eldri og getur verið treyst til að koma heim sjálfir í hádeginu er hægt að gera þetta ódýrara með því að senda þá í skólagarða eða smíðavöll eða láta þá bara gera það sem þeir vilja. Samt hlýtur ekki að vera gaman að vera krakki og hafa ekkert að gera ef allir vinir þínir eru á hinum og þessum námskeiðum. Svo eru íþróttir á veturna, sumir krakkar vilja æfa fleiri en eina eða eru alltaf að hætta og byrja í nýju. Tónlistarskóli er síðan það lang dýrasta, held hann kosti 45 þús kall á önn.

Fyrra álit

silungur fyrir 22 árum, 7 mánuðum

Ég átti bara við að þegar að ef maður er með eitt barn sem fer fyrst á eitt námskeið (gerði ráð fyrir því að það tæki eina viku), færi svo í sumarbúðir í aðra viku og svo á annað námskeið (sem ég gerði ráð fyrir að tæki aðra viku). Þá eru búnar þrjár vikur af sumarfríinu. En þar sem þú segir að þessi námskeið taka tvær vikur þá eru það greinilega fimm vikur sem eru búnar en þá eru ennþá vikur eftir af sumarfrínu. Kannski eru það vikurnar sem foreldrarnir eru í fríi og ætluðu að nota fyrir ferðalög hver veit en þá er allt það sem barnið gerði áður búið að kosta svo mikið að það er ekki hægt að gera eins mikið samna. En það þarf ekkert að vera rétt hjá mér, þetta var bara svona smá pæling hjá mér.

Skólagarðarnir eru náttúrulega mjög góðir þá eru börnin úti og koma heim með grænmeti eins og þú sagðir. Þetta er heldur ekki eins dýrt eins og hitt.

Fyrra álit

lhg fyrir 22 árum, 7 mánuðum

Það eru ábyggilega til vikunámsskeið líka en ég held að hin séu algengari. Kona sem ég var að vinna með síðasta sumar setti krakkana sína á 2 námskeið, 4 vikur samtals. Svo tók hún 2 vikur í frí og svo maðurinn hennar 2 vikur í frí. Þá voru komnar 8 vikur og 3 vikur eftir af sumarfríinu barnanna og þeirra þannig að þá tóku þau öll frí saman restina. Hins vegar var maður sem ég var að vinna með, þau gátu ekki sent börnin á námskeið og þurftu eiginlega að taka allt fríið sitt í sitt hvoru lagi til að skiptast á að vera heima.

Fyrra álit

silungur fyrir 22 árum, 7 mánuðum

Já það er öruglega líka til í dæminu. Ég meina þessi námskeið eru náttúrulega aldursskipt eitthvað og námskeiðin fyrir yngstu börnin eru vænntalega ekki nógu mörg. Annars veit ég það ekki svo ég ætla ekki að fullyrða neitt.

Það er sniðugt að skipta sumarfríinu svona eins og þú talaðir um. Þá fer fjölskyldan saman í sumarfrí og líka svona að hluta til.

Fyrra álit

PiCatChyou fyrir 22 árum, 7 mánuðum

Ég ætla taka mér frí úr vinnunni frá miðjum júní ca og þangað til skólinn byrjar hjá stelpunni aftur, seinni partinn í ágúst. Ég er búin að hugsa þetta í allan vetur að ég get alveg eins tekið mér frí og passað hana sjálf og við gert ýmislegt sniðugt saman í sumar eins og að borga einhverjum öðrum morðfé fyrir að gera það meðan ég þræla mér út til að borga viðkomandi :) Þegar ég var barn þá bjó ég í sveit og það var yndislegt og þá var sumarfrí frá maí byrjun og þangað til seinnipartinn í september og maður fann alltaf nóg að dunda sér við í sveitinni. Ég á systur sem býr í sveit og dóttir mín á ömmu sem er nýflutt í sveit, þannig við höngum örugglega mikið í sveitinni í sumar. Það verður ljúft.

Með kveðju PiCatChyou

——————————

Fyrra álit

Hadrianus fyrir 22 árum, 7 mánuðum

Ég er einmitt í sumarfríi í mánuð, eða þann tíma sem leikskólinn er lokaður, og þetta verður þá fyrsta sumarið síðan '98 sem ég fer í sumar frí, samt er ég búinn að vera í fullu starfi seinustu tvö árin (Nennti ekki í sumarfrí seinasta sumar)
Ég er búinn að ákveða það að gera eitthvað af því sem maður gerði þegar maður var yngri, vera meira úti. Mér hefur alltaf langað að hjóla eitthvert út í buskann með bakpoka og tjald, en læt mér eflaust nægja að hjóla til hveragerðis. En bestu minningar lífs mínns eru einmitt bundnar við sumarið og þessa þrjá mánuði sem maður fékk í ótakmarkað frelsi (Nema maður fór í fótbolta og sumarbúðir) En það var samt sem áður frelsi.

p.s
Er búinn að eiga hjólið mitt, og er enn í notkun síðan 1995 og það virkar enn :) nema kannski 12-18 gír, nenni ekki að laga það.

Fyrra álit

EdalLogi fyrir 22 árum, 7 mánuðum

Ég er nú bara í nýliða hópnum ekki mikil reynsla komin í mömmuhlutverkinu.

Mér þótti samt nokkurð góð greinin þín, því ég spái oft í hvað það sé orðið dýrt að eiga börn. Var þetta líka svona fyrir 20 árum síðan??

Mamma vann heima og því vorum við systurnar bara heimavið að dúlla okkur með vinkonunum. Sportið var að fá að vera úti á kvöldin, sofa út á morgnana og slæpast :)

Nú eins og þú sagðir eru foreldrar í vandræðum með börnin sín sem eru í sumarfríi í tvo mánuði á meðan foreldrarnir eru etv. ekki nema 4 vikur.

Ég vinn með grunnskólabörnum og heyri hjá þeim að mörgum kvíðir dálítið fyrir öllu þessu stússi yfir sumarið. Dáltið svona eins og þau séu að hendast hingað og þangað??

Enn eins og ég sagði þá er ég í nýliðahópnum og hef enga reynslu í þessu enn…..tíminn er samt fljótur að líða og bráðum verður þetta enn einn hausverkurinn.

Skógarkettir.tk

Fyrra álit

lhg fyrir 22 árum, 7 mánuðum

Fyrir 20 árum síðan var það ennþá mjög algengt að konur væru heimavinnandi og maður gat bara leikið sér úti sjálfur og komið inn og fengið brauðsneið og mjólkurglas eða fengið plástur ef það var eitthvað. Ég man ekki til þess að krakkar hafi þá almennt verið á leikjanámskeiðum eða í pössun þar sem það þurfti ekki en það var hægt að fara í skólagarða, reiðskóla og siglinganámskeið sem var kannski 2-3 tíma á dag í 2 vikur og það var ekki eins og allir krakkar færu á eitt eða fleiri svoleiðis námskeið á hverju sumri, kannski frekar að einn krakkinn fengi að fara á eitt námskeið eitt árið og annar af krökkunum næsta ár til að spara pening, enda áttu flestir fleiri en 2 krakka, annað en er í dag. Sumir fóru samt í Vatnaskóg í eina viku og þá aftur ekki á hverju ári. Sumir fóru síðan alltaf í sveit.

Fyrra álit

Börnin okkar

Börnin okkar

Ofurhugar

Stjórnendur

Hverjir eru inni

Greinar

sumarið 2002 hjá skólabörnum

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi