ég fór í sónar á milli 12-13 viku (bara núna síðast) og það var útaf því að það heyrðist ekki hjartsláttur,en ég spurði nottlega voða mikið( m.a því að Júlli litli á fjölfatlaða hálfsystur )og þá var mér sagt að það væru taldar fellingar í hnakkanum til þess að hægt væri að sjá hvort það væru líkur á barnið væri mongólíti,en læknirinn minn sagði að þetta væri bara gert ef að konur væru í mikilli áhættu eða komnar yfir 35 ára og þá væri tilgangurinn sá að eyða fóstrinu ef að það væri grunur um fötlun og að maður yrði að vera viss um að maður vildi það…ég var frekar hissa og við ákváðum að vera ekki að spá í þessa hluti meir…(það var svo tilviljun að við fórum í sónarinn,eins og ég sagði áðan útaf því að hjartslátturinn heyrðist ekki í venjulegri skoðun.
gangi ykkur vel
kveðja
Harpa

Ég veit ekki hvort það er komin alveg regla á þetta en 12 vikna sónarinn á að vera svona eins konar sía fyrir legvatnsprufurnar. Með því að mæla hnakkaþykkt og út frá aldri móður er hægt að mæla líkur á því að eitthvað sé að hjá fóstrinu og ef líkurnar eru eitthvað visst miklar þá er hægt að senda í legvatnsprufu. Sónarinn hefur nefnilega ekki fósturlátsáhættu í för með sér eins og legvatnsprufurnar. Þar sem aðeins “áhættuhópar” og 35 ára og eldri fara í legvatnsprufu er 12 vikna sónarinn að ég held bara fyrir þann hóp, ennþá. Hins vegar er mikið rætt um og sitt sýnist hverjum að bjóða öllum konum upp á þetta. Þeir sem eru á móti spyrja hvort það sé kerfisbundið verið að eyða öllum gölluðum fóstrum eins og Downs syndrome börnum en þeir sem eru með segja að þetta sé valkostur foreldra og komi í veg fyrir áhættusamari aðgerð sem legvatnsprufa er.
Hafa verður í huga að foreldrar eru aldrei þvingaðir í slíkar prufur, það á alltaf að vera val foreldra hvort þeir vilja fara í slíkt og í raun ættu þeir að vera búnir að gera upp við sig hvað þeir vilja gera ef eitthvað óeðlilegt kemur í ljós.
En sem sagt til að gera langt mál stutt :) þá held ég að snemmsónarinn sé enn bara fyrir sömu hópa og fara í legvatnsprufur, hann bara fækkar legvatnsprufunum.

Hvað með þrívíddarsónarinn? Þetta er tækni sem býðst m.a. í Bretlandi en það eru bara einkastofur (væntanlega dýrar) sem eru með þetta. Með þessari tækni er hægt að sjá þrívíddarmynd af barninu. Þá sér maður alla útlimi betur og að ég tali nú ekki um andlitið (eða öllu heldur andlitsdrætti). Myndin er náttúrulega óskýr en samt mun skýrari en sónarmynd.

Hvenær ætli svona tæki komi til landsins?

Ég er komin 37 vikur og búin að fara þrisvar í sónar, fyrst í 12 viku, 19. viku og svo 36. viku. Þessi í 12. viku var einmitt vegna þess að ég hafði verið á lyfjum rétt í blábyrjun meðgöngunnar og það var bara verið að ganga í skugga um hvort að allt væri örugglega ekki í lagi… sem jú reyndist vera :) 19. viku sónarinn var svo bara þessi venjulegi. En núna þegar að ég fór fyrir viku var verið að athuga stærðina á barninu og þá sérstaklega þar sem ég hafði bara þyngst um 4 kíló og læknirinn vildi vera viss um að barnið væri að vaxa vel sem jú það er að gera :)
Mér var sagt að það væri rosalega misjafnt eftir ljósu/lækni hvort að kona fara í snemmsónar en yfirleitt er einhver ástæða sem liggur að baki. Hnakkaþykkt er mæld til að útiloka downs syndrome.

Snemmsónar (12 vikna sónar) er líka oft til þess að ath. hve langt kona er komin á meðgöngu. Þegar ég var ófrísk var ég ekki klár á því hve langt ég var komin því ég hef alltaf verið frekar óregluleg hvað blæðingar varðar. Þar af leiðandi var ég send í Snemmsónar og þar var fóstrið mælt í bak og fyrir og ég sögð vera komin á 10ndu viku.

kv, JettyIS

Ég veit til þess að í Keflavík ferðu miklu oftar í sónar heldur en í bænum. Ég veit um eina sem vara alltaf í sónar þó svo að það hafi verið allt í lagi. Meðal annars 12 vikna og 37 vikna. Ég held að það sé allavega oftar sem þú fer í sónar í Kef heldur en í bænum. Það er eins og þú farir ekki í sónar nema það sé eitthvað mikið að eða eitthvað álíka

kveðja
palinas

Ég hef nú aldrei farið í sónar , hvernig er það ??
Sér maður eitthvað ???
Hvenær ferðu næst í sónar ??? Hvað vonaru að það verði ??? Strákur eða Stelpa ??? Hvað heitir pabbinn ?? Eruði skilin ?? Ertu kvíðin ??
Hvenær áttu að fæða ?? Á hvaða spítala ætlaru ?
Ertu með góðan lækni ?

Gangi þér vel

Takk og Bless

Ætli það sé ekki best að ég gamla konan leggi eitthvað til málanna í þessari umræðu. Þar sem eg er komin yfir 35 ára fer ég í 12 vikna sónar. Ég vil ekki fara í legvatnsástungu þar sem þar eru einhverjar auknar líkur á að maður missi fóstrið og ég er þeirrar skoðunar að Guð gefur mér þau börn sem ég á að fá. Vonandi heilbrigð en ég vil ekki láta taka einstakling af því að hann er ekki alveg heilbrigður. Þeir mæla hnakkaspikið og segja manni svo hversu miklar líkur eru á að eitthvað sé að miðað við aldur. Hjá mér þegar ég gekk með strákinn í fyrra þá var mér sagt að líkurnar á að eitthvað væri að væru eins og hjá 28 ára konu. Ég á að fara í sónar núna eftir 11 daga sem er þá 12 vikna sónar. Ég er reyndar komin í dag 11 vikur. En núna þegar maður fer í 12 vikna sónar þá er búið að bæta við einhverri blóðrannsókn sem er send til Englands til rannsóknar. Öryggi hnakka mælingarinnar var og er 70% en með því að fara í þessa blóðprufu líka þá hækkar það í 90%. Þetta er eitthvað nýtt.
Ég sé að við erum á mjög svipuðu róli honeybun :)