danna fyrir 22 árum, 11 mánuðum Fjöldi lestra: 293

Hugleiðing um jafnrétti/verkaskiptingu

Ég veit ekki vel hvernig ég á að orða þetta þannig að það sé ekki tekið sem kvörtun yfir eiginmanninum en ég er að velta fyrir mér verkaskiptingu foreldra.
Maðurinn minn kemur úr fremur svona íhaldssamri fjölskyldu, mamman meira og minna heimavinnandi alla sína tíð og pabbinn svona voða mikill barnakall en þurfti aldrei að gera neitt heima (og þegar hann er einn heima verða börnin hans að bjóða honum í mat svo hann svelti ekki). Maðurinn minn er í raun jafnréttissinnaður en einhvern veginn hafa hlutirnir þróast þannig að við erum á botnlausu kafi í vinnu heima og heiman. Ég sé um heimilið og vinn 100% vinnu en hann vinnur svona 2-3 tímum lengur á dag í yfirvinnu og sér svo um meiri háttar viðhaldsverk á sunnudögum. Ég þarf hins vegar oftar en ekki að sjá um þrif á bílum, málningarvinnu, og svona minni háttar viðhald. Það er hreint út sagt undantekning ef hann vinnur svona almenn heimilisstörf, s.s. uppþvott, skúringar, því það gefst enginn tími til þess. Þetta væri svo sem o.k. nema hvað ég er hrædd um að drengirnir okkar tveir fái dálítið brenglaða mynd af hlutverkum kynjanna (sá eldri hefur sagt hreint út: “já en mamma þú ert húsmóðirin” þegar ég var að kvarta yfir draslinu í stofunni).
Sérstaklega þegar kemur að barnauppeldinu þá er ég með 99% ábyrgðarinnar. Hann sér um baðið, tannlækninn og klippinguna. PUNKTUR.
Hvernig þróast hlutirnir svona? Er þetta óhjákvæmilegt? Hvernig snýr maður þessu við? Og hvernig kem ég öðru gildismati að hjá drengjunum? Ég ætlaði sko ekki að hafa hlutina svona, þvílík rauðsokka sem ég var á sokkabandsárunum. En þegar farið er að ræða málin þá virðist þetta alltaf enda með að snúast um hver vaskar oftar upp og hver vinnur fleiri stundir utan heimilis.
Jæja, hvað segið þið? Please segið mér að ég sé ekki sú eina í þessari stöðu :)

Kveð ykkur,

Dangergirl fyrir 22 árum, 11 mánuðum

úfff þetta er eitthvað sem fær mig til að vera með hroll og gæsahúð yfir … það á engum manni að finnast sjálfsagt að konan sjái alfarið um heimilið … eins og það er nú hundleiðinlegt að vaska upp , skúra og blabla…. ég myndi i fyrsta lagi setjast niður með manninum og tala við hann um þetta …. benda honum á að þú sért ekki sátt og hvað mætti betur fara og heyra hans hlið á þessu !!!… þvi alveg sama hvað þú munt reyna að breyta annarri manneskju það tekst ekki … manneskjan verður að vilja vera öðruvisi og gera hlutina öðruvisi … þá fyrst breytist hún !!

með strákana þina … ef sá stutti er farinn að segja … mamma þú ert húsmóðirin þegar þú kvartar yfir draslinu i stofunni þá ættiru lika að setjast niður með honum stutta og útskýra það að þú sért ekki …. EKKI eina húsmóðirin á heimilinu … og fá strákana til að vera virkir i húsverkum … s.s taka til i skóskápnum fyrir smáaura … þ.e.a.s láta þá hafa fyrir vasapeninginum með þvi að þrifa smá :) … ef þeir eru ekki með aldur i vasapening þá er um að gera að breyta viðhorfum þeirra með þvi að nefna að i eldgamla daga kom pabbinn aldrei við börnin :) hvað þá tannburstaði og baðaði börnin en það er margt hægt að segja litlum börnum um hvað hefur breyst i dag … bara ekki leyfa þeim að halda i þetta viðhorf plz….

passaðu þig bara á þvi elsku danna min að taka ekki af strákunum ábyrgðina … ef þú ert búin að setja þeim fyrir að taka til draslið i stofunni þá ekki láta þá komast upp með að gera það ekki … það er að taka af þeim ábyrgð og þeir venjast þvi og halda þvi siðan áfram þegar þeir eru orðnir fullorðnir … !!…

við mömmurnar erum i bestu stöðunni til að breyta þessu fáránlega mynstri … við eignumst litla sæta stráka og i staðinn fyrir að leyfa þeim að ærslast og drasla út .. kennum þeim þá að ganga vel um og vera prúðir og stilltir … verum jafn strangar við þá eins og við erum við stelpurnar … þannig verður heimurinn betri og þannig útrýmum við letiblóðum sem liggja uppi sóffa með moggann á meðan mamman æðir um með rygsuguna .. óneitakk … hver vill eiga svoleiðis mann …. !!!

umfram allt … vertu happy …

Fyrra álit

danna fyrir 22 árum, 11 mánuðum

Þetta er allt satt og rétt hjá þér en ég er hrædd um að þetta hafi verið svolítið misskilið (eins og ég var svo hrædd um að myndi gerast). Ég er ekki að kvarta yfir að hann nenni ekki að taka til, heldur því að hann hefur ekki tíma til að taka til.
Þegar annar aðilinn (ég) vinnur 45 stundir á viku og hinn (hann) 60 stundir þá vill þetta gerast, að sá sem vinnur minna úti vinnur meira heima. Mér finnst það eðlilegt. Eða er það eðlilegt að ég sitji með lappir uppi á borði þangað til hann kemur heim úr vinnunni svo við getum skipt húsverkunum “jafnt”?
En þarf hann að vinna svona mikið? Það er stóra spurningin og það sem við höfum rætt fram og til baka. Málið er bara þetta: Reyndu að fá karlmann á fertugsaldri, við bestu heilsu, til að fara til vinnuveitandans og segja: Nú vil ég minnka við mig vinnu. Af hverju? Svo ég geti sinnt heimilinu betur.
Og eins og ég var að velta upp, hættan er að börnunum finnist þetta eiga að vera svona. Auðvitað er ég búin að halda þvílíkar ræður (yfir þeim eldri, hinn er of lítill ennþá) en það er bara þannig með börnin að það skiptir meira máli hvað þú gerir heldur en hvað þú segir.
En ég neita að trúa því að ég sé sú eina sem er í þessari stöðu.
En maðurinn minn tekur sitt fæðingarorlof í vor og ég hlakka mikið til að sjá hvernig það kemur út!

Kveð ykkur,

Fyrra álit

ADD fyrir 22 árum, 11 mánuðum

Smá punktur:
65 tíma vinnuvika er heilsuspillandi og stríðir gegn löggjöf um vinnutíma sem samþykkt var út af tilmælum ESB. Engin heilvita vinnuveitandi ætti að samþykkja svona vinnutíma. Það er staðreynd að fólk sem vinnur svona mikið brennur fljótt út í vinnu. Auk þess sem að það skaðar heilsuna (en það kemur oft ekki fram fyrr en um 50 en þá er líka skaðinn skeður).

Það er þessi langi vinnutími karlmanna sem stendur jafnrétti mest fyrir dyrum hér á landi. Það er ekki hægt að heimta að þeir taka jafnan þátt í öllum heimilistörfum á þeim 5 klst sem þeir eyða vakandi heima hjá sér á virkum dögum. En ég held að fæðingarorlofið muni breyta miklu en það tekur 20 ár eða svo. Þá sjá karlmenn loksins að þeir hafa mikilvægt hlutverk á heimilum.

Fyrra álit

danna fyrir 22 árum, 11 mánuðum

Ég er innilega sammála þessu og eiginlega punkturinn sem ég var að meina. Ég held að við séum í vítahring, karlar geta ekki tekið eins mikinn þátt í heimilishaldinu því þeir vinna svo mikið og þeir vinna svo mikið því þeir þurfa ekki að taka þátt í heimilishaldinu. Því miður byrjar fæðingarorlofið ekki að breyta þessu fyrr í fyrsta lagi þegar þeir fá 3 mánuði og þessi “sameiginlegi” réttur er auðvitað bara í orði. Meðan flest börn eru á brjósti allt að 6 mánuði (fyrir utan þau sem eru lengur) þá taka mæðurnar 6 mánuði og feðurnir 3. Ég hefði viljað sjá fæðingarorlofið þannig að konurnar fengju 4, karlar 4 og 4 sameiginlegir. En við getum ekki búist við breytingum á fæðingarorlofinu á næstu árum eða áratugum. Vonandi breyta þessir 3 mánuðir karla samt einhverju.
Og til að svara dangergirl og hörpujul þá hugsaði ég einmitt svona áður fyrr. No way að ég ætlaði að sjá um allt ein. En eins og ADD segir, þegar maðurinn eyðir kannski 5 stundum vakandi heima hjá sér á virkum dögum þá er það bara stærðfræðilega ómögulegt að ímynda sér að hann taki jafnan þátt í heimilisstörfum. Í hans tilviki yrði það litið hornauga ef hann myndi minnka við sig vinnu út af þessu. Kannski eru ykkar menn heppnari með vinnuveitendur.

Kveð ykkur,

Fyrra álit

harpajul fyrir 22 árum, 11 mánuðum

sko ég er líka sammála þessu sem þú segir það væri betra ef báðir aðilar gætu haft sömu tækifæri(jafn mikinn tíma) til þess að sinna heimili og börnum,maðurinn minn vinnur vaktavinnu og við hjálpust svona nokkuð að….eftir því sem tími vinnst til og svo eru auðvitað sumir hlutir sem ég vil frekar gera(t.d þvottinn),það sem ég var hins vegar sammála dangergirl var það að maður verður að passa uppá þetta mat sem börnin fá á hlutina því að “litlir”strákar sem hafa alist upp við það að mamman “geri allt” eru óþolandi í sambúð.
kveðja
harpajul

Kveðja

Fyrra álit

danna fyrir 22 árum, 11 mánuðum

O.k. ég skil og ég er líka sammála, þess vegna ætla ég að reyna hvað ég get, þrátt fyrir allt, að koma þessu inn hjá pjökkunum mínum. Þar mun fæðingarorlof pabbans örugglega hjálpa til.
Minn spurði um daginn: Ha? Fer pabbi í fæðingarorlof? Afhverju? Svo skilaði sú umræða sér örugglega að einhverju leyti strax því að stuttu síðar spurði hann pabba sinn hvort hann vaknaði á nóttunni til að hugsa um litla bróður hans. Nei, sagði pabbi hans, mamma þín sér nú að mestu leyti um það. Nú? sagði sá stutti hneykslaður. En þetta er nú líka sonur þinn?!?
(Hann fékk lófaklapp að launum).

Kveð ykkur,

Fyrra álit

Dangergirl fyrir 22 árum, 11 mánuðum

ég myndi nú bara leggja lappir uppá borð og biða þartil hann kæmi heim til að skipta húsverkum … þvi börnin og viðhorf þeirra eru mikilvægari heldur en að allt sé tandurhreint ….

en það er bara min skoðun haha :)

Fyrra álit

harpajul fyrir 22 árum, 11 mánuðum

100% sammála,maður verður að hjálpast að…..

Kveðja

Fyrra álit

palinas fyrir 22 árum, 11 mánuðum

Ég verð nú að segja það að sem betur fer þá er ég ekki mjög vör við þetta. Við hjálpumst að eins mikið og við getum. Skiptumst á að elda. Reyndar sé ég um að þrífa því þá veit ég að það er vel gert (hehe)en hann vaskar alveg upp. Ekkert mál að skipta á Kristjáni Sindra þegar hann er búinn að “baka” handa okkur. ÉG er heimavinnandi eins og er og þegar hann er búinn að vinna þá reynir hann eins mikið og hann getur að sinna stráknum athygli. Sem mér finnst mjög svo gott. ÞAð er nú stundum sem mömmurnar þurfa smá frí frá börnunum sínum þegar þær eru búnar að vera með þau allan daginn. Þó svo að maður væri alveg til í að vera með þau allan daginn

kveðja
palinas

<img src="

Fyrra álit

ljoninja fyrir 22 árum, 11 mánuðum

Það er náttúrulega eðlilegt að sá sem vinni meira úti geri minna af heimilisstörfum en það er óeðlilegt að sá sem vinnur minna geri allt heima líka (heimili, börn, garður, bíll, fjármál, osfrv).

Ef annar aðilinn kemur seinna heim þá getur hann/hún samt eldað, þvegið upp, hent í þvottavél e.e.þ.h. (kannski ekki allt af þessu á einu kvöldi heldur elda einn dag, þvo þann næsta o.s.frv.). Það er mín skoðun (ath. þetta er ekki skot á einn né neinn) að það sé ekki fræðilegur möguleiki að skipta verkum milli sambýlisfólks en að það sé möguleiki að skipta ábyrgð. Þannig getur annar aðilinn haft ábyrgð á ákveðnum þáttum heimilishaldsins. Það þýðir ekki að hann eigi að gera það alltaf. T.d. sé það á hans ábyrgð að það sé þvegið upp. Þessi manneskja getur gert það sjálf(ur) eða beðið einhvern annan að gera það (maka, börn), jafnvel haldið uppi áætlun hver þvær upp hvaða daga eða látið uppþvottinn safnast upp.

Það er örugglega hægt að rita margar fræðigreinar um verkaskiptingu heimilana en að mínu mati verða hlutirnir bara að koma að sjálfu sér. Fullorðið fólk hlýtur að hafa vit á því hvað þarf að gera og tilfinningu fyrir hreinlæti. Ef maður er búin að vinna 10-16 tíma (t.d. venjulegur vinnudagur hjá mér í skólanum) þá vill maður bara slappa af heima hjá sér en ef maður hefur ábyrgð (börn/heimili) þá er vinnan bara ekki búin þegar heim kemur. Ætli það sé ekki aðal viðhorfsbreytingin sem þarf að verða.

Fyrra álit

Börnin okkar

Börnin okkar

Ofurhugar

Stjórnendur

Hverjir eru inni

Greinar

Hugleiðing um jafnrétti/verkaskiptingu

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi