hulda fyrir 23 árum, 2 mánuðum Fjöldi lestra: 712

Barnið hrist til bana

Ég rakst á þessa frétt á Visi.is núna áðan og ég varð að posta henni hingað

——————————————————————
Barnið hrist til bana

Rannsóknardeild lögreglunnar í Kópavogi er með til rannsóknar lát níu mánaða gamals barns sem lést í maí síðastliðnum. Grunsemdir vöknuðu um að lát þess hefði ekki borið að með eðlilegum hætti.

Drengurinn var fluttur meðvitundarlaus á spítalann tveimur dögum áður eða þann 2. maí. Við rannsókn lækna spítalans komu fram einkenni sem gátu bent til þess að um væri að ræða skemmdir á heila er gætu stafað af utanaðkomandi atvikum, t. d. vegna hristings, það er tilfelli sem nefnt hefur verið “shaken baby syndrome”.

Vegna þessa hóf lögreglan þá þegar frumrannsókn á tildrögum andlátsins að því marki sem unnt var og fyrirliggjandi gögn gáfu þá tilefni til. Jafnframt var farið fram á að ítarleg læknisfræðileg rannsókn færi fram á dánarorsök barnsins.

Mjög umfangsmikil réttarmeinafræðileg rannsókn hófst strax eftir andlát barnsins í þeim tilgangi að leiða nánar í ljós dánarorsök. Rannsóknin var í höndum réttarlækna Rannsóknarstofu Háskólans sem leituðu liðsinnis ýmissa sérfræðinga.

Þann 6. þessa mánaðar fékk lögreglan í hendur niðurstöður umræddra rannsókna, krufningsskýrslu sem er studd læknisfræðilegum gögnum, sem styrkja þann grun að dánarorsök hafi verið af völdum hristings eða áðurnefnt “shaken baby syndrome”.

Með tilliti til niðurstöðu rannsóknar réttarlækna var ljóst að grunur beindist að þeim aðilum sem önnuðust barnið þann 2. maí, daginn sem komið var með það á sjúkrahúsið í Fossvogi.

Um er að ræða karlmann og konu sem önnuðust daggæslu í heimahúsi og var fólkið handtekið þann 10. september. Daginn eftir var konan látin laus en lögð fram krafa í Héraðsdómi Reykjaness um gæsluvarðhald yfir manninum.

Þann 12. september var maðurinn úrskurðaður í gæsluvarðhald til mánudagsins 17. sama mánaðar og þann dag var lögð fram krafa um framlengingu gæsluvarðhalds en Héraðsdómur Reykjaness synjaði þeirri kröfu og var maðurinn látinn laus. Játning á meintu broti liggur ekki fyrir.

Rannsókn er haldið áfram og er að því stefnt að gögn málsins verði innan tíðar send Ríkissaksóknara til umfjöllunar.
——————————————————————

Ég skil einfaldlega ekki hvernig fólk hefur þetta í sér að hrista börn svona. Svona fólk á ekki að fá að ganga laust!
Þetta er svona Lousie Woodward dæmi :/

zlave fyrir 23 árum, 2 mánuðum

Ég þekki persónulega til þessa máls og þessa fólks sem er lýst þarna sem óheftum glæpamönnum. Mér þykir miður að verið sé að dæma fólk svona fyrirfram. Sonur minn var hjá þessu ágætafólki i langan tíma og hef ég ekkert nema gott um þau að segja.

Ég verð nú að segja að mér þykir meira líklegt að barnið hafi orðið fyrir slysi heima hjá sér heldur en þessum atvinnumönnum sem dagmömmurnar eru í þessu tilviki.

Hafið í huga að þetta “hristings” dæmi getur framkallast á aðra vegu en þann að barnið sé beinlínis hrist!

Ekki fremja þann glæp að dæma þetta fólk svona fyrirfram. Þetta er það hræðilegasta sem getur komið fyrir. Enginn á það skilið að vera ákærður, dæmdur og hengdur án sanngjarnar réttarmeðferðar.

Ég mun sætta mig við niðurstöður þesa máls hverjar sem þær verða, en ekki fyrr en dómari kveður upp úrskurð sinn.

Fyrra álit

EstHerP fyrir 23 árum, 2 mánuðum

Já eins og ég segi hér að ofan, þessi grein á varla heima hérna !!! reynum bara að vona að íslenskt réttar og löggæslukerfi standi sig í stykkinu og komist að sannleikanum í þessu máli. Þetta er eiginlega of skelfilegt til að við getum farið að kveða upp einhverja dóma án þess að vita málavexti, ég mundi helst vilja þessa grein í burtu héðan.

Kv. EstHer

Fyrra álit

GlingGlo fyrir 23 árum, 2 mánuðum

Mér finnst þessi grein alveg eiga heima hérna, hún fjallar um börn og ofbeldi gagnvart börnum er alveg til, því miður. Þetta kennir kannski líka okkur að passa okkur aðeins á því hvað börnin okkar þola. Mér tókst nú einu sinni að kippa dóttur minni úr olnbogaliðnum með því einu að toga hana upp úr gólfinu, mér leið eins og hræðilegustu mömmu í heimi þegar ég fór með hana upp á slysó, en sem betur fer var fólkið þar voða almennilegt og læknirinn útskýrði fyrir mér að þetta væri tiltölulega algengt því börn væru svo laus í liðunum og sum meira en önnur. Samt alveg ömurleg tilfinning að meiða barnið sitt svona.

En það er auðvitað rétt að við eigum ekkert að fara að kveða upp neina dóma gagnvart þessu fólki og þetta mál verður örugglega rannsakað mjög vel. En vitið, ofbeldi gagnvart börnum hér á Íslandi er svo miklu miklu meira en flestir halda, ég sá nú allskonar myndir og heyrði miður fallegar sögur þegar ég var í barnahjúkrunarkúrsinum, maður hefði bara aldrei trúað þessu. Svo það er allt í lagi að vera vel vakandi fyrir svona ofbeldi.

Kveðja,

Fyrra álit

EstHerP fyrir 23 árum, 2 mánuðum

Ok það getur meira en vel verið að greinin eigi heima hérna, það fauk bara eitthvað svo í mig í nótt þegar ég sá komentið frá paddington um að þetta fólk ætti bara að skjóta, sem ég get ekki betur séð en sé búið að fjarlæga núna.
Auðvitað er umræða um barnaofbeldi eitthvað sem þarf að ræða og upplýsa fólk um og á meðan að þessu umræða er á því plani í stað þess að við séum að kveða upp okkar eigin dóma, þá er ég sátt ;)

Kv. EstHe

Kv. EstHer

Fyrra álit

GlingGlo fyrir 23 árum, 2 mánuðum

Sammála EstHerP, það er ekki okkar að dæma, við þekkjum alls ekki alla málavöxtu. Þegar fólk sem hristir börn í sinni umsjón á þennan hátt er það yfirleytt í einhverri frustration, er orðið alveg úrvinda og þreytt og er að reyna að fá barnið til að hætta að grenja. Oftastgerir fólk þetta í algjöru hugsunarleysi og ég stórefast um að ætlunin sé að valda barninu skaða. Stundum veit fók heldur ekki að þetta getur verið svona hættulegt. Afleiðingarnar eru bara svo skelfilegar að það verður að taka mjög alvarlega á þessu máli. Svipaðir áverkar geta komið fram ef verið er að kasta barni oft hátt upp í loftið í leik og jafnvel að rugga því á fæti sér í áköfum hestaleik (þið vitið svona gobbedígobb) getur verið varasamt. Einnig eru svona áverkar þekktir af völdum þess ef fólk er að skokka með barnið sitt í svona bakpoka, þá myndast sama hreyfingin á höfuðið. En langoftast, því miður, stafa þessir áverkar af því að verið er að hrista barnið eins og áður hefur verið lýst og þetta er mjög vel þekkt sem er eiginlega enn skelfilegra.

Kveðja,

Fyrra álit

GlingGlo fyrir 23 árum, 2 mánuðum

Þetta s.k. shaken baby syndrome hefur mjög skýr einkenni sem framkallast við fáar aðrar aðgerðir satt að segja, þetta er svipað og gerist í árekstri þegar fólk fær svona whip lash áverka á háls. Þannig að það er örugglega ekki að ósekju sem lögreglan er að rannsaka þetta og ólíklegt að þetta hafi gerst við slys. Það eru alltaf ákveðnir áverkar á börnum sem vekja mikinn grun um ofbeldi og þá er bæði miðað við áverkann sjálfan, staðsetningu hans og eins hvort sagan stemmi við áverkana. Svo er annað mál hvort fólkið hafi ætlað sér að gera þetta, trúlegra að þetta hafi verið gert í hugsunarleysi, sem er auðvitað samt alveg hræðilegt. Lítil börn hafa ekki mjög sterka hálsvöðva og því þarf ekki svo ofboðslega mikið til að framkalla þessa áverka með því að hrista það duglega.

Kveðja,

Fyrra álit

dael fyrir 23 árum, 2 mánuðum

nákvæmlega zlave, við vitum akkúrat ekkert um hvað gerðist

Fyrra álit

Zaluki fyrir 23 árum, 2 mánuðum

———————————————–

Fyrra álit

venuss fyrir 23 árum, 2 mánuðum

samt… hvort sem þetta hefur verið gert óvart eða ekki þá er þetta frekar ógeðslegt… alltaf þegar ég les eikkað sona finn ég hjá mér þörf til að hlaupa upp og faðma litla bróðir minn sem er 14 mánaða… ég vil ekki að neitt komi fyrir hann…

Skiptir það máli?

Fyrra álit

mancubus fyrir 23 árum, 2 mánuðum

“Humility is not thinking less of yourself,

Fyrra álit

Lynx fyrir 23 árum, 2 mánuðum

Það veldur mér nú nógum óhugnaði, burtséð frá óvissu nefnds máls, að svona misþyrming á börnum sé NÆGILEGA ALGENG til að það fyrirfinnist yfir það læknisfræðilegur frasi :(

kv.

L.

Fyrra álit

Börnin okkar

Börnin okkar

Ofurhugar

Stjórnendur

Hverjir eru inni

Greinar

Barnið hrist til bana

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi