Innilega til hamingju með þetta :)

Það sem þú getur gert á meðgöngunni er að taka fjölvítamín sem inniheldur 400 míkrógrömm af fólínsýru, en það er skammturinn af fólínsýru sem er ráðlagt að ófrískar konur taki. Fólínsýra er nauðsynleg fyrir frumuskiptinguna og inntaka hennar minnkar líkur á að barnið fái galla eins og klofinn hrygg t.d.

Nú svo er bara að reyna að borða hollan mat, drekka vel af vatni og minna af sætindum. Hlustaðu á líkama þinn, hreyfðu þig í hófi en ekki ofgera þér og hvíldu þig ef þú ert þreytt.

Nú svo er auðvitað um að gera að forðast reykingar og áfengi. Annars skaltu passa þig að falla ekki í þá gryfju að breyta öllu í kringum þig, þungun er ekki sjúkdómur og maður þarf ekki að umturna öllu. Vertu bara áfram þú sjálf.

Það sem er ekki talið gott á meðgöngu er að meðhöndla kattasand þar sem í kattaskít geta verið sníklar sem eru skaðlegir fyrir fóstrið. Það er allt í lagi að umgangast ketti, en þvoðu þér bara vel um hendur á eftir. Ef þú átt kött þá geturu bara umgengist hann eins og venjulega, fyrir utan að sleppa því að þrífa sandkassann.

Einnig ættu ófrískar konur að varast að borða illa soðið kjöt eða grænmeti sem ekki hefur verið skolað, þar sem sömu sníklar geta leynst þar.

Mygluostar, s.s. camembert og þannig, er mælt með að forðast þar sem í þeim getur verið baktería sem heitir Listeria og getur valdið fósturskaða og fósturláti. Reyndar er meðhöndlun matvæla hér á Íslandi mjög góð og mjög litlar líkur á að þessi baktería leynist í ostunum hér.

Það er ekki talið æskilegt að fara í heita potta, heit böð eða gufubað, þar sem mikill hiti getur verið skaðlegur fyrir fóstrið. Ef þú verður lasin og færð hita þá er betra að taka panodil eða parkódín til að lækka hann.

Annars ættu ófrsískar konur ekki að taka nein lyf nema í samráði við lækni eða ljósmóður. Panodil eða parkódín einstaka sinnum á meðgöngunni gerir engan skaða, en t.d. alls ekki taka Íbúfen eða önnur bólgueyðandi lyf.

Mesta hættan á fósturskaða og fósturláti er fyrstu 3 mánuðina og þá er mikilvægast að passa það sem maður gerir og lætur ofan í sig.

Annars skal ég nú viðurkenna að þó ég sé voða dugleg að predika svona um hvað sé æsklegt og hvað ekki þá er ég ekkert allt of dugleg að fara eftir mörgu af þessu sjálf. Mitt mottó er bara, allt er gott í hófi og láttu þér líða vel :) Sumt náttúrulega dettur manni ekki í hug að gera, eins og að drekka áfengi, en ég hef nú stolist í ostana og ekki hef ég verið dugleg að taka vítamínin mín (ehemm). Annars er ég komin tæpar 32 vikur á leið með mitt þriðja barn, á að eiga 11 maí og hlakka mikið til. Njóttu bara meðgöngunnar, þetta er skemmtilegur og yndislegur tími (sem er farinn að verða alveg nógu langur akkurat núna fyrir mig hehehe :)

Kveðja,
GlingGlo

Innilega til hamingju

gaman að sjá að það er til fólk sem finnst það jákvætt að verða ólétt eða eignast barn. ég var alin upp þannig að það versta sem ég gæti gert væri að barna konu. það vakti samt athygli mina að það tók svona langan tíma að búa til barnið. og ef ég miða aftur við mitt uppeldi þá fannst manni að það væri nóg að anda á stelpu þá yrði hún ólétt.

svo kemur upp í hugann að ég sá krotað á vegg niður í bæ , og þar stóð “við erum öll slysabörn” sem er ekkert voðalega jákvætt :)

Hey til hamingju ;* Það er engu hægt að bæta við þetta hjá GlingGlo, annað en bara hamingjuóskum…

Kv. EstHer
p.s þetta endalausa smábarnatal bæði hér og á femin.is kitlar löngunina í annað, tíhí nokkuð sem ég átti ekki von á fyrir tæpum 6.mánuðum þegar ég átti strákinn, æi en þetta er svo yndislegt :)

Hjartanlega til hamingju með óléttuna,það eru yndiselgir tímar framundan hjá þer!! Sjálf á ég eina 6 mánaða og er þetta það yndislegasta og það fallegasta sem ég hef skapað.

til hamingju!!
við erum nokkrar með svona bumbuklúbb þar sem við kjöftum og fáum og gefum ráð. Erum allar í svipuðum sporum, þ.e.a.s. óléttar…. og auðvitað er rosa gaman hjá okkur. Endilega láttu sjá þig þar, slóðin er http://groups.yahoo.com/group/storarbumbur/
og ég vonast til að sjá þig þarna.

til hamingju með það :)

til hamingju:)
Þetta er það besta sem til er ég á sjálf einn 6 og 1/2 mánaða og ég skil ekki hvernig ég gat lifað án hans
Farðu vel með þig

Innilegar hamingjuóskir með óléttuna :)

Þetta eru yndislegustu fréttir sem maður heyrir.

Ég skil af eigin reynslu hvernig það getur tekið á sálartetrið að vera að reyna að eignast barn í langan tíma. Við hjónin vorum búin að vera að reyna í tæp 2 ár, hrikalega tók það á. Læknar söguðu að það væri ekkert að hjá okkur, bara að við hugsuðum of mikið um þetta og ættum að hætta því!! haha… Já, einmitt, eins og maður geri það bara einn tveir og þrír!! :)

En svo komu upp aðstæður þar sem ég sökkti mér í og hafði ekki tíma til að hugsa um að verða ófrísk, og þá tókst það.

Núna eigum við strák sem varð 3 ára í janúar s.l. og eigum von á öðru í lok ágúst og við erum í skýjunum yfir þessu. Það eru svo mikil forréttindi að ganga með barn, þvílíkt kraftaverk.

Eins og 7 ára sonur mágkonu minnar sagði : “Þetta er gjöf frá Guði”! :)
Það fékk mann sko að fá tár í augun :)

Vonandi gengur allt rosalega vel hjá ykkur tilvonandi foreldrum!

Ég vil benda þér á eitt, endilega spyrja sem mest hér á Börnin okkar, því að maður fær mörg og góð svör, þá er sérstaklega gott að vita af því að GlingGlo er hjúkka og þegar hún er að tala um þessa hluti, þá er hún að tala um hluti sem hún menntuð í og veit hvað hún talar um alveg 100%, eða það finnst mér alla vegna.

En þannig er það nú líka með flesta foreldra sem tjá sig um hin ýmsu mál hér. Yfirleitt eru þetta góð svör og reynist manni vel í uppeldi og fræðslu.

Enn og aftur til hamingju með litla ljósið ykkar :)

kveðja
honeybun

Vá…. til hamingju! Njóttu vel og hafðu gaman af þessu, ég er líka sammála Glingló að þetta er ekki sjúkdómur…. eða eins og ég benti oft fólki á þegar ég var ólétt, ég er bara ófrísk en ekki fötluð! Þetta er æðislega gaman (nema seinasti mán. þá er maður orðinn ansi óþolinmóð)

!!!!!!TIL HAMINGJU!!!!!!!

svo verður þú að segja hvort það er strákur eða stelpa.. c"j)