Ég mæli nú ekki með að vera að sulla með eitthvað kakóbland fyrir svona ungt barn, sérstaklega ef hann er eitthvað ofnæmisgjarn.

Best er bara að bíða og sjá hvort hann venjist ekki bragðinu, börn eru svo vanaföst að þeim finnst allt nýtt bragð yfirleitt hálfvont fyrst. Svo er heldur ekkert sniðugt að vera að koma honum upp á eitthvað nammibragð, gæti komið þér í koll seinna.

Lnagflesar þurrmjólkurtegundir eru unnar úr kúamjólk, en það eru til sérstakar blöndur fyrir viðkvæm börn og börn með ofnæmi, en þær þarf yfirleitt að sérpanta og eru mjög dýrar og þess vegna sjaldnast gefnar nema búið sé að útiloka aðra kosti. Soyamjólkin er einmitt það sem fyrst er reynt ef líkur eru á að um kúamjólkuróþol/ofnæmi sé að ræða.

Er hann farinn að borða annan mat? Það er eiginlega svolítið flókið að fara að sleppa mjólkurvörum alveg fyrir svona ungt barn, þá þarf samsetning hins fæðisins að vera svo góð til að hann fái allt sem hann þarf.

Mitt ráð er eiginlega bara þolinmæði.

Ég er mjög spennt fyrir hrísgrjónamjólk. Ég er einmitt ein af þeim sem eiga erfitt með að drekka mjólk (get t.d. ekki borðað ís án þess að kúgast). Hvar getur maður fengið hrísgrjónamólk á Íslandi? Ég er líka ekki frá því að hrísgrjónamjólk sé hollari en kúamjólk fyrir börn yfirhöfuð, hvort sem þau hafi óþol eða ekki. Sú skoðun mín kemur náttúrulega útfrá því hversu erfitt ég á sjálf með að drekka mjólk og því vorkenni ég alltaf litlu greyjunum að þurfa að drekka hana!