Zaluki fyrir 22 árum, 12 mánuðum Fjöldi lestra: 846

Lestrar og skriftarkennsla

Sælir sérfræðingarnir mínir.

Nú er svo komið að mig vantar smávegis ráðleggingar frá ykkur, og ég er ekki í vafa um að einhver þarna úti gæti hjálpað mér.

Dóttir mín sem er 3 ára síðan í apríl sýnir stöfum og lestri mikinn áhuga, í 6 mánuði hefur hún verið að spyrja mig hvað allir stafnirir heita, það eru hreinlega vandræði að fá að lesa moggann í friði á heimilinu.
Hún er farin að þekkja ýmsa stafi, en mig langar að virkja þennan áhuga hjá henni og jafnvel kenna henni að skrifa þá eða lesa upp að einhverju leiti.
Ég veit að hún er rosalega ung í þetta, en ég er ekki að ætlast til þess að hún verði fluglæs fyrir 5 ára aldur eða neitt slíkt, en hún hefur áhugann fyrir að læra þetta, og ég vil endilega virkja þetta svolítið hjá henni.

En hvernig fer ég að þessu? Er það vitlaust að láta hana leira stafina, og jafnvel gera einhver létt verkefni í kringum hvern staf?
Ég tek það fram að ég mun ekki neyða hana til að læra eitt eða neitt, þannig að ekki hafa áhyggjur af því að ég muni pressa hana í þessu, hún ræður ferðinni alfarið, eða þangað til hún fer í skóla :)

Með fyrirfram þökk og von um einhver “comment”

Zallý.

———————————————–

danna fyrir 22 árum, 11 mánuðum

Endilega virkjaðu þennan áhuga hjá henni!
Ég var orðin læs 3 ára (ég er ekki að skrökva) og það er einfaldlega vegna þess að ég sýndi eldri systkinum áhuga þegar þau voru að lesa og þau ásamt mömmu ákváðu að kenna mér.
Þetta veitti mér mikið forskot í skóla, ég hef mikið sjónminni og er fljót að lesa enn þann dag í dag.
Auðvitað á ekki að þvinga börnin í neitt en gerðu þetta að leik eins og hvað annað. Og haltu svo kunnáttunni við, það er mikilvægt. Sonur minn kunni næstum alla stafina 3 ára en svo hélt ég því ekki við og hann gleymdi. Þau hafa ekki þroska til að viðhalda kunnáttunni sjálf.
Er hún á leikskóla? Þar er yfirleitt gert eitthvað í að vekja áhuga barnanna á stöfum - í gegnum leik, þau læra t.d. að lesa nöfnin á fatahólfunum osfrv.
Gangi þér vel með litla lestrarhestinn!

Kveð ykkur,

Fyrra álit

GlingGlo fyrir 22 árum, 11 mánuðum

Sammála Dönnu, ég sjálf var orðin fluglæs fyrir fimm ára aldur og það sem ég naut góðs af því að geta lesið bækur sjálf. Endilega virkja þetta hjá henni ef hún sýnir áhuga. Ekki leiddist mér neitt í skóla þótt ég kynni að lesa áður en ég byrjaði í honum, þetta opnar bar nýjan heim sagna og ævintýra fyrir manni :)

Byrjaðu bara á að kenna henni stafina, svo er alveg hægt að kaupa svona “Óla og Ásu” úti bókabúð og notast við það kver :)

Kveðja,

Fyrra álit

Blubba fyrir 22 árum, 11 mánuðum

Hæ hæ.
Stafakarlarnir hafa kennt mínum þriggja ára margt.
Hann er einmitt líka farinn að þekkja einhverja stafi.
Mæli með þeim.
Kveðja, Blubba.

Fyrra álit

ljoninja fyrir 22 árum, 11 mánuðum

Ég vona bara að þegar hún kemur í skóla að hún lendi hjá góðum kennara sem heldur áfram með hana í stað þess að byrja upp á nýtt að kenna henni stafina því þá er hætta á að hún upplifi skólaleiða.

Vá löng setning :)

Fyrra álit

hulda fyrir 22 árum, 11 mánuðum

Ég er sammála Blubba, Stafakarlarnir hjálpa heilmikið og eru líka alveg þrælskemmtilegi

Fyrra álit

zedlic fyrir 22 árum, 11 mánuðum

Áhugi minn á þessu var virkjaður og þessvegna var ég orðinn fluglæs fjögurra ára.

Var meiraðsegja stundum látinn lesa fyrir krakkana þegar leikskólakennarinn þurfti að skreppa frá :)

zedlic

Fyrra álit

Zaluki fyrir 22 árum, 11 mánuðum

Það er frábært að sjá að það séu mér allir sammála um að það sé í lagi að virkja þetta hjá henni skvísunni.
Ég er að spá í að gefa henni stafakallana í jólagjöf og sjá hvað kemur út úr því hjá henni, hún nefnilega alveg ógurlegan áhuga á tölvum þessa mánuðina :)

Þakka ráðleggingarnar!

Zallý

———————————————–

Fyrra álit

ADD fyrir 22 árum, 11 mánuðum

Mig langar til að minnast á eitt sem ekki hefur komið fram hér. Stafakarlarnir eru góðir til að vekja áhuga barnanna á stöfum en þeir eru ekki góðir við að tengja saman hljóð og tákn - sem er grunnur að því að læra að lesa. Þann hluta verður þú að taka að þér. Það er sá hlutur sem reynist börnum erfiðastur. Börn geta lært stafina vel innan við 2. ára en þau hafa ekki þroska til að tengja saman hljóð og stafi fyrr en síðar. Ég veit til þess að í enskumælandi löndum hafa menn farið þá leið að kenna heil orð til að komast hjá þessum vandamáli.

Ég sjálf hef nú staðið í svona kennslu með hléum í rúmt ár. Ég hef farið þá leið að athuga hvort sonur minn hefur þroska til að skilja þessa tengingu, og þegar ég hef komist að því að hann hefur hana ekki þá hef ég einbeitt mér að því að æfa stafina og og lesa létta bók þar sem að ég bendi á orðin og les þau. Síðan spyr ég hann hvað orð er. Hann náttúrlega lærði bókina utanað en hann á kannski auðveldara með að gera sér grein fyrir að stafir mynda orð.

Fyrra álit

Gullmoli fyrir 22 árum, 11 mánuðum

Til allra!
Mig langar samt að benda fólki á að börn sem þurfa mikla athygli og tala mikið eiga ekki að læra að lesa áður en þau byrja í skóla.
Þau verða bara til vandræða(trufla kennslu og masa mikið við sessunaut).
Þar sem að kennari með mörg börn hefur ekki tíma til að kenna einu barni alveg sér inná milli mun barninu leiðast og fara að vera með læti og trufla.
Bara smá ábending en ég er ekki að segja að ykkar börn séu þannig.
Börn eru bara misjöfn eins og þau eru mörg.
Gullmoli

Fyrra álit

Pooh fyrir 22 árum, 11 mánuðum

Ég vildi bara benda á að kannski væri sniðugt að tékka á hvað sé í tísku í dag varðandi lestrakennslu. ég var orðin alveg læs þegar ég var 5 ára og mamma var sko bara skömmuð fyrir að hafa verið að kenna mér að lesa. það ætti sko að kenna það svona en ekki hinsegin, var þá að komast í tísku að stafa ekki heldur nota hljóðin sem stafirnir búa til :| eða eitthvað svoleiðis. en þar sem ég átti eldri systir var áhuginn fyrir því að vera alveg eins og hún löngu kominn og mamma hlustaði ekki á kennara systur minnar. ég er mjög róleg þannig að þetta skapaði ekkert nein vandamál í skóla hjá mér, fékk bara auka verkefni til að mér myndi ekki leiðast, það er mjög mikilvægt til að námið verði ekki bara allt of auðvelt og leiðinlegt. annars varð ég sko FÚLUST þegar ég var í sona 2 bekk og kom heim með enn eina tíuna á einkunna blaðinu var sko komin með hundleið á þeim fannst að maður ætti að geta fengið ELLEFU sko! hehehhehee ;) annars er vonandi farið að pæla meira í börnum sem eru fljótari til að læra núna, þetta var fyrir 15 árum. annars er oft gott að gera sona í samráði við kennara líka til að fá kannski eitthvað skemmtilegt efni sem börnin sem hafa áhuga hafa gaman af.

kv.pooh

Fyrra álit

Börnin okkar

Börnin okkar

Ofurhugar

Stjórnendur

Hverjir eru inni

Greinar

Lestrar og skriftarkennsla

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi