fyrir 20 árum var ég í skóla í Grænhöfðaeyjum og þar var það alveg eðlilegt að nota líkamslegt ofbeldi ef þú lærðir ekki heima, og fyrir hverja stafsetnigarvillu þá fékkst þú eitt högg með spítu á hendina, svo notaði kennarinn líka leðuról til að slá krakkana í lærin.
ég var alveg gáttaður þegar ég sá þetta (var 9ára)
en sem betur fer þá var þeim bannað að snerta mig.
en svo þegar ég kom aftur heim 3 árum seinna þá voru að minsta kosti 2 kennara sem notuðu líkamslegt og andlegt ofbeldi til að fá krakkana til að gera það sem áttu að gera.

þannig að þetta er ekki bara erlendis, ég veit um mörg dæmi þar sem bæði kennarar og foreldrar nota líkamslegt ofbeldi til að aga krakkana.

en sem betur fer er þetta að batna!

Takk takk

Malki

Þetta er mjög góður punktur hjá þér gmaria. Hvað getum við gert til að fræða þetta fólk um að aðrar uppeldisaðferðir komi til greina og virki mun betur á börnin, sérstaklega þegar til lengri tíma er litið?

Að sjálfsögðu er ekki bara fólk af erlendum uppruna sem refsar börnunum sínum líkamlega, en málið er að í þeirra samfélagi er það viðurkennt og er því ekki rangt. Þetta fólk vantar því fræðslu. Íslendingar sem lemja börnin sín eiga að vita að þeir eru að gera rangt þar sem það tíðkast ekki almennt.

Að sjálfsögðu á þetta ekki að viðgangast og því verður einhver að grípa inní. Væri kannski hægt að hafa einhverja fræðslu um uppeldi á leikskólum og í skólum?

Það er líka rétt að það getur ekki haft góð áhrif á okkar börn ef þau verða vitni að svona. Ég persónulega mundi nú bara aldrei leyfa barninu mínu að fara í hemsókn til vinar sem mig grunaði að væri alltaf refsað með einhverjum líkamsmeiðingum.

Kveðja,
Akroklem

Það eru ekki svo ýkja margir áratugir síðan það tíðkaðist og þótti sjálfsagt að veita börnum áminningu með smá “ofbeldi”. Man sjálfur vel eftir því að hafa verið rassskelltur og er ég þó fæddur á 9.áratugnum !!
Enn tíðkast þetta í mörgum menningarsamfélögum t.d. USA. Þið munið kannski eftir “60 minutes” þættinum þar sem rætt var við “Samtök fólks sem vill fá að berja krakkana sína”. Þetta var fólk sem var hætt að senda krakkana sína í skólann í mótmælaskyni vegna þess að þau máttu ekki leggja hendur á börnin sín.
Bara að benda á það að þessir innflytjendur sem berja krakkana sína geta komið úr vestri, norðri, austri og bara hvaðan sem er.

Persónulega finnst mér að Íslendingar ættu að taka sig sjálfa í naflaskoðun og gá hvort að við séum virkilega svona siðferðislega þróað samfélag og laust við alla galla að við ættum að að hafa fyrst áhyggjur af því hvort að nokkrir innfluttir Íslendingar leggji hendur á börn sín eður ei.
Það er svo mikil tvífeldni í því að segja við nýja meðlimi samfélags “þú mátt ekki beita ofbeldi” og síðan er samfélagið sjálft uppfullt af ofbeldisfullum einstaklingum.
Gott dæmi eru útihátíðir. Þegar yfir nokkur hundruð Íslendingar safnast saman á einn stað og vín er haft um hönd, þá má maður heita heppinn ef maður sleppur við pústra eða áreiti af einhvers konar tagi. Ekki hefur þetta vandamál verið mikið rætt. Svona hegðun þekkist bara ekki annars staðar (ok svolítið gróf alhæfing en alla vega mín reynsla). Af hverju hefur samfélag okkar alið af sér svona marga einstaklinga sem fara á algjört powertrip og fá ofbeldisfulla útrás þegar þeir drekka áfengi ?

Svo finns mér líka skrýtið af hverju einu málin sem eru í “deiglunni” á Íslandi eru um það hvernig innflytjendur haga sér ??