ising fyrir 22 árum, 12 mánuðum Fjöldi lestra: 478

hvað er hægt að gera?

Ok, vinkona mín á tveggja og hálfs mán gamla dóttur sem grætur bara stanslaust…hún grætur hreinlega alltaf og sefur ekki neitt! er vakandi allar nætur og sefur svo í vagninum, og í fanginu á mömmu sinni- ekki annars staðar. Ef hún er lögð í rúm, þá vaknar hún eftir eina-fimm mín. Hún hefur fengið endalaust mikið af lyfjum(sem er ALLS ekki gott) og búið að prufa að taka allar fæðutegundir frá mömmunni… Kannast einhver við þetta og HVAÐ er hægt að gera??

GlingGlo fyrir 22 árum, 12 mánuðum

Það er starfandi hjúkrunarfræðingur á Landspítalanum í Fossvogi (Borgarspítalanum) sem heitir Arna og sérhæfir sig í svefnvandamálum barna. Ég mæli með að vinkona þín panti sér viðtalstíma hjá henni ef hún er þá ekki búin að prófa það, því þetta er greinilega orðið heilmikið vandamál. Síminn á Bogganum er 525-1000.

Kveðja,

Fyrra álit

bvlgari fyrir 22 árum, 12 mánuðum

Hi

Minn sem er að verða 3ja mán. var einmitt svona fyrir nokkru. Ég lét mig hafa þetta, fannst þetta ekkert erfitt -var bara með hann í fanginum á meðan maður var að dúlla sér í tölvunni og ýmisl. all night, lét bara konuna sofa í friði. En hann sefur vært núna. Einhver sagði mér líka að það gæti hjálpað að baða barnið í kvöldin. Þau eru svo misjöfn að þótt þetta trikk virki á þetta þá virkar það ekki á hin.

kveðja

Fyrra álit

GlingGlo fyrir 22 árum, 12 mánuðum

Æ sorry, ég las þetta sem að barnið væri 2 1/2 árs en ekki mánaða. Þá snýr málið svolítið öðruvísi við. Besta ráðið í þessari stöðu er hreinlega þolinmæði bara og ekkert annað. Mér finnst trúlegast að stelpan sé bara með þessa týpíksu ungbarnakveisu sem lagast oft eftir svona 3ja mánaða aldurinn. Þolinmæði. þolinmæði og þolinmæði. Láta pabbann, eða einhvern annan ef pabbinn er ekki til staðar, hjálpa sér við að skipta vökunóttunum eða passa einstaka sinnum svo mamman fái smá hvíld. Leggja sig um leið og barnið. Og þolinmæði :)

Kveðja,

Fyrra álit

EstHerP fyrir 22 árum, 12 mánuðum

Þetta getur verið svakalega erfitt, og ef það er búið að kanna hvort það sé ekkert augljóst að barninu, er alltaf spurning um að prufa þurrmjólk eða sojomjólk þó að *hóst* sumir séu alfarið á móti því.

Annars er bara að þrauka, þetta tekur alltaf enda að lokum ;)

Kv. EstHe

Kv. EstHer

Fyrra álit

Aenea fyrir 22 árum, 12 mánuðum

Þegar dóttir mín var svona - akkúrat milli 2 og 3ja mán - fór ég á endanum með hana til læknis. Hann vildi endilega setja hana beint á lyf en ég tók það ekki í mál - hafði slæma reynslu af lyfinu. Þá sagði hann mér að prófa að setja 1/2 skeið af graut í pelann hjá barninu eða prófa að gefa henni 1 tsk af graut á kvöldin. Hann vildi nú ekki segja að þetta væri töfralausn en sagði að þetta væri mikið stundað í USA. Þar sem hún var ekki á brjósti prófaði ég þetta með pelann og það var eins og við manninn mælt hún fór að sofa eins og steinn allar nætur og vel á daginn og var alltaf vær og glöð. Ótrúleg breyting á barninu. Ég hef alltaf verið á móti því að gefa ungum börnum lyf, gekk í gegnum það með eldra barnið og þegar hann var farinn að fá krampa 30 mín eftir að hafa fengið eitt lyfið þá hætti ég þeim pakka - alveg!! Svo ég myndi frekar prófa að gefa þeim graut heldur en lyf - það gerir minni skaða og er frábært ef virkar.
Vonandi gengur þetta vel hjá vinkonu þinni.
Aenea

Fyrra álit

Dangergirl fyrir 22 árum, 12 mánuðum

æji … bara þolinmæði … og prufa sig áfram með trikk !!… en þetta hættir yfirleitt um 3ja mán aldurinn svo ég myndi bara fara telja dagana niður 14 … 13 ….. anda inn anda út … 12 ….. 11….. fara niðrá fjöru og öskra …. 10 ….9….. 8….. nota hverja svefnsekúndu sem barnið sefur til að sofa lika …..7….6…..5…. mása og blása … en þetta er það eina sem virkar …. endalaus þolinmæði !!

Fyrra álit

danna fyrir 22 árum, 12 mánuðum

ÆÆÆÆ.
Mínir voru báðir svona fyrstu mánuðina. Ef það var ekki magakveisa þá var það svengd ef það var ekki svengd þá var það einhver annar pirringur.
Ég er komin á þá skoðun að sum börn séu bara svona.
En um að gera að prufa grautinn sem einhver nefndi, mínir skánuðu strax mikið við það að fá grauta en það tekur reyndar smá tíma að venja við það líka - breytt matarræði.
Muna bara: Þetta er ekki varanlegt ástand, þetta er ekki varanlegt ástand. Þessi hugsun bjargaði geðheilsu minni og það ekki fyrir svo löngu síðan því sá yngri er 6 mánaða (og allt annað barn en hann var fyrir 3 mánuðum).

Kveð ykkur,

Fyrra álit

GiRND fyrir 22 árum, 12 mánuðum

svona ung börn geta ekki melt graut almennilega! sleppa því alfarið seigji ég bara! og þetta með þurrmjólk eða sojamjólk er ég heldur ekki sammála, ef svengd er málið þá er langbest að mjólka sig eftir að barnið er búið að drekka (æþannig eykst framleiðslan) og gefa síðan þá mjólk í pela til að mamman geti hvílt sig, en svo er það líka þannig að börn yngri en 3-4 mánaða eru oft svona og oftast er talað um að þetta sér ungbarnakveisa og það líði hjá…

spáum aðeins í því lítið barn fæðist og kemur úr hlíjum og góðum stað þar sem það var alltaf á hreifingu, alltaf heitt og notalegt og engin svengd og alltaf hjartsláttur hjá mömmunni, og þurfa svo að fara að sofa í stóru rúmi sem er alveg kjurrt og algjör þögn!! frekar fangið á mömmu eða vagn þar sem maður er dúðaður í föt og kerrupoka og svo heyrist í vindinum og hann ruggar vagninum… spáið í því þannig….

kv.GiRND

ps. minn var kveisubarn en ég lifði af ;o)

Fyrra álit

danna fyrir 22 árum, 11 mánuðum

Eitt er kveisa, annað er svengd.
Við kveisunni er ekkert að gera nema hugga, labba með, rugga.
Við svengdinni má gefa fæðu.
Sum börn eru svangari en önnur og eru fyrr tilbúin undir fasta fæðu en önnur. Það getur mjög vel verið að flest börn þurfi ekki annað en móðurmjólk fyrstu 6 mánuðina og fólk ætti að reyna á það en það átti a.m.k. ekki við um mín börn.
Mjólka sig eftir brjóstagjöf. Ha ha ha. Fyrirgefðu, en ég lenti í því að ég átti lítið barn sem drakk 18 sinnum á sólarhring. Ég er ekki að ýkja. Ég gerði ekkert annað en að gefa barninu brjóst. Ég mjólkaði fínt, það var ekkert að því, hann var pakksaddur eftir gjafirnar en hann var svo fljótur að melta að hann var orðinn svangur aftur eftir klukkutíma. Þegar hann fór að fá grauta við 3 mánaða aldurinn fékk ég bara allt annað barn upp í hendurnar.
Það er bara staðreynd að það eru ekki öll börn eins. Það er ekki hægt að alhæfa.
P.s. hann vildi ekki heldur sofa í vagninum, hámark klst í einu, þá vaknaði hann aftur - orðinn svangur.

Kveð ykkur,

Fyrra álit

Gaia fyrir 22 árum, 11 mánuðum

ég myndi t.d. prófa að tala við grasalækni.það virkaði hjá mér og það sem grasalæknar gefa er líka meinlaust. Mér finnst oft áhætta að vera að gefa svona litlum börnum lyf og læknar oft of ákafir í lyfjagjöf. Litla dóttir mín var svona og læknirinn vildi gefa henni róandi lyf sem var á undanþágulista?!!! það höfðu einhver börn dáið í svíþjóð en ekki var búið að sanna að það hefði verið þetta lyf en það var allavega á undanþágulista. Ég tók þá ákvörðun að frekar skyldi ég vaka yfir barninu heldur en að taka svona áhættu.

Fyrra álit

GlingGlo fyrir 22 árum, 11 mánuðum

Abb abb abb, það sem grasalæknar gefa er nefninlega ekki allt alveg meinlaust. Mörg lyf eru nú einmitt unnin úr jurtum og öðru náttúrulegu, svo maður þarf að fara varlega með bæði lyf og jurtir. Það verður passa vel það sem maður gefur börnum og persónulega treysti ég barnalækni betur til að segja til um hvað ég má gefa barninu mínu og í hvað stórum skömmtum en grasalækni. Allavegana verður það að vera góður grasalæknir sem er vel að sér í barnamálum. Svo veit maður kannski ekkert hvað er í þessum grasaseyðum eða í hvaða hlutföllum.

Ég veit alveg að margir hafa góða reynslu af grasalæknum og það er bara hið besta mál. Það fer bara rosalega í taugarnar á mér þegar fólk setur samasem merki á milli “náttúrulegt” eða “jurta-” og “hættlaust” og heldur að allt sem er grasa-, jurta-, eða náttúrlegt geti það bara úðað í sig eins og vatni. Það er nefninlega ekki svo einfalt.

Kveðja,

Fyrra álit

danna fyrir 22 árum, 11 mánuðum

Einmitt.
T.d. er hassplantan 100% náttúruleg og 100% jurt!

Kveð ykkur,

Fyrra álit

Gaia fyrir 22 árum, 11 mánuðum

Það er enginn að segja að allar jurtir séu hættulausar. Kannabis er jurt, en ég er alfarið á móti henni. Einnig eru til margar aðrar hættulegar jurtie. En það segir sig sjálft að lærður grasalæknir fer ekki að gefa þér hættulegar jurtir,ekki frekar en heimilislæknirinn færi að gefa þér arsenik! En ég er sammála því að “náttúrulegt” þýðir ekki endilegagott. Ef þú ferð til góðs grasalæknis þá spyr hann þig út í alla sjúkrasögu þína frá upphafi, til að geta gert sem mest gagn og einnig til þess að gæta þess að þú fáir ekki eitthvað sem gæti verið slæmt fyrir þig.

Fyrra álit

Börnin okkar

Börnin okkar

Ofurhugar

Stjórnendur

Hverjir eru inni

Greinar

hvað er hægt að gera?

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi