Nota vatnsbyssu, eða kaupa svona hundaól, nema þá ert þú með fjarstýringu og gefur þeim rafstuð eftir vild.

Kannski verðuru bara að sýna smá hörku, ég er ekki að segja að þú eigir að lemja þær eða neitt, en þú verður að halda aftur af þeim með höndunum, beinlínis halda þeim föstum þar til þær róast og þá geturu talað við þær um hvað það er erfitt að passa þær og solleiðis. Þú verður bara að bíða eftir rétta tækifærinu, ég meina einhverntíman verða þær þreyttar og róast.

Síðan virkar eitt sem hafði alltaf virkað á mig þegar ég var lítill, en það var að leyfa þeim að leika sér (samt verðuru að passa að þær brjóti eitthvað) og ef önnur þeirra dettur og meiðir sig, þá er rétti tíminn til að húðskamma þær og virkilega að láta þær heyra það (maður náttla blótar ekki, ekki taka því þannig) og þá er séns á að þær, í smávegist sjokki, taka við þessu og munu muna þetta, og ef þetta gerist aftur þá enturtekuru leikinn.

Ég er ekki að tryggja að þetta virki en prófaðu að minnsta kosti.

ég er nú einginn sérfræðingur en gæti þetta ekki verið ofvirkni ég mundi kíkja til læknis með þær
Gangi þér vel

oki vó , ég ætla ekki að eignast börn.
hafa þær einhvern tíman séð þig gráta ??
ef þú ferð að grenja fyrir framan þær.. þá skilja þær þig kannski..
æi ekki hlusta á mig ;)
ég er eiginlega sjálf barn ennþá :)

Ég vorkenni þér þegar þær verða eldri. Eins og til dæmis ég. Ég var alltaf með eitthver læti en ég hlíddi allaveganna, en svo þegar maður fer í 7. bekk þá verður maður að vera cool með hinum krökkunum og vera jafn lengi úti og þau og shit eins og það. En síðan þegar þau verða kanski aðeins eldri þá fara þau að gera eitthverja vitleisu, eins og til dæmis að drekka og reykja og reyna að komast í vímu. Núna var ég að lísa sjálfum mér því að þetta var svona hjá mér, ég byrjaði að drekka og út frá því fór ég að reykja og síðan fór ég að sniffa gas sem ég mun aldrei gera aftur. Þannig að mínu mati ættiru ekki að vera þreitt eftir þetta heldur þarftu að kvíða þangað til þær komast á táningsaldurinn. En mín ráð myndu nú vera að þú myndir vera mun strangari við stelpurnar og láta ekkert undan, ef það virkar ekki þá bara get ég ekki hjálpað þér.

Bara taka í lurginn á þeim.

Hæ Hjarta!

Þetta hlýtur að vera erfitt ástand fyrir þig, ertu ein með þær?
Það er eitt sem þú verður að passa og það er að láta þær hlýða þér. Þær mega alls ekki komast upp með óþægðina, því þá hætta þær alveg að hlusta á þig. Hvort sem þú notar time-out aðferð eða einhverja aðra þá verðurðu að passa að láta þær gegna þér í hvert einasta skipti (aldrei hóta einhverju og ekki standa við það). Það er svo auðvelt að gelta bara á þau og nenna svo ekki að standa upp úr sófanum (í fimmtugasta sinn), en það er þess virði. Ég á sjálf þrjár stelpur sem allar hafa gengið í gegnum svona tímabil (reynt að hafa sitt fram og ekki hlusta á foreldrana) en við höfum alltaf gripið inn í og passað að þær gangi ekki á lagið. T.d. ef einhver er með óhemju læti og hættir ekki þegar henni er sagt það, þá er náð í hana og hún látin leggjast í sófann og liggja þar í kannski 5 mínútur til að róa sig. Þá þarf líka að passa að sitja hjá henni og tala rólega við hana, en það svínvirkar hjá okkur allavega. Vonandi tekst þér að ná tökum á þessu, það er hræðilega lýjandi að standa í svona baráttu.

Sæl, Passaðu uppá innantómar hótanir, þú veist að hóta einhverju , sem maður stendur að sjálfsögðu ekki við. Ég held að öllum hætti við að nota þær, þú veist “ ef þú kemur ekki núna, þá skil ég þig bara eftir” Börnin læra mjög fljótt að svona hótanir eru merkingalausar, þeim er aldrei framfylgt. Foreldri sem notar innantómar hótanir er búinn að missa stjórnina og börnin hafa sigrað.

Annað eru fölsku valkostirnir, að segja td, “viltu taka saman dótið?” í stað þess að segja “taktu saman dótið”. Eða “Í hverju viltu fara í leikskólann?” í stað “Hvort viltu fara í rauðu peysunni eða bláu?”

Taktu stjórnina bara,það ert þú sem ræður. Veittu börnunum þínum sanngjarnan aga, þau læra að meta það.

kveðja, Mæja

Svæfðu þær (m.svefnlyfi) og sendu þær með bögglapósti Íslandspósts til Egilstaða!
(EKKI skrifa return-to-sender aftan á pakkann)

Það myndi ég gera…

Sæl Hjarta, mikið rosalega vorkenni ég þér. Ég á nú ekki barn en er að læra að vera leikskólakennari og var akkúrat á foreldrafundi um daginn þar sem foreldrarnir voru að gefast upp á barninu sínu þar sem það hlýddi engu, þau leituðu til leikskólakennarans og þau unnu úr þessu saman þar sem barnið var bandbrjálað á leikskólanum líka. Nú er hálft ár frá því að foreldrarnir og leikskólinn byrjuðu að hjálpast að og þvílíkur munur á einu barni.
Ég veit ekki hvort þetta muni gagnast þér á einhvern hátt en í guðanna bænum leitaðu hjálpar það þolir enginn þetta til lengdar.
Kveðja asley

Ok, það var barnasálfræðingur í imbanum um daginn sem tók á svona erfiðum krökkum. Það voru hjón með 2 stráka. Alla vega, þeir áttu að vera inní stofu að leika sér og máttu ekki koma inní eldhús þar sem hann og foreldrarnir voru að tala saman. Strákurinn gat náttúrulega ekki hamið sig að koma hlaupandi inn og barnasálfræðingurinn tók í handlegginn á honum og leiddi hann uppí herbergi. Galdurinn er engar samræður, engir samningar, engar skammir, bara sagði við hann, þú veist af hverju ég er að láta þig hingað inn. Svo hélt þetta svona áfram. Strákurinn þurfti að prófa að standa á þröskuldinum, setja eina tá innfyrir, teygja sig inn yfir gólfið o.s.frv. og ábyggilega var það ca. 10 sinnum sem hann þurfti að fara með hann uppí herbergi en á endanum var hann búinn að ná þessu. Hann sagði hins vegar að það sem strákarnir voru búnir að komast upp með slæma hegðun við foreldrana, þá yrði það 10 sinnum erfiðara fyrir þau.

Alla vega geturðu prófað að tala við barnasálfræðing til að fá ráð eða skroppið á bókasafnið og fengið nokkrar bækur um uppeldi lánaðar en þetta með skammarkrókinn á alla vega að virka ef það er rétt farið að. Ég hef líka heyrt viðmiðun að barn eigi að vera eina mínútu í skammarkrók/inní herbergi fyrir hvert ár sem það er gamalt þannig að 4 ára barn má vera þar í 4 mínútur. Ástæðan fyrir að það má ekki vera að ræða of mikið við þau þegar þau eru sett í skammarkrókinn er að þau eru oft að fiska eftir athygli og ef það er komið samtal, þá eru þau búin að fá hana.

Í sambandi við öll þessi hlaup, þá ættirðu kannski að athuga hvort þær eru of ungar til að koma þeim í dans eða fimleika eða eitthvað þar sem þær gætu fengið smá útrás.

Það var líka sami barnasálfræðingur sem tók á því að það var strákur sem læddist alltaf inn til systur sinnar á nóttunni til að spjalla og þau sváfu náttúrulega hvorugt. Sálfræðingurinn ásamt foreldrunum sátu niðrí eldhúsi nokkur kvöld og tókst að venja hann af þessu. Þau hengdu dót á hurðarhúninn þannig að þau heyrðu þegar hann opnaði hurðina og fóru þá strax, aftur ekkert talað við hann, bara leiddur aftur inní sitt herbergi og lokað.

Hæ hæ, það sem þú þarft að gera til að brjóta upp þetta mynstur er að hætta að eyða orku þinni í skammir og neikvæða athygli! Ekki halda ræður yfir þeim þegar þær eru að óhlýðnast! haltu ræður yfir þeim þegar þær eru að gera RÉTT!! þannig kennir þú þeim að haga sér á réttan hátt því þú gefur þeim jákvæða athygli fyrir rétta hegðun. Við föllum nefnilega í þá gryfju að reyna að kenna börnunum okkar reglur og mannasiði þegar þau eru að BRJÓTA þær en EKKI þegar þau halda þær og fara eftir þeim og sýna góða mannasiði, þannig styrkjum við í raun það að brjóta reglurnar sem var einmitt ekki það sem við vildum. Það sem þú þarft að gera er að eyða MIKLU púðri í að taka eftir litlu skruddunum þínum á hverjum degi þegar þær eru duglegar að dunda sér, eru ekki með óhemjuskap, eru bara að haga sér eins og þú vilt sjá þær gera, þá ferðu til þeirra og speglar það sem þær eru að gera t.d. ég sé að þið eruð í dúkkuleik og eruð búnar að raða upp öllum dúkkunum og eruð að gefa þeim kaffi, mikið er þetta skemmtilegur og fallegur leikur hjá ykkur! Ekkert meira! hlutlaus lýsing á því sem þær eru að gera…….þannig sendir þú þeim skilaboðin: Ég sé þig þegar þú ert að haga þér á æskilegan hátt og smátt og smátt fara þær að sjá að það er miklu eftirsóknarverðara að haga sér VEL en ILLA. Þú ert uppáhalds leikfangið þeirra og einhverra hluta vegna þá ertu miklu skemmtilegri þegar þær haga sér ILLA heldur en þegar þær hagar sér VEL….því þegar þær haga sér illa þá fá þær þig til að gera allskyns hluti og þær geta verið viss um að ef þær hagar sér illa þá kemur þú og gefur þeim helling af neikvæðri athygli. Börn á aldrinum 3-4 ára eru mjög oft erfið og krefjast mikills af foreldrum sínum. Þú ert að gera margt gott í uppeldinu þú þarft bara að breyta aðeins áherslunum hjá þér, þ.e. auka viðbrögðin þegar þær sýna æskilega hegðun (og þá meina ég bara dags daglega æskilega hegðun) og minnka og helst láta hverfa neikvæðu viðbrögðin þegar þær haga sér illa. Þá er ég ekki að meina að þú eigir að láta þær vaða uppi með læti….nei nei nei, þú stoppar þær auðvitað en notaðu sem fæst orð, t.d. ef þær lemja þig, þá stoppar þú þær strax og segir ÉG vil ekki láta lemja mig/eða þú lemur ekki mömmu þína og lætur þar við sitja eða sumir velja líka að nota stól/herbergi þar sem barnið þarf að sitja í 30 sekúndur ef það brýtur reglur (30 sekúndur er alveg jafn árangursríkt og 3 mínútur). En stóllinn/einveran er vandmeðfarin því það þarf að forðast að veita neikvæða athygli meðan barnið er að taka út sína refsingu, ekki halda ræður,skamma eða tuða, heldur þarf að vera alveg hlutlaus og ekki gefa nein viðbrögð þó barnið streitist við. Þegar barnið fer eftir reglunum eða er ekki að öskra þá áttu að benda því á að þú hafir séð að það var reitt en samt var það ekkert að öskra eða lemja……vertu á undan barninu, um leið og þú finnur að það er að missa stjórnina segðu þetta þá við það….það er alveg ótrúlegt hvað það virkar fínt!! vera fyrr til að hrósa þannig að barninu gefst ekki færi á að haga sér illa……því áður en það missir stjórnina á sér þá er það etv. ekki að haga sér óæskilega og þá gefst þér tækifæri til að hrósa því áður en það nær að vera óþekkt!! Og eitt annað, hrós má ekki vera of opið og innantómt…..ekki segja bara fínt hjá þér, eða gott hjá þér eða dugleg stelpa! þegar þú hrósar…….notaðu fyrst lýsingu á því sem barnið er að gera og svo í lokin máttu segja Gott hjá þér! því þá veit það líka hvað var svona gott hjá mér, miklu skýrara og virkar betur.
Reyndu að velja hvaða hegðun þú getur “ignorað” og hvaða hegðun þú þarft að stoppa. Ekki nota óskýr fyrirmæli sem bjóða upp á val s.s. Viltu fara að klæða þig, segðu frekar Núna skaltu klæða þig eða eitthvað álíka, aldrei að bjóða val ef það er ekki í boði! Phewww ég gæti haldið áfram endalaust :) læt þetta duga núna. Ég hef notað þessa aðferð í næstum eitt ár núna og það er alveg ótrúlegt hvað hún virkar vel……og fljótt!!
Gangi þér vel,
Sera
Heimasíða uppeldisaðferðarinnar

http://www.difficultchild.com/

Hvar er pabbinn? Mínar hlýða stundum ekki mömmu sinni, en alltaf mér ef ég set um sérstakan svip. Faðirinn getur 100% agað þær.

Þú átt alla mína samuð með þetta vandamál. 'Eg á einn 5 ára sem er ansi virkur yfirleitt, og lætur illla að stjórn. Það sem hefur þó virkað á hann er 1-2-3. Þá byrja ég á að segja honum, t.d. að fara í rúmið, ef hann hlýðir ekki þá kemur rúm 1. eftir það rúm 2, og ef ég kemst í rúm 3 þá missir hann einhver fríðindi í x langann tíma (fer eftir aðstæðum)
Það virkar ekkert á hann að fara í einveru, ekki boffs, hann skilur engan vegin samhengið á milli þar!
Þetta svínvirkar, það er, strax eftir að hann fattaði að mér var alvara!
Gangi þér vel!
Kv
Hrefna

Nuna ertu kannski loks buin að fatta hvernig það er að eiga börn á svipuðum aldri .. systir min var svona .. þetta lagast bara með timanum. Vera lika svolitið ströng við þær. Ekki láta þær komast upp með allt :)

Sko strákurinn minn var ógeðslega frekur þá meina ég FREKUR og ég fór til sálfræðings og hann lét mig fá meðal sem ég gef honum á morgnana,en prófaðu að fara til sálfræðings og gá hvað hann segi

Ok, kannski á ég ekki að vera að svara þessari grein þar sem ég á enga grislinga, en ég hef þurft að passa frændfólk mitt stundum og oftast er ég bara strangur og hlusta á ekkert væl.

Spurði pabba einu sinni hvað hann gerði, hann sagði að ef við vorum rosalega erfið þá greip hann í okkur og hristi í okkur smá vit.(Ekki harakalega þó)