Ég held nú að grindarlos og grindargliðnun séu bara tvö heiti á sama hlutnum.

Vinkona mín fór á svona B-vítamín kúr sem ljósmóðirin hennar setti upp fyrir hana, einmitt vegna verkja sökum grindargliðnunar. Þetta virkaði allavegana mjög vel á hana. B-vítamín er vatnsleysanlegt vítamín, svo umframmagn skolast bara út með þvagi (svo lengi sem nýrnastarfsemin er alveg í lagi). Allavegana þarf maður að taka ansi stóran skammt á skömmum tíma til að það valdi einhverri eitrun.

En allavegana hjá vinkonu minni var kúrinn svona:

Hún var að taka Tíamín, piridoxin (B1 og B6) og C-vítamín, sem mér skilst að sé til saman í töflum sem heita Ein á dag.

Fyrstu tvær vikurnar átti hún að taka 160 mg, eða 2 x 8 töflur daglega. Síðan 2 x 6 töflur daglega í tvær vikur og svo 2 x 4 töflur daglega í tvær vikur. Hún var ekki alveg viss hvort það ætti síðan að minnka þetta í 2 x 2 töflur og svo famvegis, eða bara hætta. Skal láta ykkur vita ef ég kemst að því. Allavegana minnkaði hún ekki í 2 x 2 heldur fór bara að taka venjulega skammta eftir það (þ.e. það sem er ráðlagt á boxinu).

Þetta allavegana virkaði mjög vel fyrir hana.

Hvað gerir B-vítamín nákvæmlega og er hættulaust að taka aukalega af því á meðgöngu ? hvað verður um aukaforðan ?

Ég kíkti á doktor.is og þetta var það eina sem ég fann: Ef þú borðar að staðaldri hollan mat þá er mjög ólíklegt að þú sért að nýta B-vítamínið sem þú tekur í töfluformi. B- og C-vítamín eru vatnsleysanleg vítamín og eitrunareinkenni sjaldgæf. Þó hefur neysla 50-500 mg/dag af B6-vítamíni í langan tíma leitt til taugaskemmda hjá konum og mögulegt er að fólasín geti dregið úr frásogi (upptöku í þörmunum) á sínki.
Ég mundi vilja fá að vita meira áður en ég færi að gleypa auka B-vítamín á meðgöngu!

Kv. EstHe

Grindargliðnun er reyndar ekki tengd áunnum stoðkerfisvandamálum svo sem ofálagi, það er nefninlega málið. Konur í mjög góðu formi geta allt eins fengið grindargliðnun eins og aðrar. Vegna hormónaáhrifa á meðgöngu slaknar á öllum vöðvafestingum og liðböndum, en þetta er til að auðvelda hreyfanleika grindarinnar þegar barnið fer þar í gegn. Hjá sumum konum verður þetta einhvernvegin of mikið á meðgöngu og afleiðingin verður grindargliðnun. Ástæðan fyrir því afhverju þetta gerist hjá sumum en öðrum ekki er ekki þekkt. Ofálag getur að sjálfsögðu gert þetta verra, en ofálag og fyrri meðgöngur hafa lítið um það að segja hvort kona fái grindargliðnun eða ekki.

Ekki hef ég hugmynd um hvernig þetta B vítamín á að virka og ég efast um að ég sjálf myndi taka svona skammta á meðgöngu einmitt vegna þess að þetta hefur svo lítið verið rannsakað. Að vísu er mjög svo hæpið að einhver eitrun verði af völdum B vítamíns þar sem þau eru öll vatnsleysanleg. B vítamín er yfirleitt alveg nóg í þeirri fæðu sem við neytum, en á meðgöngu er erfitt að fullnægja þörfum um Fólínsýru og því er konum ráðlagt að taka hana aukalega. Járn er einnig oft ráðlagt að taka aukalega þar sem fóstrið gengur mjög á járnbirgðir móðurinnar, en járn er auðvitað ekki B vítamín. Járnskortur leiðir aðallega til skorts á blóðrauða sem aftur getur valdið einkennum eins og svima, þreytu og höfuðverkjum.

Þessi B vítamínkúr virðist samt sem áður virka á sumar konur, hvers vegna veit ég ekki.