Því oftar sem þú setur hann á brjóst, því meira örvast mjólkurframleiðslan. Vonandi þarftu bara að vera þolinmóð í nokkra daga og þá er framleiðslan komin í samt lag aftur. Vertu bara dugleg að drekka og ekki gefa honum þurrmjólk nema þér finnist hann virkilega þurfa þess, því ef hann fær pela í staðin fyrir brjóstið þá auðvitað nýtist sú gjöf ekki til að örva mjólkurframleiðsluna.

En þetta er bara eitthvað sem þú verður að meta sjálf, hefuru orku og þolinmæði í að vinna mjólkina upp aftur? Ef strákurinn er að sjúga og það er greinilega eitthvað í brjóstunum þá hugsa ég að það ætti að ganga vel fyrst þið eruð ekki lengur lasin. Þú finnur þetta bara út.

Þetta er tekið af netdoktor.is:

Hvað geturðu gert til að auka mjólkurmyndunina?

Ef mjólkurmyndun hefur minnkað eða barnið er að taka vaxtarsprett getur þú þurft að auka mjólkurmyndun þína. Besta ráðið er að leggja barnið oftar við brjóstið. Lofaðu barninu að drekka eins oft og lengi og því lystir. Það getur verið góð hugmynd að skipta um brjóst á 10 mínútna fresti til að örva barnið. Ef barnið er syfjað þarf að vekja það og halda því við efnið. Gefðu barninu bæði brjóstin í hvert skipti svo að það fái örugglega alla þá mjólk sem þú myndar og brjóstin fái þá örvun sem þau þurfa til að framleiða meiri mjólk. Reyndu að þrauka og halda þig eingöngu við brjóstagjöfina en fara ekki að gefa pela, graut eða ávaxtasafa. Ef þú byrjar á því verður barnið satt og nennir ekki að sjúga og mjólkurmyndunin minnkar ennþá meira. Auk þess getur pelinn haft truflandi áhrif á sog barnsins því að það beitir ekki sömu sogtækni við brjóstið og pelann.

Það er líka mikilvægt að þú hugsir vel um sjálfa þig. Það ert þú, sem býrð til mjólkina og þess vegna skaltu gera vel við þig í mat og drekka mikið af vökva. Það er gott að venja sig á að drekka vatn eða ávaxtasafa meðan þú ert að gefa brjóst. Reyndu að hvíla þig og taka því rólega og gefðu þér tíma til að sinna sjálfri þér t.d. með gönguferð eða góðu baði. Hlustaðu á góða tónlist eða gerðu eitthvað annað sem eykur þér vellíðan.

Ef þessi ráð duga ekki eða þér finnst þú standa ein með vandamálin geturðu leitað til hjálparmæðra sem veita konum stuðning í brjóstagjöfinni. Á Kvennadeild Landspítalans er einnig starfandi ljósmóðir sem aðstoðar konur sem eiga í erfiðleikum með brjóstagjöf og er hún daglega með viðtalstíma.

eitt sem ég veit að virkaði mjög vel hjá mér var að örvast kynferðislega þá bara flæddi allt fram … hormónastarfsemin virðist fara á fullt við það :)

sakar ekki að reyna :) :)