Hefuru kíkt á http://www.islandia.is/%7Ebring/mgs.htm ? Fullt af fæðingarsögum þar ;)

Sæl axelma :)
Jæja, núna á ég strák sem verður eins árs eftir nokkra daga. Fæðingarsagan mín…. ég skal deila henni svolítið með þér.
Ég var í 16 tíma hríðum, fékk allar þær deifingar sem til eru, en það eina sem virkaði var mænustungan, ég mundi alls ekki ráðleggja þér að fá mænustungu. Eftir að ég fekk hana fór allt vitlaust :( ég var sett af stað á þrjá vegu, með stíl, dripp í æð og svo var sprengdur belgurinn hjá mér. Ekkert gekk að koma mér af stað og ég var stopp með 8 í útvíkkun. Þá var mér brunað niður á stofu og sonur minn tekinn með keisara.
Svona er mín saga í grófum dráttum…. sonur minn fór beint upp á vökudeild en ég náði að hvílast vel.
Sko, ég er alls ekki að hræða þig… aaaalls ekki, því trúðu mér, þetta er svo innilega þess virði. Ég hef heyrt margar margar margar sögur af fæðingum, og þær eru allar erfiðar þannig lagað, en hver einasta mamman sem ég þekki segir einfaldlega “maður gleymir sársaukanum um leið og maður fær barnið í hendurnar” og það er svo innilega satt. en endilega ekki kvíða fyrir fæðinguna, það er eitthvað sem þú þarft ekki að gera, í rauninni er þetta ekki eins erfitt og sagt er og er í bíómyndum. Auðvitað upplifa einhverjar þetta einsog í bíómyndunum, fæðingar eru misjafnlega erfiðar, ég þekki margar sem fóru bara uppa spítala og voru orðnar mömmur innan klukkutíma.
Gerðu það fyrir mig að kvíða ekki fyrir fæðinguna, ég tel mína hafa verið frekar erfiða, en ég gleymdi öllu um leið!!
Ekki kvíða fyrir fæðinguna, hlakkaðu til að fá barnið! ;)
Vonandi hræddi ég þig ekki :/
Kv Hildima

Langflestar fæðingar eru tíðindalausar og ganga vel. Ég er nýbúin að eignast barn. Fæðingin tók langan tíma, lengri en venjulega en var samt ekkert mál. Strax og barnið var komið út þá hefði ég alveg verið til í þetta aftur. Ekkert drama og ekkert ýkt, bara mjög eðlilegt. Hlustaðu bara á sjálfa þig og reyndu að stjórna ferlinu sjálf, gerðu bara það sem þér þykir best og gangi þér rosalega vel :)

kv. daja

Vinur minn ráðlagði mér að áður en stóra stundin myndi renna upp að þá væri gott að vera búinn að horfa á Exorcist :)

Æi greyið mitt :)

Það er að sjálfsögðu mjög eðlilegt að vera kvíðin, en mundu það að jákvæðu fæðingasögurnar þykja ekkert merkilegar, þær eru svo margar, þessvegna segir þær engir. Ég fæddi minn strák sumarið 2000. Ég var einmitt líka mjög lítil og nett, ég er 1.63 og var kannski 45 kg þegar ég varð ólétt. Ég vaknaði með hríðir klukkan fjögur um nótt, komin tíu daga framyfir, tyllti mér inn í eldhús og las bók, vakti kærastann minn svona tveimur tímum síðar, hann keyrði mig úr Breiðholtinu til Keflavíkur um klukkan tíu, en þá var ég semsagt búin að vera með hríðir í um sex tíma. Þegar ég kom þangað um ellefu leytið, var ég komin með sjö í útvíkkun og það liðu kannski tvær mínútur milli hríða. Ég reyndi að fá súrefni, en mistókst alltaf að láta grímuna virka, svo ég var hjálpartækjalaus. Var búin að fæða klukkan hálftvö. Það eina sem mér fannst hræðilegt, svona eftir á að hyggja, var að láta sauma mig, en margar eru svo dofnar eftir fæðinguna að þær finna ekkert fyrir því. Þetta var dásamleg reynsla og mig langar að gera þetta tíu sinnum í viðbót.


Ég hafði heyrt að það væri rosalega erfitt fyrir ungar og/eða óöruggar stelpur sem væru að fæða í fyrsta skipti, að eiga á Lansanum, sérstaklega á sumrin þegar það er mikið um frí. Spítalinn er undirmannaður eins og andskotinn og það hefur, eins og fram hefur komið í fréttum undanfarið, bara versnað síðan þá. Þess vegna bað ég um að fá að fæða á Heilbrigðisstofnun Suðurnesja, þar er allt rosalega rólegt, yndislegt starfsfólk sem hefur nógan tíma fyrir þig og þú mátt vera á spítalanum þangað til þú treystir þér til að fara heim. Það fannst mér ómetanlegt, kann starfsfólki stofnunarinnar bestu þakkir fyrir og mæli með þessu fyrir allar óöruggar verðandi mæður, andrúmsloftið er bara miklu betra. Einnig er hægt að fæða í vatni þar fyrir þær sem hafa áhuga.

Ef það er eitthvað sem þú vilt vita meira, eða bara spjalla, er þér velkomið að senda mér skilaboð eða eitthvað. Einnig er örugglega mikil hjálp í konunum á barnaland.is. Gangi þér rosalega vel og reyndu að hlakka bara til :)

Kær kveðja, Hildur.

Innilega til hamingju með óléttuna;)
Þetta á allt saman eftir að ganga eins og í sögu!! Ég finn það svona á mér;)
Mín fæðingasaga er ein af þessum slæmu þó svo að það hafi ekki farið neitt úrskeiðis þannig séð.

Ég fór upp á spítala klukkan hálf 8 um kvöldið og var þá búin að vera með hríðar allann daginn. Þá var ég komin með heila 4!!! í útvíkkun ;) klukkan 12 var hún 4,5 og klukkan 6 eftir að ég missti vatnið var útvíkkunin 6;)
Strákurinn kom svo í heiminn klukkan 11:45 eftir mikið basl og ég grátbað víst um að fá að hætta við, fara í keisara og láta senda mig suður svo að ég gæti fengið mænustungu. ;)
Kærastinn minn lýsti þessu einmitt við exorcist eins og einhver sagði hérna áðan;)
Ég hef heyrt bæði að mænustungan eyðileggi og að hún bjargi ;) Ég veit að ég hefði gefið mömmu mína fyrir svoleiðis á þeim tíma en ég lifði alveg af án hennar ;)
Fór 10 daga fram yfir og var orðin svolítið kvíðin og það getur hægt á fæðingunni ;)
Þetta verður búið fyrir rest og ég VEIT;) að þetta á eftir að ganga eins og í sögu ;)
En mitt barn verður einkabarn hehe..
Til hamingju aftu

já ég verð að taka undir með þér þetta með nettu konurnar og góðar fæðingar

svo er þetta með slæmu sögurnar …. þær eru bara meira áberandi (rétt eins og slæm þjónusta er alltaf mun meira áberandi en góð)

gangi þér rosalega vel og til lukku með kúlubúann =)

Hæ hæ

Mig langar til að segja þér frá því sem að ég vildi að ég hefði vitað, og það sem að kom mér á óvart.

Ég er ein af þessum sem að átti svona öfga fæðingu.
Og ekki orð um það meir.

Það sem að er mikilvægt er að vita líka hvernig það er að fara í keisara.
Þannig að ef að það endar í keisara, þá ertu ekki jafn hrædd, og óttin er eitthvað sem að skemmir augnarblikið BIG TIME !!!

Ég fór í keisara með mænurótardeifingu.
Ég var sem sagt vakandi, en var mjög útkeyrð.
Inni í skurðstofunni eru 2 læknar, ljósmóðir, svæfingarlæknir og 2 hjúkrunarkonur.
Svæfingarlæknirinn kemur til með að athuga hvort að deyfingin er að virka rétt.
Báðar hendur eru bundnar niður í keisara, til þess að allar nálar og mælar liggi rétt.
Það er eðlilegt að finna fyrir sársauka fyrir brjóstinu á meðan á keisaranum stendur.
Það gerist als ekki alltaf en það getur gerst.
Maðurinn þinn fær að vera hjá þér.
það er skorðið, og þegar að verið er að taka barnið úr finnur maður að það er verið að hreifa líkaman til, barnið er skoðað og svo færðu að sjá það í smá stund, 1 mín eða svo.
Svo er byrjað að sauma þig saman og barnið fer á vökudeild.
Eftir um 1 klst er búið að sauma og eftir um 2-3 klst færðu að knúsa krílið ef að allt hefur farið vel.
Ef að þú lendir í keisara, skaltu gleyma öllum hetju stælum.
Það er ný búið að skera gat á magan á þér og þú ert ekki eins og koma sem er búin að fæða eðlilega.
Ekki reyna NEITT á þig fyrstu 4 vikurnar, ég brenndi mig illa á hetju stælunum.

Það sem að kom mér á óvart.

Það kom mér mjög á óvart hvað ég átti auðvelt með hríðarnar.
Sársaukin var eitthvað sem að ég bjóst ekki við að ráða svona vel við.

Ég bjóst ekki við því að vera svona róleg þegar að hlutirnir gengu illa.

Hreifðu þig eins mikið og þú getur.
farðu á hækjur þér í hríðunum ef að þú getur.
Það að fara á hækjur sér víkkar grindina um allt að 10 % og auðveldar því útvíkkunina.
prófaðu allar stellingar.

Ég er með miljón tips í huganum.
Ef að þú vilt spyrja um eitthvað endilega sendu mér bara línu.

Kveðja
Namo

Ertu búin að lesa “Konur með ein í útvikun fær engin samuð”?? Það er bók sem islennska konur er búin að skrifa niður sina fædinga sögur. Þar eru sögur frá 1960 og fram að 2002 þegar bókin er gefin út.

Er að lesa bókin núna og það er mjög gaman að lesa kvernig adra konur eru buin að upplifa að fæda barn.

Gangi þér vel með meðgönguna.
Kv Sofie

Þar sem ég er ennþá að fá svör við þessari grein, langar mig að færa ykkur þær gleðifréttir að ég er búin að eiga. :)

Ég fékk lítinn prins í heiminn þann 31. maí s.l. hann var 50.7cm og 12.5 mörk. Fæðingin sjálf gekk vel, þrátt fyrir sólarhrings hríðir.

En ég þakka innilega fyrir góð svör og góðar undirtektir og ráð. :)

Axelma