Mér finnst það bara ekki skipta neinu máli hvernig maður er búinn til ! Í alvöru, hvaða máli skiptir það að fólk sé glasabörn eða ekki..

Þeir sem eru að stríða þér út af þessu eða að reyna að vera fyndnir, þ.e. vinir þínir … Þeir eru kannski ekki að skilja að þetta særir þig.. ÉG myndi segja þeim það ef ég væri þú.. Þá hætta þeir þessu ef að þeir eru alvöru vinir. :)

En eins og þú segir sjálfur, þú ert bara eins og þú ert !

Ef eitthvað væri hægt að pæla í þessu, hugsaðu þá bara hvað foreldrum þínum langaði ofboðslega að eignast barn og þráðu þig mikið.. Hvað það hefur verið mikil gleði fyrir þau að hafa eignast barn.

Hvort sem það er með hjálp eður ei!

Hættu bara að pæla í þessu, þetta á engu að skipta í sambandi við þig sjálfan og hver þú ert.

En ég skil samt að það sé skrítin að fá svona fréttir.. en samt… :)
Verum öll þakklát bara fyrir að vera ekki öll eins, það væri ekkert gaman að því! :)

Vonandi fer þér að líða betur með þetta..

kveðja,
honeybun

Er það samt ekki dálítið góð tilfinning að vita af því að það hafi verið óskað svo heitt eftir þér.

Þetta er svona eins og einhver færi að reyna að kalla annan ónáttúrulegan ef hann væri getinn með öðrum kynlífsstellingum en trúboðastellingunni.

Annars tek ég undir með markars, það er greinilegt að foreldrar þínir voru búnir að bíða lengi eftir þér og lögðu mikið á sig til að fá þig.

ég held að þú sért nú bara heppin að vera þá til, hvað ef þau hefðu ættleitt þig það hefði verið verra.

Ef við hugsum annig að þú ert barnið þeirra. Þá held ég að börn sem eru ættleidd finna meir fyrir því en þau sem eru búin til í glasi.

Það er skiljanlegt að menn velti fyrir sér uppruna sínum og hvernig eða við hvaða aðstæður menn hafi orðið til. En ekki velta þér um of upp úr þessu, það er óþarfi og leiðir í raun ekki til neins, því hérna ertu og því verður ekki breytt, hvaða aðferðir sem voru notaðar við að koma þér í heiminn.
Það eru margir úti í samfélaginu sem eru „slysabörn“ og sumir fá að heyra að þeir hafi orðið til fyrir slysni (hefðu átt að fara í lakið), kannski eftir einnar nætur gaman (kannski á þetta við um einhverja vini þína sem á ósmekklausan og barnalegan hátt gera grín að þér). Vertu því ekki í krísu yfir þínum „uppruna“ sem á sér greinilega rætur í ást og væntumþykju.
Mér finnst ekkert atriði og ég get ekki séð hvernig nokkur ætti að geta sagt þig verri (eða betri) en hvern annan einstakling. Það skiptir frekar máli hvernig við högum þessu lífi okkar en það hvernig við urðum til.
Og þér að segja þá var það enginn klikkaður prófessor sem kukklaði þér saman, ekki líta á þetta einhverjum Frankenstein-augum. Það var einhver læknir sem sameinaði kynfrumur foreldra þinna því af einhverjum orsökum gátu þau ekki gert það á þennan venjulega hátt.
Vertu stoltur af því hver þú ert, burtséð frá því hvernig þú varðst til.

Þú getur allavega hugsað svo að þú varst ekki getinn við ástundun á heilbrigðu kynlífi.
Ég þarf að hugsa til þess að foreldrar mínir hafi actually ástundað kynlíf. *shivers*

Hvað veit maður svo um það hversu “heilbrigt” kynlíf foreldrar okkar stunda/stunduðu. *shiver*

En að öllu gamni slepptu þá skil ég ósköp vel þessar vangaveltur en ég vil ráðleggja þér að eyða ekki meira púðri í þær. Svona pælingar eru niðurdrepandi fyrir sálarterið þitt og þú græðir ekki mikið á því.

Persónulega sé ég ekki mun á glasabörnum og börnum getin með “heilbrgðu” eða “óheilbrigðu” kynlífi. We are all the same.