Zaluki fyrir 23 árum, 6 mánuðum Fjöldi lestra: 1072

Föndur og svoleiðis =)

Ég var að spá í hvort að einhver hérna væri með einhverjar sniðugar hugmyndir að föndri og afþreyingu fyrir börnin okkar.
Ég kann að búa til leir, en svo bara er ég algerlega hugmyndasnauð :/

En ef að einhver hér veit um eitthvað sniðugt sem hægt er að gera þá má sá hinn sami deila því með okkur :) Við getum alltaf notað góðar hugmyndir.

En það skemmtilegasta sem dóttir mín (3 ára) gerir er að fá að fara í baðkarið í pollagallanum og sulla í 4 skyrdollum … með skyrinu í ..
Ég veit að þetta hljómar hálf furðulegt en hún fílar þetta alveg í botn, drullumallar úr þessu villt og galið :) Þetta er reyndar svolítið sóðalegt, en fyrst að þetta er ofan í baðkarinu þá er þetta í lagi ;D
Svo er bara að skella gallanum í vélina og skola baðkarið og dótið sem hún tók með sér .. mjög auðvelt og hún getur skemmt sér við þetta í svolítinn tíma ..

Ég var líka að spá í hvort að einhver hér væri með Hjallastefnuna í gangi heima hjá sér ? Og þá hvort að það gæfi góða raun ?
Mér nefnilega óar við hvað barnið á mikið dót, er búin að skipta því í þrennt og geymi alltaf 2 hluta niðri í geymslu og skipti þegar að hún er komin með leið á dótinu sem er uppi.
Mér finnst hún frekar leika sér með dót ef það er lítið af því.
Annars er ótrúlegt að sjá hvað bara pottur skál og sleif geta gert mikla lukku.

Kærar þakkir :)

Zaluki

———————————————–

hulda fyrir 23 árum, 6 mánuðum

þetta er geðveikt sniðugt með að skifta dótinu, mamma min gerði þetta alltaf :)

Fyrra álit

sexybitz fyrir 23 árum, 6 mánuðum

Ég leifi mínum alltaf að vaska upp áður en ég skúra, hefur gefið mér oft frið til að þrífa, hann dýrkar þetta sko. sullumbull

Fyrra álit

sheena fyrir 23 árum, 6 mánuðum

Ég á tvö sem eru 3 og 4 á árinu og þeim finnst frábært að fá að leira, perla, teikna, lita í litabækur og lesa. Svo fékk dóttir mín (4 ára) samstæðuspil í jólagjöf og þeim finnst æðislegt að fá að spila það og eins svarta pétur. Það er svo margt hægt að gera með þessum elskum ef maður bara gefur sér tíma til þess. Góða skemmtun og vonandi hjálpaði þetta eitthvað. Kveðja Sheena.

Fyrra álit

Drangey fyrir 23 árum, 6 mánuðum

Þegar þú ert að tala um leir þá veit ég ekki hvernig leir þú átt við. Mínum börnum finnst mjög gaman að leika sé með trölladeig og það er auðvelt að búa það til. Og ef þessir hlutir eru geymdir vel þá endast þeir og endast. Það er með þá eins og kristalinn, ef hann dettur í gólfið þá er hann ónýtur. En ef þú átt ekki uppskriftina þá er hún:

1 hluti fínt salt
1 hluti hveiti
3 msk mataolía
heitt vatn.
þetta er bara hnoðað þar til komið er gott deig og gott er að geyma það í lokuðum plastpoka í smá stund áður en það er notað.
Svo er hægt að setja kanil eða negul út í degið þegar það er búið til og þá kemur góð lykt af hlutnum. Þetta er sérstaklega gott þegar búa á til kertastjaka.

Svo er annað sem börnum finnst voða gaman það er að mála steina. Og þá er best að þvo steinana og þurka áður. Líma þá svo saman með límbyssu og mála og skreyta svo. Og það er alveg ótrúlegt hvað þessar elskur eru seig og hugmyndarík og hvað þau gera flotta hluti. Og það er með þessa hluti úr steinum eins og kristalinn, það er best að nota þetta bara upp á skraut.
Ég vona að þetta komi að einhverju gagni.
Gangi þér vel og ég bið að heilsa börnunum þínum.

Fyrra álit

sexybitz fyrir 23 árum, 6 mánuðum

Bakarðu ekki leirinn til að hann harðni? Á hvaða hita þá? var annars að fatta stórkostlegann hlut, nebblega barnaskæri. Ég læt drenginn hafa gömul tímarit og þessháttar og hann klippir út, svo límum við saman á blað. Verður svaka listaverk =) Og gaman líka að fá að puttamála. Verður smá subbó en það er vel þess virði að fylgjast með þessarri elsku verða allann útí málingu =)

Fyrra álit

Drangey fyrir 23 árum, 6 mánuðum

Jú það þarf að baka hann. Ofninn er stiltur á svona 50-100°C og blástur. Frekar minna en meira, svo er gott að opna ofninn annað slagið og hleypa raka út. Það getur tekið alveg nokkra klukkutíma að baka stóra hluti. Ég hef bakað stórar styttur í 2 heila daga (- nóttina) Gangi ykkur vel.

Fyrra álit

Olversdottir fyrir 23 árum, 6 mánuðum

Ég er með 2 börn 3 og 5 ára. Þau eru með bílateppi sem ég keypti fyrir þau í Húsasmiðjunni og dunda við það tímonum saman. Svo búum við til bílskúra og hús úr gömlum pappakössum og málum og litum og einnig littlar dúkkulísur sem eru fólkið í leiknum. Þannig að ef ég hef ekki tíma til að vera með þeim þá eru þau að leika sér við þetta en þegar ég get verið með þeim þá erum við að skapa saman nýa hluti. Þetta kostar ekki mikinn pening en er meiriháttar leiksvæði og einnig fá þau útrás fyrir hugmyndaflugið á þessu. Það eru oft frábærir kallar og kellingar sem þau búa til :)) Svo eru komnar heilu fjölskyldurnar með börn og allt og börnin fara á leikskólann á meðan mamma og pabbi fara í vinnuna …. Vona að þetta gefi þér hugmynd í viðbót :)
Kveðja StarCat

Fyrra álit

Börnin okkar

Börnin okkar

Ofurhugar

Stjórnendur

Hverjir eru inni

Greinar

Föndur og svoleiðis =)

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi