Ég hef fylgst með Hlyni Snæ frá því að hann var nýfæddur, og hann er svo sannarlega duglegur strákur.

Þið megið alveg búast við einhverjum veikindum fyrsta árið á leikskólanum, það var tilfellið þegar stelpan mín byrjaði á leikskólanum, hún kom heim með allar pestir sem voru í boði, og smitaði bróðir sinn, en hún er hinsvegar hætt að verða veik núna.

Núna eru mín börn nýbyrjuð á nýjum leikskóla, og eru mjög ánægð, þau eru alls 19 á þeim leikskóla þannig að þetta er mjög afslappað andrúmsloft þar.
Það er engin dagskrá komin í gang þar ennþá, enda er bara vika síðan sumarleyfinu þar lauk, en það verður skólahópur til dæmis fyrir elstu börnin þegar það fer að hausta meira.
Þau fara mikið í fjöruferðir (bý í smáþorpi) og hafa farið 2x í berjamó síðan þau byrjuðu.

Það eina sem mér finnst virkilega skipta máli þegar börnin eru á leikskóla er það að þeim líði vel þar og að þau vilji fara á leikskólann, það er alltaf gott merki um að þeim líði vel þar.
Einnig finnst mér það skipta miklu máli að það sé ekkert of stíf dagskrá hjá þeim, þau fái sinn tíma til að gera það sem þau eru að gera, og það sé ekki sífellt verið að skipta yfir í einhver önnur verkefni.

Svo er það þriðji hluturinn sem skiptir máli, það er maturinn, að hann sé hollur og ekki mikið af kjötvöru sem er mikið unnin, því ferskara því betra.

Annars er þetta oftast erfiðara fyrir foreldrana en börnin, að byrja á leikskóla, það er svo erfitt að sleppa af þeim hendinni :)

Ég vona að þetta gangi allt vel og að honum líki vistin þarna vel.

Já gangi honum vel!

Þegar að littla konan mín var að gyrja á leikskólanum keypti ég littla bók, sem að er um hvolp sem er að byrja á leikskólanum.
Helgina áður en hún byrjaði fór ég með hana á leikvöllinn og leifði henni að skoða.
Þegar að við gengum inn á leikskólalóðina fyrsta daginn hennar, hrópaði littla daman mín.
“ Ég er komin á leikskólann”.
Við vorum í aðlögun hálfann daginn í 4 daga.
Og það eina sem að ég gerði þann tíma var að leika við önnur börn, því að hún dóttir mín þurfti ekkert á mér að halda.
Var alltof upptekin við að leika sér.

Vist hennar á leiskólanum hefu alltaf verið yndisleg og ég býst ekki við því að það komi til með að breytast.

Ég tók mér góðan tíma í að skoða heimasíðuna ykkar.
Þetta er ótrúlega góð síða.
Ég var mjög djúpt snortin.
Og gerði mig ótúlega þakkláta fyrir það að fá að ganga með dóttur mína allan meðgöngutíman.

Með kveðju.
Namo