Mín er 6 ára og er búin að fatta þetta. Hún var ekkert sorry yfir þessu og lofaði mér að vera ekki að kjafta þessu í önnur börn sem enn tryðu á jólasveininn. En hún fær samt í skóinn, finnst það nú alveg allt í lagi enn þá. Ætli við miðum bara ekki við ca 10 ára aldurinn með þetta skódót.

Dætur mínar líka 8.ára komu til mín um daginn og tilkynntu mér að þessir jólasveinar væru bara plat og það væru sko bara venjulegir kallar í búningum, ég svaraði þeim að þær mættu alveg trúa því en ég ætlaði mér að trúa á jólasveina áfram og ég vissi vel að sumir jólaveinar væru bara plat en ég væri samt viss um það væru líka til alvöru jólasveinar, en þeir þyrftu bara oft hjálp um jólin því það væri svo mikið af krökkum og margt sem þyrfti að gera.
Þær voðu voðalega sáttar við þessi svör hjá mér og ég setti það alfarið í þeirra hendur hverju þær ákveða að trúa, og þó að þær segist ekki trúa á þá þá hugsa ég að þær fái nú samt í skóinn í ár.
Ég trúði langt frameftir aldri á jólasveina, þó að ég hafi sagt annað þegar eldri bróðir minn var að tilkynna mér að þeir væru plat eða aðrir krakkar voru að tala um það og vona að það verði svipað með dætur mínar.

Kv. EstHe

ég gleymi því aldrei þegar ég komst að því að hann væri ekki til. Ég var hjá vinkonu minni og hún var að skoða eitthvað.. ÉG sagði við hana að ég ætti alveg eins og hefði fengið það í skóin.. Þá sagði hún mér hneikslandi að mamma hennar hefði búið þetta til og líka fyrir mömmu mina svo ég gæti fengið svona í skóinn..
Ég var með kökk í hálsinum og hringdi beint i mömmu sem þá játaði þetta fyrir mér :(

Þó að krakkar hætti að trúa á jólasveininn þá finnst mér að ætti samt að halda áfram að gefa þeim að minnsta kosti til 10-12 ára aldurs. Ég man að mér fannst alveg jafngaman að fá í skóinn þó að ég væri hætt að trúa á jólasveininn og vissi að mamma og pabbi settu í skóinn.

Ég veit líka um foreldra sem hafa sleppt því að plata krakkana sína og hafa samt gefið þeim smáhluti í skóinn.

Með jólasveinakveðju,
Xenia

Minn 3 ára spurði mig í fyrradag hvort að jólasveinninn væri til í alvöru. Hann er nefnilega soldið smeykur við hann.. :)

Og ég var ekkert að búast við svona spurningu frá honum, en sagði honum að jú, jólasveinninn væri til í alvöru og ætti heima í fjöllunum. (og allt sem fylgdi því)

Og þá sagði hann brosandi að nú vissi hann soldið!
Jólasveinninn ætti sko heima í skóginum við sumarbústaðinn hjá afa og ömmu! Því að þar væru fjöll! haha…

Æi, soddan krútt!

Svo er hann núna voða spenntur að láta skóinn út í glugga í fyrsta sinn! Hann hafði engan áhuga í fyrra, fannst mamma sín bara vera skrítin að hafa skóna hans úti í glugga ! haha..

Þegar jólin nálguðust og sveinki kom til byggða, skrifaði ég bréf á hverju kvöldi og bað hann um að gefa mér póníbað. Það var mín heitasta ósk. Á aðfangadag var ég (eins og svo oft áður) að gramsa hjá mömmu og pabba og fann öll bréfin mín í náttskúffuni hjá þeim.

En það slær vinkonu minni ekki út, því hún rannsakaði málið. Þegar kertasníkir kom til byggða og þá var vaninn að gefa honum kerti. Þá tók vinkona mín sitt kerti og merkti það undir botninn. Svo daginn eftir var kertið farið og vinkona mín beint inní kertaskáp hjá mömmu sinni og pabba og fann sitt merkta kerti þar:)


Samt fengum við í skóinn til 15 ára aldurs (dekur rófur)