girlygirl fyrir 22 árum, 10 mánuðum Fjöldi lestra: 621

Viltu hjálpa þeim?

Margir vita af SOS barnaþorpunum og barnahjálp ABC, en þeir sem ekki vita af því, lesið þetta endilega!

ABC barnahjálp:
Í ABC barnahjálpinni er meira fókusað börn sem eiga foreldra, þetta eru styrkir til náms og læknisþjónustu. Líka er hægt að styrkja ABC til byggingar heimila fyrir munaðarlaus börn.
Hægt er að styrkja:
Barn í Úganda um 500kr á/mán (ríkisskólaganga og læknisaðstoð)
Barn í Úganda um 1000kr á/mán (einkaskólaganga með fæði)
Barn á Filippseyjum um 1100kr á/mán (ríkisskólaganga með fæði)
Barn á Indlandi um 1450kr á/mán (einkaskólaganga með mat og læknisaðstoð)
Barn á Indlandi um 1950kr á/mán (Skólaganga og full framfærsla)
Einnig er hægt að leggja beint inn á reikning ABC í Íslandsbanka nr. 537-26-151 og kaupa t.d. kort og dagtöl á skrifstofu ABC.
ABC Sóltúni 3, 105 Rvk, sími 5616117, fax 5616121, netfang abc@abc.is, veffang www.abc.is

SOS barnaþorpin:
SOS barnaþorpin eru byggð þannig upp að einn umsjónarmaður er yfir öllu, oftast karlmaður, síðan eru “fjölskyldur” ein mamma og eitthvað á bilinu 6-10 börn, blandað af stelpum og strákum. Börnin ganga í skóla með öðrum börnum í grenndinni. Lífið gengur fyrir sig eins og í venjulegum fjölskyldum, hvert hús er með eldhúsi þar sem hver fjölskylda borðar fyrir sig, 2-3 börn eru venjulega saman í herbergi, börnin hafa skyldum að gegna við að hjálpa til, t.d. við þrif, vinna í matjurtargarðinum og eldamennsku. Þegar venjubundið nám er búið fara þau í skóla, sem ræðst þá af hæfileikum þeirra eða óskum.
Hægt er að styrkja SOS á þrjá vegu:
Styrkja eitt barn um 1400kr á/mán sem renna óskert til barnsins
Styrkja eitt þorp um 1000kr á/mán til uppbyggingar og viðhalds
Styrkja sjálf samtökin til að koma upp nýjum þorpum og stækka þau sem fyrir eru. (Það getur verið föst mánaðar greiðsla eða ein greiðsla)
SOS barnaþorp Hamraborg 1, 200 Kópavogur, sími 5642910, fax 5642970, netfang SOS@centrum.is, veffang www.centrum.is/sos

Hjá báðum aðilum fær maður sendar myndir af börnunum ásamt upplýsingum um námsárangur og annað, ef maður styrkir þorp hjá sos fær maður upplýsingar um hvað þeir peningar hafa farið í.

Mér fannst hugi.is vera fullkominn staður til að “auglýsa þetta” og börnin okkar valdi ég því þetta eru “börnin okkar”

Just ask yourself: WWCD!

holmfrg fyrir 22 árum, 10 mánuðum

Þetta er rosalega gott mál. Ég er “mamma” tíu ára stelpu í Hondúras, og það er virkilega góð tilfinning að hjálpa svona til við eitthvað sem skiptir miklu máli, en kostar lítið. Ég hvet ykkur eindregið til að líta á heimasíðu SOS barnaþorpanna og sjá hvort ykkur er ekki fært að gerast styrktarforeldri. Mér finnst ég eiginlega “skulda” öðrum þetta, það eru svo fáir sem hafa það jafn gott og við Íslendingar.

kv. holmfrg.

Fyrra álit

holmfrg fyrir 22 árum, 10 mánuðum

*garg* stundum fer hrikalega í taugarnar á mér þetta besservisserdæmi hérna á huga, fólki er ekki treyst til að setja inn tengla í þessi innlegg - ótrúlegt. En ekki orð um það meir. Heimasíðan er http://www.sos.is. Kíkið á hana!

Fyrra álit

GlingGlo fyrir 22 árum, 10 mánuðum

Maður getur sett inn tengla í grein, en ekki svör við greinum. En svo er hægt að setja inn tengla á korka og svör við þeim.

Annars er þetta fín ábending hjá greinarhöfundi.

Kveðja,

Fyrra álit

EstHerP fyrir 22 árum, 10 mánuðum

Mig langaði aðeins að segja frá minni reynslu af því að styrkja barn hjá ABC, ég ákvað þetta fyrir rúmum 6.árum og skoðaði þá möguleikana sem voru í boði.
Þá eins og núna voru tvær hjálparstofnanir í boði, ABC og SOS. Ég ákvað að styrkja frekar ABC því að hjá þeim eiga börnin bara einn styrktaraðila en hjá SOS á hvert barn nokkra, þetta er kannski eigingirni en mig langaði að vera ein að sjá þessu barni fyrir heimili og menntun.
Í byrjun borgaði ég ca.1100 kr og í dag er það 1950 kr og ég hugsaði þetta alltaf eins og að ég væri að sleppa einni bíóferð með kallinum í mánuði og það hefur ekkert breyst, enda hækkar allt.

Litli strákurinn minn er núna 12.ára og býr á Heimili litlu ljósana, ég fæ bréf og myndir frá honum reglulega og hef sent honum pakka tvisvar á ári, á jólum og afþvi að það er ekki vitað hvenær hann á afmæli þá á afmælisdegi dætra minna.
Starfsmenn ABS mæla með að maður sendir litla hluti sem komast í venjulegt umslag, t.d póstkort, límmiða, ljósmyndir, hárspennur og passa bara senda enginn verðmæti af því að það er öllu svoleiðis stolið um leið þarna úti áður en það kemst til skila, ég ákvað nú samt að taka sénsinn ein jólin og setti hálsmenn (kross) inn í bréfið og límdi vel þannig að það ætti ekki að finnast ef það væri þuklað, mér til mikillar gleði og undrunar þá komst það til skila og ég fékk voðalega fallegt þakklætisbréf. :)

ABC sendir út fréttabréf á 3.mánaða fresti og þar koma allar upplýsingar um hvað er í gangi hjá þeim og þau gefa líka út svakalega falleg jólakort og dagatöl sem að maður hefur val um að kaupa um öll jól, eitt árið gat ég keypt myndband af ferð eins starfsmanns ABC á íslandi til Heimilis litlu ljósana og það var frábært að sjá aðbúnaðinn þarna.

Ég mæli með þessu fyrir alla og lofa að þetta skilur helling eftir hjá manni.

Kv. EstHe

Kv. EstHer

Fyrra álit

ljoninja fyrir 22 árum, 10 mánuðum

Ég prófaði að fara á abc.is af því að ég hef mikinn áhuga á þessu en þar komu upp allt önnur verð. Þar er verð tvöfalt hærra en í greininni. Afhverju er þessi mismunur? Ég hallast nú á að það sé réttara á heimasíðunni.

Bara að benda á það.

:)

Fyrra álit

akroklem fyrir 22 árum, 10 mánuðum

Það eru rétt verðin sem eru á heimasíðunni. Ég er einmitt að styrkja barn á heimili læitlu ljósanna og byrjaði í 1950 krónum. Nokkru seinna hækkaði það í 2500 en ég sagðist ekki getað borgað meira en 2000 á mánuði. Núna er verðið komið uppí 3250 held ég og ég borga enn 2000 því ég hef alls ekki efni á að borga svona mikið á mánuði. Þetta er orðið rosalega dýrt því miður en ástæðan er lágt gengi íslensku krónunnar. Þar sem þessu verð miðast við dollarann hækka þau eðlilega þegar íslenska krónan stendur svona illa gagnvart honum. Vonum að það eigi eftir að breytast. Annars er líka hægt að styrkja hjá þeim börn annarsstaðar í heiminu fyrir minni upphæðir á mánuði, það er dýrast að styrkja barn á Indlandi.

Fyrra álit

EstHerP fyrir 22 árum, 10 mánuðum

akroklem.
Það er mikið rétt að þetta hefur hækkað talsvert og mikið meira en ég gerði mér grein fyrir, en ástæða þess að það er svona mikið dýrara að styrkja barn í Indlandi er trúlega sú að þar er verið að tala um fulla framfærslu líka, hitt er samt örugglega gefandi líka og það munar auðvitað um allt sem fólk treystir sér til að nota í gott málefni.
Og þetta er að sjálfsögðu gott málefni.

Kv. EstHe

Kv. EstHer

Fyrra álit

akroklem fyrir 22 árum, 10 mánuðum

Já nákvæmlega. Það er líka ástæðan fyrir því að ég ákvað að styrjka frekar barn á Indlandi, því það eru börn sem eiga ekkert, eru munaðarlaus og búa alveg inná heimilinu. En þó svo ég hafi ekki efni á að greiða meira en þetta á mánuði (hef varla efni á að greiða þetta, erum nýflutt til útlanda og erum tekjulaus bæði í námi, en fáum vonandi námslán bráðum) þá vildi ég samt alls ekki hætta og hugsaði einmitt sem svo að það hliti að muna um þennan 2000 kall. Öll börnín fá allt sem þau þurfa þó svo þau hafi ekki styrktaraðila, þeir peningar til að borga fyrir þau koma í gegnum aðra styrki á meðan verið er að leita að styrktarforeldrum handa þeim.

En ef maður spáir í þetta þá er 3250 krónur á mánuði alls ekki mikill peningur miðað við að barnið fær fullt fæði, skólagöngu og húsnæði og ummönnun fyrir þennan pening. Það er líka hægt að slá kannski saman 2 fjölskyldur. Þetta er líka voða gott fyrir manns eigin börn því þau læra að það er ekkert sjálfsagt að fá allt sem maður vill og læra að hugsa um aðra en bara sig sjálfan. Þess vegna tel ég þetta einnig mun þroskandi fyrir börn sem hafa vit á ef þau fá að taka fullan þátt í þessu og skrifa t.d. styrktarbarninu bréf og senda því myndir og svona.

Fyrra álit

EstHerP fyrir 22 árum, 10 mánuðum

Já sorry, ég fór og tékkaði á greiðsluseðlunum hjá mér og ég er að borga 3250 kr á mánuði með mínum strák… ákvað bara að þessar upplýsingar í greininni væru réttar.
Svona er þetta þegar maður er með allt í greiðsluþjónustu.

Rétt verð eru því trúlega þessi hjá ABC:
Barn / börn í Úganda - 950 kr./mán. (skólaganga í ríkisskóla og læknisaðstoð)
Barn / börn í Úganda - 1950 kr./mán. (skólaganga í einkaskóla með mat og læknishjálp)
Barn / börn á Filippseyjum - 1950 kr./mán. (skólaganga í ríkisskóla með fæðispeningum)
Barn / börn á Indlandi - 2750 kr./mán. (skólaganga í einkaskóla með mat og læknisaðstoð)
Barn / börn á Indlandi - 3250 kr. kr/mán. (Skólaganga og full framfærsla á Heimili litlu ljósanna)
Barn/börn á Indlandi - 3450 kr./mán.( skólaganga og full framfærsla á El Shaddai barnaheimilinu.)

Kv. EstHe

Kv. EstHer

Fyrra álit

GlingGlo fyrir 22 árum, 10 mánuðum

girlygirl, sendu inn þessi url að heimasíðum ABC og SOS hingað á börnin okkar. Gæti svo sem sent það inn sjálf en mér finnst að þú ættir að fá stigin fyrir tenglana þar sem þú bryddaðir upp á þessari umræðu.

Kveðja,

Fyrra álit

kia fyrir 22 árum, 10 mánuðum

ég var í skátunum og þá fengum við allar saman (sem vorum í einni sveit) að styrkja SOS barnaþorp og þá þurftum við bara að koma með 50 kall í viku=)

Don't take life too seriously… You'll never get out of it alive anyway :)

Fyrra álit

pukinn fyrir 22 árum, 8 mánuðum

Ég hef styrkt litla stelpu í Brasilíu í ein þrjú ár og það er alveg meiriháttar að fylgjast með hvað hún stækkar og breytist. Það er í gegnum SOS hjálparstarf og við fáum alltaf heimatilbúin jóla og páskakort frá henni með myndum. Alveg yndislegt, þetta kostar svipað og að kaupa eina pitsu á mánuði og þá held ég að peningunum sé betur varið í að halda uppi litlu barni.

Fyrra álit

Börnin okkar

Börnin okkar

Ofurhugar

Stjórnendur

Hverjir eru inni

Greinar

Viltu hjálpa þeim?

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi