harpajul fyrir 22 árum, 11 mánuðum Fjöldi lestra: 360

mismunandi jólasiðir

'Eg hef verið að spá í þetta með krakkana og jólasiðina,það eru svo mismunandi siðir og hefðir á milli fjölskyldna.T.D núna þessi jól þá verða eldri börnin mín í fyrsta skipti hjá pabba sínum á aðfangadag og þorláksmessu…. :( ég veit ekki alveg hvernig ég lifi það af.En það er önnur saga, það sem ég er að spá það er munurinn á því hvernig við höldum jól,t.d erum við oftast með fuglakjöt og heimagerðan ís á aðfangadagskvöld en nú er það ekki hjá krökkunum….hamborgarhryggur skal það vera og þá er það eitthvað sem þau eru ekki vön(ekki það að þau séu að kvarta)og svo skreytum við krakkarnir alltaf saman jólatréð á þorláksmessukvöld en núna þessi jól þá verða þau ekki heima…..
þetta er voða skrýtið en eitthvað sem maður á bara eftir að venjast,og ekkert nema gott um það að segja.
Við höfum líka farið í nýja fjölskyldu,ég og krakkarnir og þá þurfti maður að aðlaga sig að þeim hefðum og við reyndar bjuggum okkur mest til okkar eigin hefðir,settum saman það “besta” frá báðum!
Hvernig er þetta hjá ykkur,eru svona hefðir og siðir sem ykkur gæti þótt erfitt að vera án?
með jólakveðju
harpajul

Kveðja

hulda fyrir 22 árum, 11 mánuðum

Skítt með siðina.. á meðan fjölskyldan mín er hjá mér er ég sátt ;)

Fyrra álit

akroklem fyrir 22 árum, 11 mánuðum

Í báðum okkar fjölskyldum hafa náttúrulega verið einhverjir siðir. Skreytt á Þorláksmessukvöld, hamborgarahryggur á aðfangadg….. En við höfum ekki tekið neina siði með okkur. Á kváðum að gera allt eftir okkar höfði, því er hreindýr á aðfangadag, ég ætla að skreyta jólatréð á morgunn (16 des.). Ekkert hangikjöt á jóladag, bara eitthvað létt og gott, t.d. hörpudiskur eða humar. Eina sem ég hef tekið með frá mömmu er desertinn, hann er líka svo rosalega góður:))

Þannig að fyrir okkur eru hefðirnar alls ekkert heilagar. Okkur langaði bara að halda okkar eigin jól, með okkar hefðum!!!

Gleðileg jól!!
Akroklem.

Fyrra álit

GlingGlo fyrir 22 árum, 11 mánuðum

Við erum enn að pússla saman siðum hjá okkur. Á mínu heimli voru ekki neinir svona sérstakir siðir. Tréð var yrfileitt skreytt á aðfangadagsmorgun og það var misjafnt hvað var í jólamatinn, en það tengdist líka búsetu þar sem við bjúggum í 7 ár erlendis. Núna er mamma alltaf með kalkún á jólunum en við hérna skötuhjúin höfum haldið okkur við hamborgarhrygginn. Erum að reyna að koma okkur upp möndlugjafarhefð, gleymdum því síðast LOL, en kannski munum við betur eftir því núna þegar stelpurnar eru orðnar stærri og passa upp á þetta. Tréð skreytum við á Þorláksmessukvöld.

Kveðja,

Fyrra álit

pollyanna fyrir 22 árum, 11 mánuðum

úff ég er rosaleg í þessum hefðum verð að hafa möndlugraut og toblerone ís á aðfangadagskvöld, setja hreint á rúmið á aðfangadagsmorgun,skreyta tréð á þorláksmessukvöld,og baka hnetusmjörskökur eins og mamma gerði alltaf:)og svo að lesa jólakortin þegar búið er að opna pakkana :)

Pollyanna

Fyrra álit

lhg fyrir 22 árum, 11 mánuðum

Ég fer alltaf í mat til mömmu á aðfangadag ásamt bróður mínum og stundum kemur annar bróðir okkar í kvöldkaffi þangað en hann er yfirleitt í mat hjá fjölskyldu konunnar. Jólasiðirnir þar eru ekkert heilagir fyrir utan það að það hefur næstum alltaf verið hamborgarhryggur og það er eiginlega alltaf byrjað að borða á slaginu 6 og útvarpsmessan höfð á. Annars er þetta oft breytilegt og prófað eitthvað nýtt. Systir mín kom þarna líka í mat fyrstu árin eftir að hún fór að búa en eftir að hún og maðurinn fóru í nám fóru þau að halda sín jól heima hjá sér en hafa síðan jólaboð fyrir alla fjölskylduna á jóladag en mamma síðan jólaboð fyrir alla á 2. í jólum. Ég hef nú verið að stinga því að mömmu að það þurfi ekki að vera 2 boð fyrir nákvæmlega sama fólkið en hún er ekki alveg til í að sleppa :)

Fyrra álit

pollyanna fyrir 22 árum, 11 mánuðum

jú og borða kl 18 og messan í útvarpinu það er nauðsyn:)svo má ekki opna pakkana fyrr en það er búið að ganga frá í eldhúsinu .

Pollyanna

Fyrra álit

harpajul fyrir 22 árum, 11 mánuðum

Já það er einmitt þetta sem ég er að meina,og maður vill helst hafa alltaf allt eins :)
en núna finnst mér ég þurfa að breyta svo miklu (og finnst við í raun nýbúin að því)
En það er bara eitthvað sem maður verður að sætta sig við í svona samsettum fjölskydum eins og mín er.

Kveðja

Fyrra álit

GlingGlo fyrir 22 árum, 11 mánuðum

Einmitt, en verður þetta ekki bara hluti af jólehefðunum þegar fram líða stundir? Þ.e. að jólin skiptist á milli mömmu og pabba?

Kveðja,

Fyrra álit

harpajul fyrir 22 árum, 11 mánuðum

jújú,auðvitað en…..Mér finnst það bara svo flókið núna af því að þetta er í fyrsta skipti síðan við skildum sem hann hefur viljað hafa þau á þessum tíma,annars hafa þau alltaf verið hjá mér,alveg frá fæðingu,skiluru?

Kveðja

Fyrra álit

GlingGlo fyrir 22 árum, 11 mánuðum

Já elskan mín ég skil þig alveg :) Mér þætti nú ferlega skrítið að hafa ekki stelpurnar mínar hjá mér á jólunum.

Kveðja,

Fyrra álit

siggagumm fyrir 22 árum, 11 mánuðum

Ég er núna að fara að vera fyrstu jólin mín ekki heima hjá mér. Mér líður frekar skringilega út af því, en ég verð hjá fjöldskyldu kærasta míns um jólin og ég veit að ég fæ sömu hlýju og ást þar eins og heima hjá mér. En það er alltaf skrítið. Mér kvíður smá fyrir, en ég kem heim aftur á jóladag:)

Já það er örugglega líka skrítið að vera alltíeinu annarstaðar og vera með öðruvísi hefðir. Eins og heima hjá mér er alltaf möndlugrautur í hádeginu á aðfangadag, alltaf borðað kl 6, allir vaska upp nema mamma af því hún eldar, frómas, pakkarnir teknir upp þegar allir eru búnir að taka allt saman og búið að slappa af, farið í heimsókn til ömmu og afa.

Eins og ég segi það verður skrítið að vera ekki heima um jólin:/

Kveðja Sigga

Fyrra álit

harpajul fyrir 22 árum, 11 mánuðum

já það er svoooo erfitt að breyta til ,sérstaklega á þessum tíma :=/
ég man þegar ég var fyrstu jólin í mat heima hjá kærastanum mínum(13 ár síðan) ég hef aldrei upplífað önnur eins vonbrigði….því það var ekki eins og hjá mömmu og pabba(ég var sko bara 16….)

Kveðja

Fyrra álit

lhg fyrir 22 árum, 11 mánuðum

Það var aldrei siður á mínu heimili að það mætti ekki opna pakkana fyrr en væri búið að ganga frá í eldhúsinu. Pabbi var nefnilega alinn þannig upp og hann hataði þennan sið. Við fengum þess vegna alltaf að opna pakkana strax og allir voru búnir að borða og stundum kannski einn fyrir mat ef við vorum alveg að deyja úr spenningi.

Það er líka ekki bara mamma sem eldar heldur allir. Við bræðurnir vorum alltaf látnir leggja á borð, setja baunir í skál, ná í hitt og þetta fyrir mömmu og pabba og blanda jólaölið. Það er ennþá starfið mitt að hjálpa pabba að brúna kartöflurnar og blanda jólaölið en bróðir minn leggur á borð af því hann er sá eini sem veit hvar sparihnífapörin eru geymd :)

Ég þekki síðan til á einu heimili þar sem strákarnir voru alltaf látnir vaska upp á aðfangadag en það var vegna þess að alla aðra daga voru systur þeirra látnar gera það.

Fyrra álit

Börnin okkar

Börnin okkar

Ofurhugar

Stjórnendur

Hverjir eru inni

Greinar

mismunandi jólasiðir

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi