pernilla fyrir 23 árum, 2 mánuðum Fjöldi lestra: 688

Tvítyngdur sonur

Ég skrifaði grein hérna fyrr í mánuðinum um hvernig væri að búa í Danmörku með barn.
Í greininni voru taldir upp ýmsir kostir en engir ókostir og þar sem greinin fékk nánast engin viðbrögð þá ætla ég ekki að benda neitt á ókostina (sem átti að fara í grein númer tvö). En þessi grein er ekki um uppeldi í DK. Hún er um son minn sem er tvítyngdur eins og það er kallað ef börn tala tvö tungumál en mig vantar smá ráðleggingar af því núna er hann orðinn 2ja og hálfs árs og er ekki ennþá farinn að mynda setningar, bara stök orð.
Hann kann orðin bæði á íslensku og dönsku en heima fyrir heyrir hann enga dönsku af því allar bækurnar hans, videospólurnar og kassetturnar eru á íslensku. Við foreldarnir tölum náttúrlega saman á íslensku og eins við barnið. Á leikskólunum er töluð danska að sjálfsögðu en einn uppeldisfr. kann grunnorðin í íslensku og getur líka talað við hann þar.
Börn vinkvenna minna (á Íslandi) sem eru á svipuðum aldri og minn eru flest orðin altalandi og ég var farin að halda að hann væri e.t.v heyrnarskertur en það er allt í lagi með heyrnina og stundum samkjaftar hann ekki en því miður er illskiljanlegt það sem hann er að segja (þetta er hvorki íslenska né danska heldur orð sem hann virðist hafa búið til sjálfur).
Er eitthvað hægt að gera með svona tvítyngd börn eða er þetta alveg eðlilegt að hann sé svona lengi að byrja að tala?
Ég les alltaf fyrir hann á kvöldin og svo er hann duglegur að horfa á íslensku videospólurnar sínar þannig að ég botna ekki í neinu af hverju hann hefur ekki meiri orðaforða.
Kv,
Pernilla

ADD fyrir 23 árum, 2 mánuðum

Ég hef heyrt að tvítyngi hægi á tali hjá ungum börnum. Annars er svo mismunandi hvenær þau byrja að tala. Vinur minn byrjaði ekki að mynda setningar fyrr um 3 ára og hann er eðlilegur (tja, vitmunalega a.m.k.). Annars lætur leikskólinn þig vita ef þeim finnst þetta óeðlilegt - fyrst það er gert hér heima þá er það örugglega gert í Danmörku.

Fyrra álit

pernilla fyrir 23 árum, 2 mánuðum

Sko, uppeldisfræðingarnir (leikskólarkennararnir í DK) hafa sagt mér að hann segi yfirleitt ekki neitt og segi oft bara já við öllu og stundum finnst þeim eins og hann skilji þær ekki.
En hann er alls ekki svona heima og ég veit að hann skilur bæði íslensku og dönsku.
Þær sögðu mér að fara að tala dönsku við hann en mér líst nú ekkert of vel á það þar sem við eigum nú eftir að flytja heim aftur.
Við höfum búið í Danmörku í meira en ár og það var búið að vara mig við að strákurinn myndi bara tala dönsku þegar hann færi að tala en það er eiginlega öfugt, þetta litla sem hann talar er mest á íslensku.
Pernilla

Fyrra álit

[Notanda eytt] fyrir 23 árum, 2 mánuðum

Ég átti heima í Danmörku í nokkur ár. Það er eðlilegt að ung börn byrji ekki að tala dönskuna strax, á meðan þau eru að ná málþroska.
Frændi minn á heima í Danmörku núna og er 2 hálfs árs. Hann fæddist þar. Það er töluð Íslenska heima hjá honum en hjá dagmömmuni er töluð danska. Hann var um 2 ára þegar hann fór að tala og þá talaði hann dönskuna frekar en íslensku. Núna talar hann aðeins dönsku en skilur bæði íslensku og dönsku.
Ég held að þegar börnin eru búin að ná eðlilegum málþroska (miðað við þeirra aldur) svona um 3-4 ára þá eru þau búin að ná tökum á tungumálunum, bæði dönsku og íslensku.

Fyrra álit

Zaluki fyrir 23 árum, 2 mánuðum

Mér finnst bara yfirhöfuð æðislegt hvað börn eru þrátt fyrir smá byrjunarörðuleika dugleg að ná góðu valdi á tveimur tungumálum.
Það er ekki séns að ég gæti lært að tala 2 tungumál í einu og náð þeim svona vel á 2 árum.
Börn eru snillingar!

pernilla; ekki hafa of miklar áhyggjur af þessu, það gæti vel verið að guttinn þinn bara hreinlega segji já við leikskólakonurnar til þess að þurfa ekki að hlusta á þetta baul í þeim :)
Börn þola oft ekki þegar að það er verið að spyrja þau í þaula um eitthvað, allavega segir mín stelpa oft bara já við mig svo að ég hætti að “bögga” hana, eins og hún segir ;D

En endilega láttu okkur vita hvernig gengur hjá þér :)

———————————————–

Fyrra álit

irisomars fyrir 23 árum, 2 mánuðum

Ég fluttist til Danmerkur þegar ég var 1 og hálfs. Þá var ég farin að tala smá íslensku. Eftir að ég kom út tók auðvitað smá tíma að aðlagast og læra tungumálið en það kom á endanum. Á heimilinu var töluð íslenska og danska það virðist ekkert hafa truflað. Ég talaði dönsku við mömmu og pabba. Svo þegar ég flutti heim útilokaði ég dönskuna (sem ég kunni reiprennandi) til að læra íslensku og núna kann ég ekki neitt í dönsku. Krakkar eiga bara svo auðvelt að svissa á milli. Þau geta verið svo sveigjanleg.

Fyrra álit

holmfrg fyrir 23 árum, 2 mánuðum

Sæl Pernilla,

hafðu engar áhyggjur af barninu. Eins og hefur komið fram hér, er hann að læra tvöfalt meira en önnur börn sem læra bara eitt tungumál.

Tvítyngi hefur verið rannsakað talsvert af málfræðingum og niðurstöðurnar eru þær að þessi börn séu talsvert lengur en önnur börn að læra að tala. (ég er íslenskufræðingur og lærði slatta um þetta í HÍ) Það er bara spurning um smá tíma og þolinmæði og þá kemur þetta. Frændi minn steinþagði alveg þangað til hann var orðinn þriggja ára en svo á örskömmum tíma fór hann úr því að babla eitthvert hrognamál og í að tala mjög vel. Á því heimili var bara töluð íslenska.

Það er semsé allt í fínu lagi með hann í dag. Þú ættir ekki að þurfa að hafa neinar áhyggjur af þessu.

Gangi þér vel.

Fyrra álit

ejm fyrir 23 árum, 2 mánuðum

Mágur minn er nýorðinn fjögurra ára, á danskan pabba og íslenska mömmu. Hann er langt á eftir jafnöldrum í talþroska en er samt alls ekkert heimskur, meira að segja mjög klár. Ég held þetta sé alveg eðlilegt, þar sem hann er í rauninni að læra tvö tungumál. Hann talar enn þá hálf illskiljanlega, og blandar soldið saman íslensku og dönsku. Hann hefur þó skánað mjög, var mjög illskiljanlegur fyrir tveimur árum eða svo, þá var hann einmitt með svona ‘hljóð’ sem enginn skildi sem orð. Pabbi hans býr á Íslandi og talar mjög illskiljanlega dönsku (a.m.k. fyrir mig sem hef bara lært dönsku í framhaldsskóla) og það getur verið að strákurinn hafi verið að herma eftir honum með þessi kokhljóð. Foreldrar hans tala dönsku heima hjá sér.
Þetta er eðlilegt en hefur mikið að gera með félagslegan þroska, ef mágur minn leikur sér við önnur börn á sama aldri verður eitt barn stundum ‘túlkurinn’, og þess vegna einangrast hann svolítið. Hann er búinn að hætta á mörgum leikskólum og er ekki á leikskóla núna. Hann ætti þó að ná hinum börnunum fyrir rest, vonandi áður en hann byrjar í skóla.
Þau hafa farið með hann til talmeinafræðings, og hann hefur bara sagt þeim að hafa ekki áhyggjur, þetta lagist.

Fyrra álit

Ylfa fyrir 23 árum, 2 mánuðum

Ég þekki lítinn strák sem er tvítyngdur og er að verða þriggja ára eftir þrjá mánuði. Hann er talsvert á eftir jafnöldrum sínum í báðum málunum en getur þó vel gert sig skiljanlegan. Þetta tekur svolítinn tíma hjá þeim, þar sem þau þurfa ekki aðeins að læra tvö tungumál á sama tíma heldur líka læra að greina á milli þeirra og meta hvenær á að nota hvaða mál. Þetta getur verið dálítið flókið fyrir svona ung börn en örvar þau mjög (allar þessar brautir í heilanum, sem kemur sér vel seinna meir!). Vertu þolinmóð og í guðana bænum ekki fara að tala dönsku við hann því það mun örugglega rugla hann enn meira.

Gangi þér vel

Fyrra álit

Ylfa fyrir 23 árum, 2 mánuðum

Fyrra álit

ADD fyrir 23 árum, 2 mánuðum

Sammála Ylfu. Ekki fara að tala dönsku við hann. Það ruglar barnið endanlega. Auk þess sem sérfræðingar hér á landi tala um að þau tvítyngdu sem standa verst hér á landi er þau þar sem foreldrarnir eru að reyna að tala íslensku heima við.

Fyrra álit

pernilla fyrir 23 árum, 2 mánuðum

Takk fyrir svörin!
Ég hef alltaf verið mjög staðföst á því að hafa enga dönsku á heimilinu, sumum finnst það vera hallærislegt hjá mér að leyfa honum ekki að heyra neina dönsku innan veggja heimilisins en þar sem við erum Íslendingar þá tölum við væntanlega íslensku og hann lendir eflaust í einhverjum erfiðleikum þegar við komum heim aftur (sem verður að öllum líkindum ekki fyrr en hann er byrjaður í skóla).
En ég hef líka oft á tilfinningunni að blessaðir uppeldisfræðingarnir á leikskólanum haldi að við séum óhæfir uppalendur af því það er alveg sama hvað við gerum eða segjum þá er fundið að öllu (gæti líka verið af því við erum svo ung) en það er efni í aðra grein :)
Kv,
Pernilla

Fyrra álit

GlingGlo fyrir 23 árum, 2 mánuðum

Hey systir mín fæddist í Svíþjóð, var hjá sænskri dagmömmu og alltaf töluð íslenska á heimilinu og svo fluttum við heim til Íslands. Hún lærði aldrei sænskuna neitt að ráði.

Vinur minn átti systur sem var tvítyngd, hún blandaði saman málunum og talaði svona hrognamál fyrst en síðan aðgreindi hún þau og er jafnvíg á bæði núna.

Kveðja,

Fyrra álit

ADD fyrir 23 árum, 2 mánuðum

Þessar athugasemdir geta átt sér margar orsakir - menningarmun, það að þeim finnist þið vera of ung, fordómar, og síðan gætirðu náttúrlega verið slæm móðir (bara að grínast!).
Það er ekki auðvelt að vera stórfjölskyldulaus og með barn í útlöndum. Það vantar ákveðin stuðning.
Annars er líklegasta orsökin fyrir þessu að þeim finnist þið ekki aðlagast nóg - ekki vera nógu góðir danir og ekki ætla að ala barnið upp í góðum dönskum siðum heldur í íslenskri villimennsku. Ertu búin að útskýra fyrir blessuðum sérfræðingunum að þið ætlið ekki að búa alla ævi í Danmörku?

Fyrra álit

pernilla fyrir 23 árum, 2 mánuðum

Þetta er einmitt málið, Add.
Dönum yfirhöfuð finnast þeir vera rosalegt barnafólk og finnast Íslendingar yfirhöfuð vera óttalegir villingar og svo náttúrlega toppar allt að sonur minn á yngstu mömmuna yfir allan leikskólann.

Mér finnst heldur dönsku siðirnir ekkert góðir fyrir börnin, ég lenti t.d í því að gaurinn minn tók nett frekjukast í stórmarkaði og ég hastaði á hann (sem ég hef séð margoft heima á Íslandi) og Danirnir litu á mig eins og ég væri að drepa hann (aðallega eldri konur). Svo spurði ég danska kunningjakonu mína af hverju þetta væri svona og hún sagði að flestir bíða bara með að skamma börnin þar til heim væri komið og þá eru þau stundum slegin (þess má geta að það er bannað með lögum). Hvað meina þeir eiginlega með að bíða, barnið er búið að gleyma og svo allt í einu fær það löðrung og skammir og botnar ekki neitt í neinu.
Svo er það annað mál, dönsk börn eru náttúrlega oft í sandölum útaf sumarveðrinu og þeir eru oftast keyptir alltof stórir svo þau geti notað þau næstu sumur á eftir en málið er að þau eru mum líklegri til að detta þegar sandalarnir eru svona stórir (þetta er gert í sparnaðarskyni). Ég keypti sandala á minn og þeir pössuðu þannig á hann að ég kom vísifingri þvert á milli tánna og sandalans. Svo kom ég í leikskólann og þá sagði kellingin að hann gæti ekki notað þá næsta sumar og að þeir væru of litlir (hann var meira að segja í sokkum þennan dag).
Ég ætla bara ekki að kaupa skó á barnið sem valda því að hann steypist fram fyrir sig-bara í sparnaðarskyni. Það er ekki eins og skór kosti mikið hérna.
Svo eru bara ýmsir svona litlir hlutir í sambandi við Dani og ég held líka að þeir eru búnir að fá sig fullsadda af útlendingum og séu því orðnir hálfgerðir kynþáttahatarar.
Kv
Pernilla

Fyrra álit

ADD fyrir 23 árum, 2 mánuðum

Hvað ertu líka að eiga barn svona ung? Tíhí!! Ég var farin að halda þú værir 17 ára með 4 ára strák. Þá myndi ég nú skilja viðhorfið
Já, það er merkilega mikill menningarmunur milli skildra landa. Ég bjó í Bretlandi á sínum tíma. Þeir berja börnin í stórmörkuðunum og þeim hefði þótt þú stórskrítin að hóta barninu a.m.k. ekki líkamsmeiðingum. Þannig er nú barnauppeldið mismunandi milli landi.
Ekki gefast upp! Stattu hörð á þínu!

Annars voru seinustu fréttir úr Danaveldi sem bárust hingað þær að það ætti að banna reykingar skólabarna á skólalóðinni. Það sér náttúrulega hver maður að þjóð sem bannar börnunum að reykja með bjórnum á skólalóðinni veit ekkert um barnauppeldi ;)

Fyrra álit

GlingGlo fyrir 23 árum, 2 mánuðum

Þú þarft nú ekki að vera í Danmörku til að fá svona viðhorf. Vinkona mín var 21 árs þegar hún eignaðist strákinn sinn og þar að auki var hún einstæð og barnið bara nafn móður sinnar en ekki föður. Þetta varð til þess að margoft var bara litið á hana sem einhvern fávita sem kynni ekki að ala upp börn og t.d. þurfti einu sinni að leggja barnið inn á spítala vegna barkabólgu og mamma vinkonu minnar fór með þeim mæðgininum. Læknirin virti varla vinkonu mína viðlits og beindi öllum spurningum um barnið til ömmunnar þar til hún einfaldlega spurði hann hvort honum væri ekki nær að ræða þessa hluti við móður barnsins sem þekkt það auðvitað best. Þá kom víst smá fát á hann. Einnig fékk þessi vinkona mín fáránlegustu spurningar við þetta sama tækifæri, mjög persónulegar spurningar um hennar einkahagi sem ekki komu málinu við.

Það er víst ekki sama hvort um er að ræða Jón eða séra Jón.

Kveðja,

Fyrra álit

ADD fyrir 23 árum, 2 mánuðum

Þetta þekki ég ágætlega. Ég lenti í þvílíkum málum af því að ég vildi ekki gefa upp nafn barnsföðurs míns. Hann vissi alveg af barninu en ég vildi ekki vera gefa upp nafn hans fyrr en hann væri reiðbúinn - auk þess sem ég var að kanna leiðir til þess að hann þyrfti ekki að greiða meðlag. Ég var ásökuð um að vilja ekki að barnið umgengist föður sinn og barnið átti rétt á þessum peningum - það að ég var í þann mund að fá a.m.k. 3 sinnum hærri tekjur en hann kom málinu ekki við. Hjúkkan sem kom heim var alltaf að skipta sér af og spyrja persónulegra spurninga. Og ég var yfir þrítugt!

Fyrra álit

pernilla fyrir 23 árum, 2 mánuðum

Það er nú reyndar alveg rétt að fordómarnir eru ekki bara hjá Dönunum. Mér líkar mjög vel við danska velferðarkerfið (eins og það er nú kallað) en því síður við Danina.
Danir eignast yfirleitt ekki börn fyrr en um þrítugt og þá er búið að plana allt fyrirfram, allt frá matarkostnaði uppi í háskólakostnað (þ.e.a.s hjá meðal Dananum).
Þegar ég kom hingað fyrst þá var ég yfirleitt spurð hvort ég væri barnapían eða jafnvel stóra systir (!) og heima á Íslandi var það ekkert skárra. Strákurinn minn fékk bakflæði (það er svipað og þegar barn fær magakveisu þ.e.a.s sársaukinn) og ég veit ekki hversu oft ég hringdi upp á spítala, þeir sögðu alltaf að ég væri bara móðursjúk og að ég vissi ekki neitt af því ég var bara tvítug. Það var ekki fyrr en mamma hringdi sem þeir loksins drulluðust til að taka á móti honum og þegar við komum upp á spítala þá töluðu læknarnir bara við mömmu.
En þetta virðist vera efni í aðra grein t.d undir heitinu Fordómar gegn ungum mæðrum (eða bara mæðrum yfirhöfuð)…:)
Kv,
Pernilla

Fyrra álit

Hrebbna fyrir 23 árum, 2 mánuðum

Ég hef heyrt talað um börn sem læra fleiri en eitt tungumál er aðeins á eftir í málþroska en síðan þegar þau eru orðin eldri þá eru þau mun fljótari en jafnaldrar þeirra að læra ný tungumál. Þú þarft ekki að hafa neinar áhyggjur.

Hrebbna

Fyrra álit

ernani fyrir 23 árum, 2 mánuðum

Dóttir mín talar nú reyndar bara eitt tungumál en hún bablaði einhvað óskiljanlegt tungumál þar til hún var um tveggja og hálfs svo bara allt í einu þá byrjaði hún að tala íslensku og hefur ekki hætt síðan. point is þetta kemur bara ekki hafa áhyggjur strax.

Fyrra álit

Maxx fyrir 23 árum, 2 mánuðum

Iss þarft ekki að vera með áhyggjur af þessu, hann fær tvö tungumál svo hann þarf bara sinn tíma til að raða þessu rétt hjá sér “rétta fæla á rétta staði” :)
Dóttir mín er að verða fjagra og hún fær þrjú tungumál (íslenska,enska,þýska)
Mamman er frá austurríki og ég frá íslandi og saman tölum við ensku saman :) en aldrey við dóttur okkar, tölum okkar eigið mál við hana, lengi vel héldum við að hún væri líka sein á sér, but nono, var bara að “fæla þetta rétt”
við héldum líka að hún skildi ekki enskuna sem við töluðum saman, but nono hún skilur þetta allt :)
núna loksins er hún farin að tala bara íslesku við mig og þysku við mömmu sína :) þó hún sé að tala við okkur bæði í einu, skiptir á milli þess sem hún horfir á mig eða mömmuna :o)
Börn eru bara ótruleg :)

Kv Maxx

“If there's one thing you can say about Mankind

Fyrra álit

Laalaa fyrir 23 árum, 2 mánuðum

Ég er nýflutt til Danmerkur með manni og barni (11 mánaða). Við búum í Odense og hann er að fara í nám en ég er bara að dúlla mér. Ég las greinina þína og fannst hún frábær og mundi endilega vilja fá að heyra grein nr. 2 ef þú vildir vera svo væn :).

Kveðja,
Laalaa.

Fyrra álit

Börnin okkar

Börnin okkar

Ofurhugar

Stjórnendur

Hverjir eru inni

Greinar

Tvítyngdur sonur

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi