Aenea fyrir 22 árum, 10 mánuðum Fjöldi lestra: 641

Að gista hjá vini/vinkonu

Nú er komið upp dæmi sem ég átti ekki von á að þurfa að spá í strax. Ég á 2 börn 3 og 5 og þau eru farin að biðja um að fá að gista hjá vinum/vinkonum sínum. Þessi 3 (stelpa) er búin að suða um það í nokkrar vikur að fá að gista hjá bestu vinkonunni í leikskólanum en mér finnst þær eiginlega vera of ungar til þess. Sá 5 ára (strákur) hefur aftur á móti fengið að gista hjá vini sínum og líka hjá hálfsystur sinni og það gengið vel.
Nú finnst mér ég vera svoldið ósanngjörn að leyfa einu en banna öðru en það eru samt 2 ár á milli þeirra og svosem ekki hægt að ætlast til að sú litla fái að gera allt sem stóri bróðir fær.
Svo er annað sem kom upp í saumaklúbb um daginn og það er hræðslan við kynferðislega áreitni þegar börnin gista hjá vinum. Mér finnst það kannski svoldil paranoia en það er samt spurning um að maður getur aldrei farið of varlega - er það nokkuð? Ég vil samt taka það fram að strákurinn hefur bara fengið að gista þar sem ég þekki nokkuð vel til foreldranna. Mér finnst samt svo sorglegt að það sem manni þótti sjálfsagt þegar maður var sjálfur lítill, og var oftast virkilega gaman, skuli vera orðið eitthvað sem vekji upp spurningar um öryggi barnanna. Auðvitað vill maður samt aldrei taka neina sénsa í þessum efnum.
Hvernig er þetta hjá ykkur? Hefur einhver átt í þessu sama?
Hvað hafa börnin ykkar verið gömul þegar það hafa fengið að gista hjá vini/vinkonu?
Þætti gaman að heyra hvað ykkar skoðanir eru á þessum málum.
Bestu kveðjur,
Aenea

GlingGlo fyrir 22 árum, 10 mánuðum

Mín eldri er að verða sjö ára og hún fær af og til að gista hjá sinum vinkonum og þær hjá henni. Mig minnir nú að hún hafi verið svona 3-4 ára í fyrsta skiptið sem hún fékk að gera þetta, þekkti mömmu þeirrar stelpu mjög vel ;)

Varðandi hræðslu við kynferðislega misnotkun þá finnst mér það einum of mikil paranoia. Ég skil svo sem að fólk pæli í þessu, en ég er nokkuð viss um að kynferðisleg misnotkun hafi síst verið minni þegar maður sjálfur var lítill, það var bara minna talað um hana. En ef maður ætti að passa sig á öllu sem mögulega, kannski, einhverntíman gæti skaðað barnið þá held ég að maður yrði að banna börnununm ansi margt af því sem þau hfa gaman af.

Kveðja,

Fyrra álit

Elektra fyrir 22 árum, 10 mánuðum

Ég verð að vera sammála því að það er frekar mikil paranoia að leyfa börnum ekki að gista hjá vinum sínum af ótta við kynferðislega misnotkun.
Og einnig er ég sammála því að flest sem börnum finnst gaman að þyrfti að banna ef þessi ótti ætti að stjórna öllu. Dæmi eru um kennara sem hafa misnotað nemendur.. Ætliði að hætta að senda börnin í skólann? Nú eða strætóbílstjórar.. þeir gætu nú misst stjórn á sér við að hafa einsamalt barn í vagninum… eða hvað…? Finnst ykkur þetta raunhæft?

Bróðir minn, sem er rúmlega þrítugur, á 12 ára dóttir og það hefur komið fyrir að bakkað hefur verið með leyfi til að gista hjá henni þegar “upp komst” að pabbi hennar var einstæður faðir…
Auðvitað sagði enginn “Nei, ég mátti ekki lengur gista því foreldrar mínir halda að ég verði misnotuð ef ég gisti hér…” en þetta kom meira en lítið undarlega út.
Nú er bróðir minn í sambúð með konu sem á ungan dreng. Ég veit nú satt að segja ekki hvernig hún þorir að leyfa syni sínum að eyða heilu sólarhringunum hjá fullorðnum karlmanni… Kynferðisleg misnotkun gæti átt sér stað!

Svona í alvöru talað þá mæli ég með því að foreldrar reyni að hafa sem mest samband sín á milli - bjóða foreldrum vina barna sinna í kaffi oftar og kynnast betur, svo þessi paranoia bitni ekki á börnunum.

Elektra Katz

Fyrra álit

GlingGlo fyrir 22 árum, 10 mánuðum

Oh, ég get verið mesti klaufi í heimi. Ég eyddi óvart þessu svari þegar ég ætlaði að kommentera á það. Það er stundum galli að vera admin :/ En þetta er allavegana svar sem “mig” skrifaði áðan:

Mér finnst réttast að hafa sem mestar áhyggjur af þessu og passa upp á þetta. Það eru til svo mörg dæmi þess að eitthvað gerist. Maður kannski þekkir til foreldranna en síðan kemur frændi í heimsókn, pabbinn drekkur eða jafn vel stóra systirin, þekkir maður hana? Mér finnst of ungt að láta þriggja ára gamalt barn sofa heima hjá vini náttúrulega fyrst og fremst vegna hættunnar á kynferðislegu ofbeldi og svo finnst mér það líka of mikil ábyrgð á foreldrana. Hvað ef þriggja ára gamla barnið vaknar upp um nóttina? Engin mamma enginn pabbi! Ég, í þínum sporum, myndi bíða með það.

Kveðja,

Fyrra álit

GlingGlo fyrir 22 árum, 10 mánuðum

Best að SVARA þessu núna og eyða engu:

Mig, maður lætur ekki þriggja ára börnin sín gista hjá fólki sem maður þekkir ekki neitt. Ef barnið vaknar upp verður maður auðvitað að vera viss um að það geti treyst foreldrum vinarins og að þau treysti sér til að hugga barnið. Þetta er baa mjög misjafnt eftir börnum, sum eru afskaplega lítil í sér og myndu aldrei þora að gista annars staðar, og svo eru önnur mjög brött. Ég held reyndar að oftas svona þegar börn eru að gista einhversstaðar í fyrsta skiptið þá er maður alveg viðbúinn að þau gugni og komi heim, ég var það allavegana, en þetta gekk allt vel og minni finnst þetta rosa gaman.

Mér finnst reyndar að maður verði líka að treysta fólki, ekki bara ganga út frá að kynferðislegt ofbeldi eigi sér stað. Svo langar mig líka að vita hvaða mörgu dæmi þú hefur heyrt um að svona gerist þegar barn gistir heima hjá vini eða vinkonu. Ég sjálf hef satt að segja aldrei heyrt um svoleiðis. Flest svona misnotkunardæmi gerast þegar um er að ræða fullorðinn aðila sem hefur reglulegan aðgang að ungu barni.

Kveðja,

Fyrra álit

lhg fyrir 22 árum, 10 mánuðum

Ég man eftir að hafa séð viðtal við foreldra í breskum sjónvarpsþætti fyrir nokkrum árum þar sem dóttir þeirra gisti hjá tveimur vinkonum sínum sem voru systur. Allar stelpurnar voru á aldrinum 3-5 ára. Pabbinn misnotaði báðar dæturnar reglulega og þótti bara hið besta mál að fá nýtt fórnarlamb. Þetta hefur sem sagt gerst. Foreldrar stelpunnar héldu sig þekkja hitt fólkið nokkuð vel en kynferðisleg misnotkun á heimilum er nú yfirleitt þannig að jafnvel þeir sem þekkja best til vita ekki af þessu, annars væri búið að stoppa það. Ég þekki líka breskan mann sem var misnotaður kynferðislega af systkinum sem pössuðu hann þegar hann var lítill. Það er sem sagt allt til en hvað getur fólk gert? Það er ekki hægt að pakka börnunum inn í bómull en samt er greinlega betra að fara varlega.

Fyrra álit

GlingGlo fyrir 22 árum, 10 mánuðum

Alveg sammála þér lhg, maður veit svo sem alveg að þetta getur gerst, það er bara svo margt sem GETUR gerst. HVað með dagmömmur, á maður að hætta að senda börnin til þeirra? Eða í pössun til afa og ömmu? Svo er málið að kynferðisleg misnotkun getur alveg eins gerst inni á manns eigin heimili. Eins og þú segir þá gerist þetta þar sem þeir sem þekkja best til vita ekki af þessu. Satt að segja held ég að það séu meiri líkur á að barnið mitt verði fyrir bíl úti á götu en að það verði misnotað kynferðislega í heimsókn hjá vini sínum.

Kveðja,

Fyrra álit

siggagumm fyrir 22 árum, 10 mánuðum

Frænka mín á 3 börn og elsta dóttir þeirra er 7 ára. Hún gistir stundum hjá vinkonum sínum, sérstaklega sinni bestu vinkonu. En núna um daginn var að koma upp mál, en það er þannig að pabbi bestu vinkonu hennar er búin að misnota hana frá því að hún var pínulítil. Frænka mín varð nátturúlega mjög hrædd um að eitthvað hefði komið fyrir sitt barn og núna á hún að fara til einhvers sérfræðings til að ath málið.

Ég ráðlegg öllum að hafa varan á í þessum málum!!!

Kveðja Sigga

Fyrra álit

zedlic fyrir 22 árum, 10 mánuðum

Já þetta er náttúrulega hræðilegt alltsaman….

En það sem ég var að pæla í er að mér finnst eins og risastór hluti fólks hafi verið kynferðislega misnotuð….er einhver sem veit prósentuna eða eitthvað þannig?

Zedlic

Fyrra álit

demonz fyrir 22 árum, 10 mánuðum

Ég held ekki að það sé einhver há prósenta af mannkyninu sem hefur verið misnotað, þessi fáu atvik bera bara mikið á sér og með réttu eiga að gera það!

Fyrra álit

zedlic fyrir 22 árum, 10 mánuðum

Já mig minnir samt að ég hafi séð allt uppí 10-20% einhverntímann. Kannski það hafi verið kjaftæði.
En hafa skal í huga að þó það sé ekki nema 2% þá þýðir það u.þ.b. 6000 manns……

Zedlic

Fyrra álit

GlingGlo fyrir 22 árum, 10 mánuðum

Því miður þá held ég einmitt að það sé ansi há prósenta svona miðað við margt annað. Samkvæmt ágætri grein um sifjaspell sem ég fann á netdoktor.is er áætlað að milli 10 og 20% kvenna hafi verið beittar sifjaspellum í bernsku. Þetta á bara við um sifjaspell og ekki annað form kynferðislegrar misnotkunar á börnum, t.d. misnotkun ókunnugra eða barnaklám. Sifjaspell er skilgreint á þennan hátt:

“Sifjaspell eru hér skilgreind sem allt kynferðislegt atferli milli einstaklinga, sem tengdir eru tengslum trausts og þar sem annar aðilinn vill ekki slíkt atferli en er undirgefinn og háður ofbeldismanninum á einhvern máta. Tengsl barna við ofbeldismenn í sifjaspellamálum eru margskonar. Þeir eru feður, stjúpfeður, bræður, afar og frændur barnanna. Til þeirra teljast líka nánir vinir fjölskyldunnar, þeir sem taka að sér tímabundna umönnun barns, nágrannar og kennarar svo eitthvað sé nefnt”.

Þannig að ég reikna með að manneskja sem gætir barns yfir nótt flokkist í þennan flokk, en samt sem áður eru gerendurnir oftast menn sem hafa góðan aðgang að barni í langan tíma, vinna sér kannski traust þeirra og ást til að byrja með og svíkja það síðan á þennan rosalega hátt.

Í svona 98% tilfella er gerandinn karlmaður og 96% tilfella er þolandinn stúlka, en þessar tölur endurspegla líka það að mun færri karlmenn/strákar en konur/stúlkur leita sér aðstoðar vegna sifjaspells sem þeir hafa orðið fyrir. Allar rannsóknir á sifjaspellum sýna að ofbeldismennirnir eru nærri undantekningarlaust karlmenn sem eru nákomnir barninu og þá skiptir engu máli hvort þolandinn er stúlka eða drengur. Langoftast eru þetta feður, stjúpar, afar, bræður eða frændur sem hafa góðan aðgang að barninu.

Kveðja,

Fyrra álit

GlingGlo fyrir 22 árum, 10 mánuðum

Svo ef þið spáið aðeins í þetta eru í raun meiri líkur á að barnið ykkar verði fyrir kynferðislegri misnotkun á ykkar eigin heimili en heimili vina þess.

Kveðja,

Fyrra álit

demonz fyrir 22 árum, 10 mánuðum

þetta þykja mér ansi háar líkur en ég skal ekkert vera að pexa fyrst að ég hef ekki kynnt mér þetta eins og þú.

Fyrra álit

GlingGlo fyrir 22 árum, 10 mánuðum

Þetta eru alveg skuggalega háar tölur því ewr nú ver og miður, en ég efast um að þær séu of háar miðað við sannleikann. Málið er að það er mjög erfitt að rannsaka sifjaspell þar sem ekki nærri öll tilfelli koma fram. Þetta er lífsreynsla sem þolendurnir tala oft aldrei um, svo margt af þessum málum kemur aldrei fram og því mætti alveg spá í hvort prósentan sé í raun meiri. Miðað við þær rannsóknir sem hafa verið best unnar (í Bandaríkjunum t.d) eru svona um 16% kvenna sem segjast hafa upplifað sifjaspell í æsku. Hér á landi hafa ekki verið gerðar neinar rannsóknir um þetta mál, en það er engin ástæða að halda að eitthvað minna sé um sifjaspell hér á landi heldur en í öðrum löndum, svo þaðan kemur þessi áætlaða prósenta: 10-20%.

Kveðja,

Fyrra álit

Aenea fyrir 22 árum, 10 mánuðum

Það er kannski góð regla að passa upp á að ef börnin manns gista hjá vinum sínum þá sé pabbinn ekki einn heima með börnin. Miðað við þessar tölur eru þetta í 98% tilfella karlmenn sem eru gerendur. Ég vil segja að mér finnst ömurlegt að spá í svona en ég gæti aldrei fyrirgefið sjálfri mér ef eitthvað myndi gerast vegna þess að ég væri ekki nógu vakandi.
Takk GlingGló fyrir þessar upplýsingar.
Kveðja,
Aenea

Fyrra álit

zedlic fyrir 22 árum, 10 mánuðum

Aenea: Ekki ruglast á “Gerendur eru 98% karlmenn” og “98% karlmanna eru gerendur”.
Ekki dæma alla karlmenn, ok?

Fyrra álit

Aenea fyrir 22 árum, 10 mánuðum

Auðvitað ekki zedelic :). Ég vil taka það fram að þetta er eitthvað sem hafði ekki hvarflað að mér fyrr en þetta kom upp í saumaklúbb. Sú sem bryddaði upp á þessu er frekar paranoid og börnin hennar fá helst ekki að gista annars staðar en hjá ömmu og afa. Það kom svo á mig við þetta og því ákvað ég að sjá hvað þið hefðuð um þetta að segja og er mjög fegin að þið sjáið þetta á svipaðan hátt og ég. Þetta síðasta var nú sagt í 50/50 kaldhæðni og alvöru en maður verður bara að vona að maður þekki fólkið í kringum sig það vel að traust manns sé verðskuldað.
Takk samt fyrir ábendinguna :).
Aenea

Fyrra álit

[Notanda eytt] fyrir 22 árum, 10 mánuðum

Hafið þið ekki séð myndina Happiness?

Fyrra álit

qeySuS fyrir 22 árum, 10 mánuðum

happines er fyndnasta mynd sem ég hef séð á ævi minni.

Fyrra álit

bjargandi fyrir 22 árum, 10 mánuðum

GLEDILEGT NYTT AR!
EG BARA VERD AD SEGJA MITT ALIT A TESSU. MER FINNST TETTA VERA ALGJORIR OFGAR AD LEYFA BARNI SEM ER 3 ARA AD SOFA HJA VINI/VINKONU.EKKI BARA VEGNA HAETTU A KYNFERDISLEGRI MISNOTKUN HELDUR LIKA BARA TAD AD BARNID ER ALLTOF UNGT TAD GETUR ALLT GERST OG MYNDIR TU FYRIRGEFA TER EFTIRA EF EITTHVAD KAEMI UPPA.BARNID MITT ER NAESTUM TVEGGJA ARA GAMALT OG EG MYNDI ALDREI TAKA TAD I MAL AD LEYFA HONUM AD GISTA HJA VINI UTI BAE HVAD TA DETTA TAD I HUG.TAD VERDUR AD BIDA LENGRI TIMA OG ALDUR.EG SJALF FEKK OFT AD GISTA HJA VINKONUM TEGAR EG VAR YNGRI OG TAR ERU MARGAR GODAR MINNINGAR.ENN EG VAR I FYRSTA LAGI NIU ARA TEGAR TAD VAR LEYFT OG EKKI ER MODIR MIN MED NEINA PARANOJU,TAD BARA TOTTI EKKI VID HAEFI A TEIM TIMUM.TAD VERDUR AD VERA LIMIT OG TRUDU MER EG HELD AD TU EDA EG EDA VID OLL ERUM EKKI VERRI FORELDRAR FYRIR AD LATA EKKI ALLT EFTIR BORNUM OKKAR VID ERUM BETRI.
KVEDJA BJARGANDI

Fyrra álit

Aenea fyrir 22 árum, 10 mánuðum

Þetta er reyndar alltaf að færast niðrá við í aldri finnst mér - að krakkar vilji gista hjá hverjum öðrum og mér finnst það í rauninni bara gott mál. Þ.e.a.s ef maður þekkir foreldrana nokkuð vel - þetta gefur manni færi á að kynnast bæði vinunum og foreldrum þeirra betur og mér finnst það bara af hinu góða. NB stelpan er 3 1/2 og eins og kemur fram hér að ofan þá finnst mér hún helst til ung en ég hef sjálf verið að vinna á leikskóla og þar tíðkaðist þetta hjá mörgum á þessum aldri að fá að gista og þótti mikið sport. Ég á nú ekki von á að ég leyfi henni að gista alveg á næstunni, maður sér bara til hvernig þetta þróast allt saman.
Ég vil nota tækifærið og þakka ykkur öllum fyrir kommentin - gott að fá skoðanir á svona málum.
Kveðja,
Aenea

Fyrra álit

gmc fyrir 22 árum, 10 mánuðum

ég gisti fyrst hjá stelpu sem var nágranni minn og mamma mín þekkti mömmu hennar og allt svona, ég hef verið svona fimm ára,en ég gisti ekki hjá neinum vinkonum á leikskólanum, þú getur bara sagt við stelpuna þína að bróðir hennar fái að gista því hann sé eldri, það er ekki flóknara en það, eða þá að vinkona hennar gæti gist hjá ykkur. það er þá kannski bara spurning að tala við mömmu vinkonunnar.

Fyrra álit

Börnin okkar

Börnin okkar

Ofurhugar

Stjórnendur

Hverjir eru inni

Greinar

Að gista hjá vini/vinkonu

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi