Ég er alveg sammála. Astmi og ofnæmi kemur vegna þess að ónæmiskerfið verður ofvirkt og fer að berjast við hluti sem eru ekki hættulegir. Látum ónæmiskerfið bara frekar hafa eitthvað almennilegt að gera :)

Annars virðist þetta líka vera ættgengt. Ég var að taka þátt í rannsókn á ofnæmi um daginn og fattaði það allt í einu að það eru eiginlega allir í fjölskyldunni minni með eitthvað ofnæmi eða eiga börn sem eru með ofnæmi.

Ég gæti ekki verið meira sammála! Það er þessi $%&%$$% ofþrifnaður og sótthreinsun sem er að gera mannkynið að aumingjum. Það liggur við að ég sparki í sjónvarpið á hverju kvöldi (ég er frekar skapstór!) þegar hver auglýsingin á fætur annarri birtist á skjánum, bakteríudrepandi þvottaduft, bakteríudrepandi hreinsilögur o.s.frv. o.s.frv…
Til dæmis auglýsingin þar sem barn í ótrúlega væmnum kanínubúningi, eða hvað sem það er, skríður um íbúðina og foreldrarnir stökkva á fætur hvað eftir annað, vopnuð spreybrúsa með sótthreinsandi úða, vegna þess að þau eru með hund á heimilinu sem náttúrulega getur valdið bakteríusmiti (eftir þeirra bókum).
Bara svo ég nefni dæmi úr raunveruleikanum, það erum ég og systir mín sem erum sögupersónurnar.
Við erum mjög ólíkar, hún hefur alla tíð verið með ryksuguna í eftirdragi og tuskuna á lofti, en ég herði mig hins vegar upp í það að þrífa þegar þörf er á. Hún á tvö börn sem hafa verið ótrúlega kvefsækin, hún reyndar líka sjálf, og þegar þau hafa reynt að fá sér gæludýr endar alltaf með því að þau verða að láta þau frá sér vegna ofnæmis.
Ég á þrjú börn sem eru mjög hraust. Við höfum haft alveg ótölulegan fjölda af gæludýrum, ketti, kanínur, hamstra, mýs, páfagauka,….. og við höfum misst þau frá okkur, ekki vegna ofnæmis, heldur hafa þau dáið úr elli eða orðið veik. Reyndar voru tveir kettir drepnir fyrir okkur af einhverjum brjáluðum dýrahatara fyrir tveimur árum. Jæja, hvað um það, ég var að tala um ofnæmi.
Ég veit að mörgum finnst ég löt og sóðaleg húsmóðir, en ég er ekki tilbúin að samþykkja þá skoðun. Til hvers í ósköpunum að eltast allan liðlangann daginn við ósýnilegt ryk og ímyndaðar bakteríur? Það er ótrúlega leiðinlegt að þrífa eitthvað sem er tandurhreint fyrir, ég vil sjá einhvern árangur af verkinu. Ég er að sjálfsögðu ekki fylgjandi því að leyfa börnum að skríða um á grútskítugum gólfum og borða upp úr kattar- eða hundadöllum. Ég kæri mig heldur ekki um að börn séu að hakka í sig sand úr sandkössum þar sem vitað er að mikið sé um að kettir séu að gera stykkin sín í. En mín börn hafa öll verið mikið úti um æfina og þegar þau voru lítil fannst þeim voða gaman að bryðja sand svo mamma fengi gæsahúð!Grín! Svo er annað, sem ekki tengist sótthreinsun, það er þegar börnin fá ekki að vera börn og leika sér í friði. Til dæmis sá ég hjá systur minni og fleirum að krakkagreyin voru búin að raða upp fullt af dóti í leik og voru að fara að byrja, þá var bara: Gera svo vel að taka upp þetta drasl og reyna að láta herbergið líta út eins og mannabústað! Ég á bágt með að missa ekki stjórn á mér og fara að predika yfir þessum mömmum. Svo þegar krakkarnir fara út, þá má ekki skíta út fötin, eins og það sé ekki búið að finna upp þvottavélar, og nóg er nú af vatninu!
Ekki misskilja mig, mér er ekkert uppsigað við þessa systur mína, hún er yndisleg, mun betri manneskja en ég, en við höfum bara ekki sömu skoðanir á þessum hlutum. Það er ýmislegt sem ég þarf að laga í mínu uppeldi á börnunum, t.d. er oft eins og þau stjórni mér en ekki öfugt, þótt ég sé skapmikil, þá á ég erfitt með að skipa öðrum fyrir verkum. OK nóg um það.
Mér finnst gamla máltækið, “Á misjöfnu þrífast börnin best” alltaf í fullu gildi. Eruð þið ekki sammála?
Ég gæti setið og skrifað endalaust, ég elska að skiptast á skoðunum við fólk, sérstaklega á þennan hátt, að skrifa.
Blessjú rebsig

sammála! ef börn eru geðveikt vernduð gegn öllu sem reynir eitthvað á ónæmiskerfið þá eru þau bara þeim mun veikari fyrir öllum hlutum! og það er bara verra því þá eru þau kannski bara fárveik ef þau fá smá kvef….

kanski ekki samt að leyfa þeim að éta sand sko.. kettir miga í þetta ;)

Ég er ein af þessum mömmum sem að verð að sótthreinsa svolítið.
Ég á 10 mánaða dóttur sem að á pabba sem að er með alskonar ofnæmi.
Mér var ráðlagt að reyna að halda heimilinu sem mest rykfríu, ef að börn verða fyrir sem mynstu rykmaura áreyti fyrir 1 1/2 árs aldur eru minni líkur á því að þau fái ofnæmi.
Það eru nefnilega ekki of mikil þrif sem að hafa valdi þessar aukningu í ofnæmistilfellum, heldur er það breytingar á heimilunum.
Aukin hiti í íbúðarhúsnæði hefur valdið því að loftið er með miklu lægra rakastigi, sem að veldur því að rykið og aðrir hlutir þyrlast miklu meira upp í loftið, og það veldur því að áreytið á öndunarfærin er miklu meira.
Líkaminn tekur við þessu áreiti og ef að honum finnst of mikið um þá getur orðið úr ofnæmi.
Það er stór miskilningur að ofnæmi sé eitthvað sem að sem að fólk geti harkað af sér.
Því meira af ofnæmisköstum sem að fólk fær því verra verður ofnæmið.
Það er svo sannarlega rétt aftur á móti að börn sem að eru ekki með ofnæmi eða eru ekki í áhættuhóp ættu svo sannarlega fá að vera börn og leika sér.
Skítt með hreinlætis og ofnæmisspurningar, það er gaman að éta sand og dýr eru meira en æði.
En mér finnst það fáránlegt að fólk lætur eins og ég sé fáviti af því að ég leifi barninu mínu ekki að borða hnetur, fisk,egg eða mjólkurvörur (nema í litlu magni svona spari).
Þetta geri ég að ráði ofnæmisfræðings, og mun gera þar til að hún verður 18 mánaða, þá er hún komin úr mestu hættunni.
Það hefur virkilega pirrað mig hvað fólk er tilbúið til að ráðast á mig fyrir að gera það sem að er barninu mínu fyrir bestu.
Og þessi helvítis lumma um það hvað við nú lifðum af þegar að við vorum krakkar.
Það eru því miður bara ekki sömu aðstæður.
Það er meira um aukaefni í matvælum, rotvarnar, litar, sterkju og alskonar lyf og hormónar í kjötinu.
Við notum allt önnur efni til að pakka matnnum inn, plast plast plast, og það skilur eftir efni í matvælunum.
Eins og ér sagði þurrara loft í hýbílum, þvotta efni, sprey til að þrífa með, alskonar drasl sem að við mengum umhverfi okkar með sem að líkamar okkar eru svo sannarlega ekki ánægðir með og þegar að ónæmiskerfið er óþroskað þá getur farið illa.

Test