Dr. Phil fær fullt af pening fyrir að segja við fífl “Hættu að láta eins og fífl og hagaðu þér eins og manneskja!”. Það er allavega það sem ég hef úr þessum þáttum. Allt sem hann segir er bara common sense og liðið sem kemur til hans er skemmt og vitlaust. Djöfull vildi ég að ég hefði átt hugmyndina af þessu, væri alveg til að sitja í stól og skamma fífl fyrir að vera svona fíflaleg. Geta skellt út frösum eins og “ Hættu þessari helvítis vitleysu og taktu þig á kona!”.

Eða eitthvað…

Fannst þér þetta allt vera amerísk della?

Ég nefnilega hef sjálf haft mjög mikið gagn af þessum þáttum.
Þegar maður er pirraður á börnunum, þá er auðvelt að falla í einhverja gryfju, segja eitthvað sem maður meinar ekki og börn skilja ekki, en þau túlka það bara allt öðru vísi en maður ætlar.

Mér finnst mjög gott mál að hann skuli vekja máls á því sem börnin hugsa þegar mamman segir “stundum vildi ég að ég hefði ekki eignast þig!!” .. þvílík höfnun fyrir barnið, en móðirin segir þetta sennilega vegna þess að hún er uppfull af einhverri gremju sem í raun kemur barninu ekkert við.

Nú ætla ég að vitna í þig aðeins.

“Það komu önnur hjón þar sem konan var grátandi yfir því að
maðurinn hennar vildi ekki að hún ynni úti, væri bara heima
með börnunum. Ef börnin voru leiðinleg, hringdi hún í hann
og hann kom heim úr vinnu eins fljótt og hann gat. Réð hún
ekkert við þau? Eða er þetta svona? (Nú á ég engin börn
sjálf).”

Veistu, ég skildi þessa konu 110%!
Ég ætla að viðurkenna það hér og nú þó það sé erfitt, að ég hef hringt grátandi í manninn og beðið hann um að koma heim af því að börnin voru gersamlega að gera mig snælduvitlausa.
Ég hreinlega varð að komast út og frá börnunum í smátíma .. eins ljótt og það hljómar :(

Það er ekki auðvelt að vera ein heima með 3 börn allan daginn (þessi 2 eldri voru ekki komin inn á leikskóla á þessum tíma) og ég var með mjög erfitt ungabarn sem þurfti að halda á helst allan daginn, miðbarnið er mjög krefjandi og virðist stundum sem að hann sjúgi úr manni alla orku.
Þetta álag er mjög niðurbrjótandi til lengri tíma og hefur verulega neikvæð áhrif á sálarlífið hjá manni.

Ég ræð stundum ekkert við miðbarnið mitt og viðurkenni það fullkomlega, hann er rúmlega 2 ára og það er án gríns alveg hrikalegur aldur þegar það kemur að skapinu í þessum elskum.
Þau eru mikið að uppgvöta sjálf sig og eru mjög sjálfstæð, og nota orðið “nei” í óhófi og öskra ef ekkert annað er að virka. :D


Án þess að vilja fullyrða eitt eða neitt, þá held ég að næstum allar mæður (og pabbar líka) fái oft nóg, án þess að það skerði móðurhæfileika þeirra á einn eða neinn hátt.

Málið er bara að vinna sig út úr þessari spennu, og þá hafa ráð Dr.Phil td virkað mjög rökrétt á mig, og hjálpa foreldrum að skilja að það er sama hvað maður er argur og pirraður, börnin báðu ekki um að fæðast, þau báðu ekki um mann sjálfan sem foreldri sitt og þau eiga EKKI skilið að þau fái að heyra svona hluti eins og þau séu óæskileg eða aðra ljóta hluti.

Ég byrjaði að horfa á þessa þætti með hugarfarinu “æj þetta er einhver kanadella .. vælandi fólk í sjónvarpinu *æl*” en ég er að skipta um skoðun þó að sumt fólkið þarna sé alveg út úr kortinu :)

Bottom line .. ég held að allavega í sambandi við foreldrahlutverkið þá er hann að gefa virkilega rökrétt ráð og koma með frábæra punkta sem allir foreldrar verða að hafa alltaf í huga þegar við tölum við börnin okkar.

Zaluki .. sem vonandi hljómar ekki eins og kanasleikja :D

Já ísland er orðið alveg ótrúlega ameríkanaserað…bý sjálf í Danmörku og DANIR eru að hafa áhyggjur af því að ÞEIR séu það! Þeir hefðu gott af einni ferð til Íslands til að átta sig…öhm…ég meina miniBNA.

Mér finnst nú bara mikið hugrekki og gott hjá þessu fólki að leita sér aðstoðar. Þessar konur eru greinilega ekki sáttar við þessar tilfiningar og vilja gera betur. Held að það sé alltaf gott að taka sjálfan sig í naflaskoðun og skoða hvaða tilfinningar liggja á baki og hvernig er hægt að vinna úr þeim. Mér finnst nú bara mjög margt af því sem Dr. Phil segir verulega gott. Þó þetta sé kannski margt kommon sens þá er oft rosalega gott að þurfa að setjast niður og koma tilfinningum sínum í orð til að einfaldlega skilja þær betur og sjá hlutina út frá öðru sjónarhorni. Þannig fær maður betri yfirsýn og getur komið auga á lausnir sem maður sá ekki á meðan maður var fastur í einhverri gremju og vanlíðan.

Það koma alveg tímabil þar sem ég er agalega þreytt og pirruð á mínum börnum og stundum hefur maður sagt eitthvað sem maður hefði ekki átt að segja, þó þetta sé nú ekki svona slæmt eins og sumar lýsingarnar þarna. Tek alveg undir með Zaluki í þessu máli.

Ég sá einmitt hluta af þessum þætti sem þú minnist á og fannst Dr. Phil standa sig nokkuð vel að tala við surfer gelluna sem sá eftir að eignast börnin sín. Reyndar var hún ekki alveg að spila með á köflum en það var bara ágætt.

Merkilega áhorfsvænn þáttur, Dr. Phil er með skemmtilegan hreim og stundum nokkuð fyndinn, en aðallega virtist hann láta fólk hafa það þegar það átti það skilið. Ekkert faðmogvæl kjaftæði.

Svo sá ég nú ekki að vandamálin (þessi tvö eða svo sem ég varð vitni að) í þessum þætti hafi verið smá mál.

Ég veit ekkert hvort og afhverju meirihluti Bandaríkjamanni gangi til geðlæknis, en ef þeir finna þörf fyrir það er kannski betra að láta verða af því.

Var að horfa á þáttinn! sumt af því sem kom fram þarna var auðvitað fáránlegt! t.d að láta börnin vita af því að þau voru ekki velkomin. EN þar sem ég sat og horfði þá fór ég að spá, ég er búin að vera inni hérna heima með 2 veik börn og sjálf veik á 6 viku!!!!!!! jebb maðurinn er sjómaður og ég kemst ekkert út! það eina sem ég hef gert er að fara út í búð…. maður getur orðið alveg slétt pirraður og ég skil sko alveg sumt af því sem þær voru að segja og ég viðurkenni það að stundum langar manni hreinlega til að ganga út! þó gerir maður það ekki því það er auðvitað það dýrmætasta sem maður á og það eru börnin. Ég held að fólk sem eru ekki foreldrar geti aldrei skilið það fyrr en hafa reynt að vera með börn og jafnvel nokkur ;=)
kv Saga

Ég held að þessi maður sé bara einhver rugludallur. Ég hef ekki mikið nennt að horfa á þessa þætti en ég heyrði að hann hefði sagt við konu sem átti strák sem hafði gaman af að leika með dúkkur að hún ætti bara að taka það allt af honum og kaupa strákadót. Mér finnst það bara rugl. Ég hefði frekar haldið að maður ætti að styðja börnin sín í því sem þeim þykir gaman. Nú ef þessi strákur reynist síðan vera hommi, þá er þegar búið að berja hann niður af foreldrunum og hann á erfiðara með að segja þeim það vegna þess að þau bönnuðu honum að vera stelpulegur.

Ég viðurkenni það nú bara hér og nú að mér finnst þetta vera nokkuð góðir þættir.
Hef bara ekkert út á þá að setja.
En ég varð virkilega pirruð á fyrstu mömmuni sem kom, sem ætlaði fyrst að ættleiða son sinn og vildi betra líf(surfa og sóla sig?)
Það var greinilegt að hún var að draga rosaleg úr því sem hún hefur látið út úr sér við börnin sín.
Þorði greinilega ekki að viðurkenna það í sjónvarpinu og leit bara á sig sem þetta þvílika fórnarlamb.

Ég myndi nú ekkert vera að taka neitt allt of mikið mark á honum Phil, enda er hann bara að segja við allt þetta fólk það sem að vinir þeirra og kunningjar hafa líkast til verið að tyggja ofan í þau í mörg ár, en þau verða að komast í beina útsendingu til þess að taka loks mark á þessu.
Eina ástæðan fyrir því að ég tolli fyrir framan þessa þætti, þegar ég geri það, er til þess að virða fyrir mér vesalings fólkið sem hefur orðið svona illa á í messunni og leitar ráða sem voru beint undir nefinu á þeim allan tíman (þau myndu líkast til sjá þessi ráð, ef að nefið vísaði ekki nánast ávalt beint upp í loftið).
Svo er náttúrulega pæling hvort að þetta sé ekki bara enn eitt svona Jerry Springer dæmið, allt bara sviðsett? :/